485.74
+0.58
561.81
-1.12
8.27
+0.04
+9
Եղանակը Երևանում
Հայ
ՄԱԿ-ի ԱԽ-ն Գազայի հատվածում կրակի դադարեցման պահանջ պարունակող բանաձև է ընդունել
10:58
09 Հունվարի 2009

ՄԱԿ-ի Անվտանգության խորհուրդը հինգշաբթի բաց նիստի ժամանակ Գազայի հատվածում կրակի դադարեցման պահանջ պարունակող բանաձև է ընդունել։

Բանաձևի գլխավոր կետերի թվում է կրակի դադարեցման, իսրայելական զորքերի դուրսբերման, Գազայի հատվածի սահմանի վրա Իսրայելի կողմից շրջափակված հսկիչ-անցագրային կետերի բացման պահանջը, ինչպես նաև կայուն և շարունակական հաշտեցման երաշխիքների ապահովման պահանջը, հաղորդում է «ՌԻԱ Նովոստին»։

Բանաձևում նաև ողջունվում է Մերձավոր Արևելքի կարգավորման վերաբերյալ 2009 թ.-ին Մոսկվայում միջազգային կոնֆերանսի անցկացման մտադրությունը։

Բանաձևն ընդունվել է 14 «կողմ» ձայնով, ԱՄՆ-ի պատվիրակությունը ձեռնպահ է մնացել։ Տեքստի համաձայն՝ «Անվտանգության խորհուրդը

-         ընդգծում է հրատապ բնույթը և պահանջում է, որ բոլոր կողմերն անհապաղ, կայուն կերպով պահպանեն կրակի դադարեցման ռեժիմը, որը հանգեցնում է Գազայի հատվածից իսրայելական ուժերի ամբողջական դուրսբերման;

-         պահանջում է Գազայի ողջ տարածքում ապահովել հումանիտար օգնության անարգել մատակարարում՝ ներառելով մթերք, վառելիք և բժշկական օգնություն;

-         ողջունում է հումանիտար միջանցքների և այլ մեխանիզմների ստեղծմանն ու բացմանն ուղղված նախաձեռնությունները, որոնք ապահովում են հումանիտար օգնության կայուն մատակարարում»։

Անվտանգության խորհուրդը մտահոգություն է հայտնում Գազայում հումանիտար իրավիճակի վատթարացման վերաբերյալ և «հատկապես քաղաքացիական բնակչության շրջանում հսկա զոհերի հետևանքով բռնության աճի ու իրավիճակի վատթարացման առնչությամբ» և ընդգծում, որ «պաղեստինյան և իսրայելական քաղաքացիական բնակչությունը պետք է պաշտպանված լինի»։

ՄԱԿ-ի ԱԽ-ն «դատապարտում է նաև խաղաղ բնակիչների դեմ ուղղված բռնության և դաժանության բոլոր դեպքերն ու ահաբեկչական գործողությունները»։ Սույն կետը կարող է մեկնաբանվել որպես և Իսրայելի, և ՀԱՄԱՍ-ի գործողությունների դատապարտում, սակայն բանաձևում այդ կողմերը ուղղակիորեն չնշելու առկայությունը, ըստ էության, փոխզիջում ձեռքբերելու ուղիներից մեկն է։

Բանաձևի տեքստում ՀԱՄԱՍ-ի մասին հիշատակման բացակայությունը, ընդհանուր առմամբ, Իսրայելի և ԱՄՆ-ի պայմանն էր։ Անվտանգության խորհրդի նիստի առաջին փուլից հետո երկուշաբթի ՄԱԿ-ում Իսրայելի մշտական ներկայացուցիչ Գաբրիելա Շալևը հայտարարել է, որ «անընդունելի է պետությանն ու ահաբեկչական կազմակերպությանը (ինչպիսին են համարում ՀԱՄԱՍ-ը Թել Ավիվում, Վաշինգտոնում և մի շարք այլ երկրներում) նույն հարթության վրա դնելը»։

Անվտանգության խորհուրդը կոչ է անում ՄԱԿ-ի անդամ-պետություններին աջակցել Գազայի հատվածում հումանիտար և տնտեսական իրավիճակի թեթևացմանն ուղղված միջազգային ջանքերին։

Փոխզիջման համար հիմք դարձավ հինգշաբթի Մեծ Բրիտանիայի կողմից առաջարկված նախագիծը։ Օրվա առաջին կեսին այն քննարկում էին Մեծ Բրիտանիան, ԱՄՆ-ն և հունվարին ՄԱԿ-ի ԱԽ-ում նախագահող Ֆրանսիան։ Այնուհետև փաստաթուղթը քննարկվեց այդ «եռյակի» և արաբական երկրների պատվիրակությունների միջև բանակցությունների ընթացքում։ Նրանք մտցրեցին իրենց ուղղումները, որոնք հաշվի առնվեցին վերջնական տեքստում։

Բանակցություններին մասնակցեցին ԱՄՆ-ի, Մեծ Բրիտանիայի և Ֆրանսիայի ԱԳ նախարարներ Քոնդոլիզա Ռայսը, Դեյվիդ Միլբենդն ու Բեռնար Քուշները, ինչպես նաև մի շարք արաբական երկրների ԱԳ նախարարներ։

Արևմտյան և արաբական երկրների միջև հիմնական տարաձայնություններից էր հրադադարի մասին ձևակերպումը։ Վեճի պատճառն այն էր, որ տեքստի ձևակերպման մեջ ՄԱԿ-ի ԱԽ-ն «պահանջում է կրակի անհապաղ դադարեցում» կամ քիչ ավելի մեղմ՝ «ընդգծում էր կրակի դադարեցման անհապաղ անհրաժեշտությունը»։ Վերջիվերջո փոխզիջումային ձևակերպումը ստացավ հետևյալ տեսքը՝ «ընդգծում է հրատապ բնույթը և պահանջում է, որ բոլոր կողմերն անհապաղ, կայուն կերպով պահպանեն կրակի դադարեցման ռեժիմը, որը հանգեցնում է Գազայի հատվածից իսրայելական ուժերի ամբողջական դուրսբերման»։

Միաժամանակ Գազայի հատվածում իսրայելական գործողությունների ընթացքում զոհված պաղեստինցիների թիվը հինգշաբթի հասել է 766-ի, վիրավորվել է ավելի քան 3,1 հազար մարդ, լրագրողներին է տեղեկացրել Առողջապահության նախարարության ներկայացուցիչ Մուավիա Հասանեն։ «Ձուլված արճիճ» գործողության ընթացքում իսրայելական կողմից զոհվել է 11 մարդ, այդ թվում նաև ութ զինծառայող։ Յոթ զինվորականներ սպանվել են Գազայի հատվածի տարածքում ընթացող մարտերի ժամանակ, ութ և ևս երեք խաղաղ բնակիչ Իսրայելի հարավում հրթիռակոծումների զոհ են դարձել։-0- 

Loading...
Թեմատիկ նյութեր
Բաժնի այլ նյութեր
15:48
04 Նոյեմբերի 2017
Թրամփի Twitter–ի էջը ջնջվել է
ԱՄՆ նախագահ Դոնալդ Թրամփի Twitter–ի  էջը ջնջվել է:
13:59
29 Հոկտեմբերի 2017
Forbes–ը հրապարակել է աշխարհի ամենահարուստ մարդկանց ցանկը
Հայտնի են աշխարհի ամենահարուստ մարդիկ։
19:27
28 Հոկտեմբերի 2017
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվել է թռիչքի (ՎԻԴԵՈ)
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվում էր օդ բարձրանալ:
18:02
28 Հոկտեմբերի 2017
Ամենամատչելի ավտոմեքենաների լավագույն հնգյակը
Ավտոմոբիլային շուկայի մասնագետները կազմել են ամենամատչելի մեքենաների վարկանիշը` ավտոնոմ  ֆունկցիայով:
16:57
28 Հոկտեմբերի 2017
ԱՄՆ–ի համալսարանում «մարիխուանագետներ» կպատրաստեն
ԱՄՆ–ի համալսարանում մարիխուանայի մասնագետներ կպատրաստեն:
18:44
27 Հոկտեմբերի 2017
ԱՄՆ–ում ոստիկանները մասշտաբային հետապնդում են կազմակերպել 10 տարեկան «մրցարշավորդի» նկատմամբ (ՎԻԴԵՈ)
ԱՄՆ–ում ոստիկանները մասշտաբային հետապնդում են կազմակերպել երեխայի նկատմամբ։
21:17
25 Հոկտեմբերի 2017
Մերկ ակտիվիստուհին հակաադրբեջանական ակցիա է կազմակերպել Ուկրաինայում սեքս–տուրիզմի դեմ
Մերկ աղջիկը, ոչխարի կերպարով, դիմավորել է Բաքվից ժամանող ուղևորներին։
20:24
25 Հոկտեմբերի 2017
Atlassian ընկերության հիմնադիրները մեկ օրում հարստացել են 1,4 մլրդ դոլարով. Forbes
Atlassian ավստրալական կորպորատիվ ծրագրային ընկերության համահիմնադիրները մեկ օրում հարստացել են 1,4 մլրդ դոլարով։
19:00
23 Հոկտեմբերի 2017
Մոսկվայի պետական համալսարանի շենքում տարհանում է իրականացվել հնարավոր պայթյունի հաղորդման պատճառով
Անանուն հաղորդագրություն է ստացվել Լենինսկիե գոռի, 1–ին շենքի պայթյունի վտանգի մասին:
16:58
21 Հոկտեմբերի 2017
Թրամփը նախագահության մեկ տարում կորցրել է 600 մլն դոլար` դառնալով Forbes–ի վարկանիշի գլխավոր անհաջողակը
Forbes–ի վարկանիշի գլխավոր անհաջողակը ԱՄՆ գործող նախագահ Դոնալդ Թրամփն է։
11:24
02 Հոկտեմբերի 2017
Կատալոնացիների 90%–ն «այո» է ասել Իսպանիայից անկանխանալուն
Կատալոնիան անկախ հանրապետություն դառնալու իրավունք է նվաճել հանրաքվեի արդյունքում։