483.86
+0.11
572.89
+4.24
8.29
+0.08
+2
Եղանակը Երևանում
Հայ
Ջորջ և Լորա Բուշերին Տեխասում 25 հազ. մարդ է դիմավորել
10:39
21 Հունվարի 2009

ԱՄՆ նախկին նախագահ Ջորջ Բուշն իր տիկնոջ՝ Լորայի հետ երեքշաբթի երեկոյան վերադարձել է Տեխաս, որտեղ Միդլենդ ժամանելիս և հանդիպման հանդիսավոր արարողության ժամանակ նրանց դիմավորել է ավելի քան 25 հազ. մարդ, տեղեկացրել են ABC և CBS հեռուստաընկերությունները։

Միդլենդում է անցել Բուշի մանկությունը, և այն տանը, որտեղ նա մեծացել է, այժմ բացվել է «Ջորջ Բուշի մանկության թանգարանը»։ Միդլենդում Բուշը ծանոթացել է իր ապագա տիկնոջ՝ Լորայի հետ, և հենց այս քաղաքում ութ տարի առաջ՝ 2001 թ.-ի հունվարին, տեխասցիները հանդիսավոր կերպով ճանապարհել են ԱՄՆ նոր նախագահին Վաշինգտոն։

«Ես շատ շնորհակալ եմ, որ դուք եկել եք ողջունելու մեզ տուն վերադառնալիս», - հավաքվածներին է հայտարարել Միդլենդում ջերմ ընդունելությունից ակնհայտորեն հուզված այժմ արդեն ԱՄՆ նախկին նախագահը։ Բուշն իր հայտարարության մեջ ասել է, որ «միշտ արել է այն, ինչ ճիշտ է համարել»։

«Իմ որոշումների դատավորը կլինի պատմությունը, սակայն երբ այսօր առավոտյան ես դուրս եկա Ձվաձև աշխատասենյակից, ես հեռացա՝ հավատարիմ մնալով նույն արժեքներին, որոնց ես հավատարիմ էի ութ տարի առաջ Վաշինգտոն մեկնելիս։ Երբ ես վերադառնամ տուն և նայեմ հայելու մեջ, ես չեմ ափսոսա նրանից, ինչ կտեսնեմ այնտեղ, բացառությամբ, միգուցե, ճերմակ մազերից», - ընդգծել է Սպիտակ տան նախկին ղեկավարը։

Միդլենդի ժամանման արարողությունից հետ Բուշը մեկնել է Ուեկո, որտեղ նրան ևս դիմավորել է ավելի քան երեք հազար մարդ։ Ուեկոյից Բուշը մեկնել է Քրոուֆորդի մոտ գտնվող իր ռանչոն։ Ռանչոյից բացի Ջորջ և Լորա Բուշերն այժմ նոր տուն ունեն Դալլասի ամենահեղինակավոր թաղամասերից մեկում, որտեղ տեղական համալսարանի տարածքում Բուշը ծրագրում է բացել իր նախագահության գրադարանը, իր նախագահության թանգարանը, ինչպես նաև քաղաքագիտական կենտրոն, որոնց բացումը կկայանա 2013 թ.-ին։

Անցած շաբաթ Բուշի արխիվը բերվել է Դալլաս երկու տրանսպորտային ինքնաթիռներով և 14 բեռնատար-տրեյլերներով։ Արխիվը կտեղակայվի ժամանակավոր վայրերում մինչ կբացվի ԱՄՆ 43-րդ նախագահի գրադարանն ու թանգարանը։

Երեքշաբթի կեսօրին Վաշինգտոնում պաշտոնական երդմակալության ժամանակ ԱՄՆ 44-րդ նախագահը դարձավ Բարաք Օբաման։

Օբամայի երդմակալությանը ներկա էր 1-2 միլիոն մարդ։-0-

Loading...
Թեմատիկ նյութեր
Բաժնի այլ նյութեր
13:45
22 Նոյեմբերի 2017
Մահացել է հայտնի օպերային երգիչ Դմիտրի Խվորոստովսկին
56 տարեկանում կյանքից հեռացել է հռչակավոր օպերային երգիչ Դմիտրի Խվորոստովսկին։
20:26
21 Նոյեմբերի 2017
Անցորդը բռնել է իններորդ հարկից ընկնող կնոջը (ՎԻԴԵՈ)
Չիլիում Հաիթիի ներգաղթյալը փորձել է փրկել բազմահարկ շենքից ընկնող կնոջը։
15:07
20 Նոյեմբերի 2017
Կոտրելով կարծրատիպերը. առաջին անգամ կինը երգել է Սիքստինյան կապելայում (ՎԻԴԵՈ)
Երգչուհի Չեչիլիա Բարտոլին դարձել է առաջին կինը, ով պատվի է արժանացել երգելու Վատիկանի Սիքստինյան կապելայում։
20:15
18 Նոյեմբերի 2017
Աշխարհի հինգ բացառիկ հետիոտնային կամուրջները (ՖՈՏՈ)
Ճարտարագիտական և ճարտարապետական երևակայությունը սահմաններ չի ճանաչում։
13:13
13 Նոյեմբերի 2017
Կենտրոնական Մեքսիկայում «արթնացել է» Պոպոկատեպետլ հրաբուխը (ՎԻԴԵՈ)
Հրաբխի ժայթքման հետևանքով խառնարանից օդ բարձրացած մոխրի սյունը հասել է 2 կմ–ի։
15:48
04 Նոյեմբերի 2017
Թրամփի Twitter–ի էջը ջնջվել է
ԱՄՆ նախագահ Դոնալդ Թրամփի Twitter–ի  էջը ջնջվել է:
13:59
29 Հոկտեմբերի 2017
Forbes–ը հրապարակել է աշխարհի ամենահարուստ մարդկանց ցանկը
Հայտնի են աշխարհի ամենահարուստ մարդիկ։
19:27
28 Հոկտեմբերի 2017
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվել է թռիչքի (ՎԻԴԵՈ)
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվում էր օդ բարձրանալ:
18:02
28 Հոկտեմբերի 2017
Ամենամատչելի ավտոմեքենաների լավագույն հնգյակը
Ավտոմոբիլային շուկայի մասնագետները կազմել են ամենամատչելի մեքենաների վարկանիշը` ավտոնոմ  ֆունկցիայով:
16:57
28 Հոկտեմբերի 2017
ԱՄՆ–ի համալսարանում «մարիխուանագետներ» կպատրաստեն
ԱՄՆ–ի համալսարանում մարիխուանայի մասնագետներ կպատրաստեն:
18:44
27 Հոկտեմբերի 2017
ԱՄՆ–ում ոստիկանները մասշտաբային հետապնդում են կազմակերպել 10 տարեկան «մրցարշավորդի» նկատմամբ (ՎԻԴԵՈ)
ԱՄՆ–ում ոստիկանները մասշտաբային հետապնդում են կազմակերպել երեխայի նկատմամբ։
21:17
25 Հոկտեմբերի 2017
Մերկ ակտիվիստուհին հակաադրբեջանական ակցիա է կազմակերպել Ուկրաինայում սեքս–տուրիզմի դեմ
Մերկ աղջիկը, ոչխարի կերպարով, դիմավորել է Բաքվից ժամանող ուղևորներին։