487.29
-0.01
568.08
+2.76
8.23
+0.01
+8
Եղանակը Երևանում
Հայ
Բուշը երկրին է դիմել հրաժեշտի հեռուստաուղերձով
10:45
16 Հունվարի 2009

ԱՄՆ նախագահ Ջորջ Բուշը երկրին է դիմել հրաժեշտի հեռուստաուղերձով, որի ժամանակ պատմել է իր նախագահության մասին, շնորհակալություն հայտնել ամերիկացիներին վստահության համար և լավագույն ցանկություններն է հղել ԱՄՆ նոր նախագահ Բարաք Օբամային, հաղորդում է «ՌԻԱ Նովոստիի» թղթակիցը։

Հունվարի 20-ի կեսօրին Բուշը վայր է դնում ԱՄՆ նախագահի լիազորությունները՝ ամերիկյան նորագույն պատմության մեջ ունենալով ժողովրդականության ամենացածր վարկանիշներից մեկը։

«Ինչպես մյուսները, ովքեր ինձնից առաջ զբաղեցրել են այս պաշտոնը, ես բախվել եմ ընկրկումների հետ, և կան բաներ, որոնք ես այլ կերպ կանեի, եթե դրա համար հնարավորություն ստանայի։ Այնուամենայնիվ ես միշտ գործել եմ՝ ելնելով մեր երկրի լավագույն շահերից։ Ես հետևել եմ իմ խղճին և արել այն, ինչ ճիշտ եմ համարել», - հայտարարել է Բուշը։

Սպիտակ տան Արևելյան հյուրասրահից հեռարձակվող Բուշի հեռուստաուղերձը հեռարձակվում էր ԱՄՆ-ի բոլոր առաջատար հեռուստաընկերություններով և ռադիոկայաններով։

«Ամերիկան պետք է պահպանի իր բարոյական պարզությունը։ Ես հաճախ եմ պատմել ձեզ բարու և չարի մասին։ Այս ամենի պատճառով որոշ մարդիկ անհարմարություն էին զգում, սակայն բարին ու չարը գոյություն ունեն աշխարհում, և նրանց միջև փոխզիջում չի կարող լինել», - հայտարարել է Բուշը։

Միաժամանակ նա հայտարարել է «Ամերիկայի նկատմամբ իր հաստատակամ հավատի մասին»։

«Մենք բախվել ենք վտանգի և փորձությունների հետ, և դրանք մեզ ապագայում դեռևս սպասում են, սակայն մեր մարդկանց քաջությամբ և  իդեալների նկատմամբ հավատով մեր հզոր երկիրը երբեք չի հոգնի, չի ընկրկի և երբեք ձախողում չի կրի», - հայտարարել է Բուշը։

Իր հեռուստաուղերձում նա շնորհակալություն է հայտնել ամերիկացիներին նախագահության ութ տարվա համար։ «Այսօր ես լի եմ երախտագիտությամբ։ Ես շնորհակալություն եմ հայտնում ամերիկացի ժողովրդին իմ նկատմամբ ցուցաբերած վստահության համար», - հայտարարել է Բուշը։

Ելույթում նա խոսել է իր վարչակազմի ձեռքբերումների մասին, մասնավորապես, 2001 թ.-ի սեպտեմբերի 11-ի ահաբեկչությունից հետո ահաբեկչության դեմ պայքարի ոլորտում։

«Վերջին յոթ տարվա ընթացքում ստեղծվել է Ներքին անվտանգության նոր նախարարություն։ Վերափոխվել են զինված ուժերը, հետախուզության միությունն և ՀԴԲ-ն (Հետաքննությունների դաշնային բյուրո)։ Մեր երկիրը ՝ ահաբեկիչներին հետևելու, նրանց ֆինանսները սառեցնելու և դավադրությունները կանխելու նոր գործիքներ ունի», - տեղեկացրել է Բուշը։

«Այս բոլոր որոշումների նկատմամբ ընթանում են լեգիտիմ բանավեճեր, սակայն արդյունքների նկատմամբ երբեմնի բանավեճեր չեն կարող լինել. ավելի քան յոթ տարվա ընթացքում Ամերիկայի տարածքում նոր ահաբեկչություն տեղի չի ունեցել», - իր հրաժեշտի ուղերձում հայտարարել է ԱՄՆ նախագահի լիազորությունները վայր դնող Բուշը։

Բուշը նաև ջերմորեն է խոսել Սպիտակ տան նոր ղեկավար Բարաք Օբամայի մասին, որն ԱՄՆ նախագահի պաշտոնը կստանձնի հունվարի 20-ի կեսօրին։

«Սա ողջ ազգ համար հույսի և հպարտության պահ է, և ես միանում են բոլոր ամերիկացիներին՝ լավագույնը մաղթելով ընտրված նախագահ Օբամային, նրա տիկնոջը՝ Միշելին և նրանց երկու չքնաղ դուստրերին», - հայտարարել է Բուշը։

Բուշի ելույթից առաջ ԱՄՆ նախագահի օգնական Էդ Գիլեպսին Սպիտակ տանը լրագրողներին հաստատել է, որ Բուշի այսօրվա հեռուստաուղերձը ԱՄՆ նախագահի պաշտոնում նրա վերջին հրապարակային ելույթն է։

«Սա ավարտն է, հարցազրույցների և ելույթների վերջակետը, քանի որ նա այլևս հրապարակային հանդես չի գալու մինչ այն պահը, երբ երդմակալության օրը կողջունի ընտրված նախագահ Օբամային Սպիտակ տան հյուսիսային թևում», - ասել է ԱՄՆ նախագահի օգնականը։

Ուրբաթ Բուշն իր ընտանիքի հետ կմեկնի քաղաքից դուրս գտնվող իր պաշտոնական նստավայր՝ Քեմփ-Դևիդ (Մերիլենդ նահանգ), որտեղ կանցկացնի երկու օր մինչ Վաշինգտոն վերադառնալը։

Սպիտակ տան մամուլի քարտուղար Դանա Պերինոն հինգշաբթի լրագրողներին տեղեկացրել է, որ երկուշաբթի Բուշին ժամանակ է տրամադրված, որպեսզի նա կարողանա զանգեր ընդունել և հրաժեշտ տալ համաշխարհային առաջնորդներին, որոնք նման խնդրանք են հղել։ Բուշի նախագահական լիազորությունների վերջնաժամկետն է հունվարի 20-ի կեսօրը։-0- 

Loading...
Թեմատիկ նյութեր
Բաժնի այլ նյութեր
15:48
04 Նոյեմբերի 2017
Թրամփի Twitter–ի էջը ջնջվել է
ԱՄՆ նախագահ Դոնալդ Թրամփի Twitter–ի  էջը ջնջվել է:
13:59
29 Հոկտեմբերի 2017
Forbes–ը հրապարակել է աշխարհի ամենահարուստ մարդկանց ցանկը
Հայտնի են աշխարհի ամենահարուստ մարդիկ։
19:27
28 Հոկտեմբերի 2017
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվել է թռիչքի (ՎԻԴԵՈ)
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվում էր օդ բարձրանալ:
18:02
28 Հոկտեմբերի 2017
Ամենամատչելի ավտոմեքենաների լավագույն հնգյակը
Ավտոմոբիլային շուկայի մասնագետները կազմել են ամենամատչելի մեքենաների վարկանիշը` ավտոնոմ  ֆունկցիայով:
16:57
28 Հոկտեմբերի 2017
ԱՄՆ–ի համալսարանում «մարիխուանագետներ» կպատրաստեն
ԱՄՆ–ի համալսարանում մարիխուանայի մասնագետներ կպատրաստեն:
18:44
27 Հոկտեմբերի 2017
ԱՄՆ–ում ոստիկանները մասշտաբային հետապնդում են կազմակերպել 10 տարեկան «մրցարշավորդի» նկատմամբ (ՎԻԴԵՈ)
ԱՄՆ–ում ոստիկանները մասշտաբային հետապնդում են կազմակերպել երեխայի նկատմամբ։
21:17
25 Հոկտեմբերի 2017
Մերկ ակտիվիստուհին հակաադրբեջանական ակցիա է կազմակերպել Ուկրաինայում սեքս–տուրիզմի դեմ
Մերկ աղջիկը, ոչխարի կերպարով, դիմավորել է Բաքվից ժամանող ուղևորներին։
20:24
25 Հոկտեմբերի 2017
Atlassian ընկերության հիմնադիրները մեկ օրում հարստացել են 1,4 մլրդ դոլարով. Forbes
Atlassian ավստրալական կորպորատիվ ծրագրային ընկերության համահիմնադիրները մեկ օրում հարստացել են 1,4 մլրդ դոլարով։
19:00
23 Հոկտեմբերի 2017
Մոսկվայի պետական համալսարանի շենքում տարհանում է իրականացվել հնարավոր պայթյունի հաղորդման պատճառով
Անանուն հաղորդագրություն է ստացվել Լենինսկիե գոռի, 1–ին շենքի պայթյունի վտանգի մասին:
16:58
21 Հոկտեմբերի 2017
Թրամփը նախագահության մեկ տարում կորցրել է 600 մլն դոլար` դառնալով Forbes–ի վարկանիշի գլխավոր անհաջողակը
Forbes–ի վարկանիշի գլխավոր անհաջողակը ԱՄՆ գործող նախագահ Դոնալդ Թրամփն է։
11:24
02 Հոկտեմբերի 2017
Կատալոնացիների 90%–ն «այո» է ասել Իսպանիայից անկանխանալուն
Կատալոնիան անկախ հանրապետություն դառնալու իրավունք է նվաճել հանրաքվեի արդյունքում։