484.96
+0.3
573.47
-1.05
8.22
-0.04
-1
Եղանակը Երևանում
Հայ
Բուշը «զվարճալի և հետաքրքիր» է անվանել իր վրա կոշիկներ նետելու միջադեպը
11:41
15 Դեկտեմբերի 2008

ԵՐԵՎԱՆ, 15 դեկտեմբերի. /Նովոստի-Արմենիա/. ԱՄՆ նախագահ Ջորջ Բուշը հայտարարել է, որ «զվարճալի» է համարում Բաղդադում մամուլի ասուլիսի ժամանակ տեղի ունեցած միջադեպը, երբ իրաքցի թղթակիցը նրա վրա է նետել իր երկու կոշիկները։

«Դա զվարճալի էր։ Ես նկատի ունեմ, որ իմ նախագահության ընթացքում ես շատ տարօրինակ բաներ եմ տեսել, և սա կարող է ամենատարօրինակներից մեկը համարվել», - հայտարարել է Բուշը ամերիկյան ABC հեռուստաընկերությանը տված հարցազրույցում։

Միաժամանակ Սպիտակ տան ղեկավարը տեղեկացրել է, որ միջադեպն «անհարմար վիճակի մեջ է դրել» մամուլի ասուլիսին ներկա գտնված մյուս իրաքցի լրագրողներին։

«Նրանք կարծում էին, որ նա խայտառակել է ողջ լրագրողական կորպուսը, սակայն ես, անկեղծորեն, այդպես չեմ կարծում, և այդ միջադեպը հետաքրքիր եմ համարում։ Ես կարծեցի, որ դա անսովոր է, երբ մարդը քեզ վրա կոշիկ է նետում, սակայն ես վիրավորված չեմ դրանից», - տեղեկացրել է ԱՄՆ նախագահը։

Միաժամանակ նա ընդգծել է, որ չի մեղադրում Իրաքի կառավարությանը։

«Ես կառավարության դեմ ոչինչ չունեմ։ Չեմ կարծում, որ Իրաքի լրագրողական կորպուսն ընդհանուր առմամբ ահավոր է։ Տղան պարզապես ցանկանում էր հայտնվել հեռուստատեսային եթերում և հայտնվեց», - հայտարարել է Բուշը։

«Նման բան լինում է, և դա ազատ հասարակության նշան է»,- հայտարարել է Բուշը։

Միջադեպը տեղի է ունեցել կիրակի՝ Բաղդադում Բուշի մամուլի ասուլիսի ժամանակ՝ Իրաքի վարչապետ Նուրի Ալ-Մալիկի ներկայությամբ։

«Նախագահի ելույթը ընդհատել է մի տղամարդ, ըստ երևույթին՝ լրագրող, որը ոտքի է կանգնել և իր կոշիկը նետել նախագահի վրա», -  զեկույցում գրում է «New-York Times» թերթի թղթակից Սթիվեն Լի Մայերսը։

Լրագրողը նետել է առաջին կոշիկը՝ արաբերեն գոչելով՝ «Սա իրաքցիների նվերն է։ Սա հրաժեշտի համբույրն է, շուն»։

Այնուհետև թղթակիցը նետել է Բուշի վրա երկրորդ կոշիկը՝ բացականչելով՝ «Սա այրիների, որբերի կողմից և բոլոր նրանց, ովքեր սպանվել են Իրաքում»։

Մայերսի զեկույցի համաձայն, լրագրողը Բուշից գտնվում էր մոտ 4 մետր հեռավորության վրա։

Միջադեպի տեսագրությունը ցույց է տալիս, որ երկու անգամ էլ Բուշն արագ է կողմնորոշվել՝ կարողանալով խույս տալ երկու կոշիկներից էլ, որոնք, թռչելով ԱՄՆ նախագահի գլխավերևով, դիպել են պատին, որի մոտ կանգնեցված են եղել ԱՄՆ-ի և Իրաքի դրոշները։

Արաբական արևելքում մարդու վրա կոշիկ նետելը և նրան շան հետ համեմատելը շատ մեծ վիրավորանք է և չափազանց անհարգալից վերաբերմունքի նշան։ Ամերիկյան ԶԼՄ-ների տվյալներով, Բուշի վրա կոշիկներ է նետել «Ալ-Բաղդադիա» եգիպտական հեռուստաալիքի իրաքցի թղթակից Մունթադհար ալ-Զաիդին։

Այն բանից հետո, երբ ալ-Զաիդին Բուշի վրա է նետել իր երկու կոշիկները, նրան գետնին են տապալել ամերիկյան և իրաքյան պահպանության աշխատակիցները, այնուհետև դուրս հանել դահլիճից, որտեղ ընթանում էր մամուլի ասուլիսը։

CNN հեռուստաընկերության տվյալներով, «Ալ-Բաղդադիա» հեռուստաընկերությունն արդեն տարածել է իր ձերբալակված լրագրողին ազատ արձակելու պահանջով հայտարարություն։ CNN-ը հիշեցնում է, որ 2007 թ.-ի նոյեմբերին ալ-Զաիդիին առևանգել էին Բաղդադի կենտրոնում, սակայն երեք օր անց նրան բաց էին թողել։-0-

Loading...
Թեմատիկ նյութեր
Բաժնի այլ նյութեր
17:10
06 Դեկտեմբերի 2017
ԵԽ նախարարների կոմիտեն աննախադեպ դատավարություն է սկսել Ադրբեջանի նկատմամբ
Եվրոպայի Խորհրդի նախարարների կոմիտեն աննախադեպ դատաքննություն է սկսել Ադրբեջանի հանդեպ:
16:55
04 Դեկտեմբերի 2017
Շվեյցարական գյուղերից մեկը 25 հազարական ֆրանկ է առաջարկում յուրաքանչյուր նորաբնակի
Ալպիական Ալբինեն գյուղը, որտեղից բնակչության կանոնավոր արտահոսք է դիտվում, որոշել է գումարով պոտեցիալ նորաբնակների ներգրավել։
17:59
03 Դեկտեմբերի 2017
Նոր գերձայնային ինքնաթիռը Լոնդոնից Նյու Յորք կհասնի 3 ժամում (ՎԻԴԵՈ)
Գերձայնային ուղևորատար ինքնաթիռը կարող է Լոնդոնից Նյու Յորք հասնել 3 ժամում։
13:45
22 Նոյեմբերի 2017
Մահացել է հայտնի օպերային երգիչ Դմիտրի Խվորոստովսկին
56 տարեկանում կյանքից հեռացել է հռչակավոր օպերային երգիչ Դմիտրի Խվորոստովսկին։
20:26
21 Նոյեմբերի 2017
Անցորդը բռնել է իններորդ հարկից ընկնող կնոջը (ՎԻԴԵՈ)
Չիլիում Հաիթիի ներգաղթյալը փորձել է փրկել բազմահարկ շենքից ընկնող կնոջը։
15:07
20 Նոյեմբերի 2017
Կոտրելով կարծրատիպերը. առաջին անգամ կինը երգել է Սիքստինյան կապելայում (ՎԻԴԵՈ)
Երգչուհի Չեչիլիա Բարտոլին դարձել է առաջին կինը, ով պատվի է արժանացել երգելու Վատիկանի Սիքստինյան կապելայում։
20:15
18 Նոյեմբերի 2017
Աշխարհի հինգ բացառիկ հետիոտնային կամուրջները (ՖՈՏՈ)
Ճարտարագիտական և ճարտարապետական երևակայությունը սահմաններ չի ճանաչում։
13:13
13 Նոյեմբերի 2017
Կենտրոնական Մեքսիկայում «արթնացել է» Պոպոկատեպետլ հրաբուխը (ՎԻԴԵՈ)
Հրաբխի ժայթքման հետևանքով խառնարանից օդ բարձրացած մոխրի սյունը հասել է 2 կմ–ի։
15:48
04 Նոյեմբերի 2017
Թրամփի Twitter–ի էջը ջնջվել է
ԱՄՆ նախագահ Դոնալդ Թրամփի Twitter–ի  էջը ջնջվել է:
13:59
29 Հոկտեմբերի 2017
Forbes–ը հրապարակել է աշխարհի ամենահարուստ մարդկանց ցանկը
Հայտնի են աշխարհի ամենահարուստ մարդիկ։
19:27
28 Հոկտեմբերի 2017
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվել է թռիչքի (ՎԻԴԵՈ)
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվում էր օդ բարձրանալ:
18:02
28 Հոկտեմբերի 2017
Ամենամատչելի ավտոմեքենաների լավագույն հնգյակը
Ավտոմոբիլային շուկայի մասնագետները կազմել են ամենամատչելի մեքենաների վարկանիշը` ավտոնոմ  ֆունկցիայով: