484.04
+0.53
523.1
+1.64
8.44
+0.03
+12
Եղանակը Երևանում
Հայ
ԱՄՆ-ում ինքնաթիռի վթարի հետևանքով զոհվել է 17 մարդ, զոհերի թվում երեխաներ կան
11:08
23 Մարտի 2009

Կիրակի ԱՄՆ Մոնտանա նահանգում ինքնաթիռի վթարի հետևանքով զոհվել է 17 մարդ, այդ թվում նաև երեխաներ, հաղորդել է Ավիացիայի դաշնային վարչությունը։

«Նախնական տվյալներով՝ Բյուտ քաղաքի մոտակայքում ինքնաթիռի վթարի հետևանքով զոհվել է 17 մարդ։ Ինքնաթիռը կատարում էր Կալիֆոռնիա-Բոուզման (Մոնտանա նահանգում գտնվող քաղաք) չվերթը, սակայն օդաչուն փոխել է թռիչքային ծրագիրը և ուղղություն վերցրել դեպի Բյուտ», - ասել է վարչության ներկայացուցիչ Մայք Ֆերգուսը։

Նա ավելացրել է, որ ինքնաթիռը ջարդուխուրդ է եղել վայրէջքի ժամանակ՝ վազքուղուց ավելի քան 150 մետր հեռավորության վրա։ Ինքնաթիռի բեկորները մասամբ ընկել են մոտակայքում գտնվող գերեզմանոցի վրա։

«Հանկարծակի օդաչուն կորցրել է կառավարումն, ու ինքնաթիռն ընկել է առավելագույն բարձրությունից։ Օդաչուն չի հասցրել ուղղել ինքնաթիռը, և այն վայր է ընկել գերեզմանոցի մոտակայքում՝ չհասնելով վազքուղուն», - ասել է ավիաիշխանությունների ներկայացուցիչը։

CNN հեռուստաընկերության տվյալներով, վթարի հետևանքով զոհվածների մեծ մասը երեխաներ են։

Ավելի ուշ Ֆերգուսը մասամբ հաստատել է այդ տեղեկատվությունն՝ ասելով, որ ինքնաթիռում կային երեխաներ։ «Մենք կարծում ենք, որ նրանք լեռնադահուկային ճանապարհորդության էին մեկնում», - ասել է նա։

Ֆերգուսն ասել է, որ վթարի ենթարկված ինքնաթիռը Pilatus PC12 տեսակի փոքր ուղևորատար ինքնաթիռ էր, որը թողարկվել էր 2001 թ.-ին։

Այժմ վթարի վայրում հրդեհ է մոլեգնում։ Երկրի վրա գտվողներից ոչ ոք չի զոհվել, նշել է ավիացիայի վարչության ներկայացուցիչը։

Ֆերգուսի խոսքերով, այս ավիավթարը քննելու է տրանսպորտի անվտանգության հարցերով ազգային կոմիտեն (National Transportation Safety Board), որի ներկայացուցիչն արդեն գտնվում է Բյուտում։ «Ավիացիայի դաշնային վարչության ներկայացուցիչն ուղևորվել է դեպքի վայր», - ասել է Ֆերգուսը։

Pilatus PC12 տեսակի ինքնաթիռն արտադրվում է Շվեցարիայում, այն դասվում է գործարար ավիացիայի կատեգորիային։ Բաց աղբյուրների տվյալներով՝ արտադրվում է այդ տեսակի ինքնաթիռի մի քանի տարատեսակ՝ ուղևորատար (9 տեղ), VIP (6 տեղ) և բեռնատար (4 տեղ և բեռնախցիկ)։ Առաջին թռիչքն ինքնաթիռն իրականացրել է 1998 թ.-ին։ Pilatus PC12 ինքնաթիռը զինված է Pratt & Whitney շարժիչներով։-0-

Loading...
Թեմատիկ նյութեր

Բաժնի այլ նյութեր
14:23
27 Փետրվարի 2017
Վրաստանի քաղաքացիները կարող են առանց վիզա 90 օրով մեկնել ԵՄ
ԵՄ Խորհուրդը հավանություն է տվել ԵՄ երկրների և Վրաստանի միջև առանց վիզայի ռեժիմի ներդրմանը։
18:35
04 Փետրվարի 2017
Ամերիկացի պլաստիկ վիրաբույժը ուղիղ եթերում առցանց ցուցադրում է իր վիրահատությունները (ՏԵՍԱՆՅՈՒԹ)
Պլաստիկ վիրաբույժ Մեթյու Շուլմանը Նյու Յորքից Snapchat հավելվածով առցանց ռեժիմով հեռարձակում է իր վիրահատությունները:
12:36
30 Հունվարի 2017
Աշխարհի ավիաընկերությունները փոփոխություններ են կատարում անձնակազմերի ցանկերում Թրամփի իմիգրացիոն հրամանի պատճառով
Համաշխարհային ավիաընկերությունները վերանայում են ԱՄՆ իրականացվող չվերթերի անձնակազմերի անդամների ցանկը Իրաքի, Իրանի, Եմենի, Լիբիայի, Սիրիայի, Սոմալիի, Սուդանի քաղաքացիների մուտքի արգելքի մասին հրամանի պատճառով։
18:51
23 Հունվարի 2017
Գամբիայի նախկին նախագահը փախել է երկրից` իր հետ վերցնելով ողջ բյուջեն
Գամբիայի նախկին նախագահ Յայա Ջամեն փախել է երկրից` իր հետ տանելով երկրի` 11.4 մլն դոլար կազմող բյուջեն։
12:44
23 Հունվարի 2017
Հայուհի Գլեդիս Բերեջիկլյանը դարձել է Ավստրալիայի նահանգներից մեկի վարչապետը
Ավստրալահայ քաղաքական գործիչ Գլեդիս Բերեջիկլյանը ընտրվել է Ավստրալիայի Նոր Հարավային Ուելս նահանգի վարչապետ (New South Wales):
20:55
20 Հունվարի 2017
Վաշինգտոնում անցկացվում է Դոնալդ Թրամփի երդմնակալության արարողությունը (ՈւՂԻՂ)
Վաշինգտոնում այս րոպեներին անցկացվում է ԱՄՆ–ի 45–րդ նախագահ Դոնալդ Թրամփի երդմնակալության արարողությունը։
13:06
12 Հունվարի 2017
Ծեծկռտուք Թուրքիայի խորհրդարանում (ՏԵՍԱՆՅՈւԹ)
Թուրքական խորհրդարանի պատգամավորները կռվել են երկրի սահմանադրության մեջ նախատեսված լրացումների քննարկման ժամանակ:
18:25
24 Դեկտեմբերի 2016
Թրամփը պատմել է Պուտինի նամակի մասին
ԱՄՆ նորընտիր նախագահ Դոնալդ Թրամփը «շատ հաճելի է» համարել ՌԴ նախագահի Վլադիմիր Պուտինի նամակն ու կոչ է արել հետևել այդ նամակում ներկայացված մտքերին։
20:45
20 Դեկտեմբերի 2016
Թուրքիայի ոստիկանությունը վեց մարդ է ձերբակալել ՌԴ դեսպանի սպանությունից հետո
Թուրքական ոստիկանությունը վեց մարդ է ձերբակալել ՌԴ դեսպանի սպանության փաստով։
17:06
20 Դեկտեմբերի 2016
AP-ի լուսանկարիչը` ՌԴ դեսպանի սպանության պահի մասին. «Կարծեցի, թե դա հնարք է»
Associated Press-ի լուսանկարիչ Բուրխան Օզբիլիջին, ով Անկարայում ականատես է եղել ՌԴ դեսպանի սպանությանը և լուսանկարել մարդասպանին հարձակումից անմիջապես հետո, ներկայացրել է տեղի ունեցածի մանրամասները:

15:41
19 Դեկտեմբերի 2016
Սիլվեստեր Ստալոնեն հրաժարվել է Թրամփի առաջարկած պաշտոնից
Ամերիկացի հայտնի դերասան Սիլվեստեր Ստալոնեն հրաժարվել է Թրամփի առաջարկած պաշտոնից։
16:48
16 Դեկտեմբերի 2016
ԱՄՆ–ում ներում է շնորհվել թուրք հյուպատոսին սպանած և ցմահ ազատազրկման դատապարտված Հարրի Սասունյանին
ԱՄՆ–ում ներում կշնորհվի Հարրի (Համփիգ) Սասունյանին, ով դատապարտված էր ցմահ ազատազրկման 1982 թ.–ին թուրք հյուպատոս Քեմալ Արիկանի սպանության համար: