481.73
+0.23
568.97
+3.45
8.37
-0.02
+7
Եղանակը Երևանում
Հայ
ՄԱԿ-ը նշում է Մարդու իրավունքների համընդհանուր հռչակագրի 60-ամյակը
11:33
10 Դեկտեմբերի 2008

Միացյալ Ազգերի կազմակերպությունը չորեքշաբթի ողջ աշխարհում մասշտաբային հանդիսավոր միջոցառումներով նշում է Մարդու իրավունքների համընդհանուր հռչակագրի ընդունման վաթսունամյակը։

«Բոլոր մարդիկ ծնվում են ազատ ու հավասար իրենց արժանապատվությամբ ու իրավունքներով։ Նրանք ունեն բանականություն ու խիղճ և միմյանց պետք է եղբայրաբար վերաբերվեն», - ասվում է Հռչակագրի առաջին հոդվածում, որն ընդունվել է ՄԱԿ-ի Գլխավոր ասամբլեայի կողմից 1948 թ.-ի դեկտեմբերի 10-ին։

Միայն 30 հոդված ունեցող՝ միջազգային չափանիշներով բավականին համառոտ Հռչակագիրն անցած տարիների ընթացքում մեծամասամբ միավորող սկիզբ է դարձել ողջ աշխարհի մարդկանց համար։

Չորեքշաբթի տարբեր սեմինարներ, կոնֆերանսներ, նիստեր և հանդիսավոր արարողություններ կանցկացվեն ՄԱԿ-ի բոլոր բաժանմունքներում և համակարգի կազմակերպություններում՝ Ժնևից և Վիեննայից մինչև Տոկիո և Նայրոբի։ Գլխավոր արարողությունները տեղի կունենան Նյու-Յորքում։ Տեղական ժամանակով ժամը 15։00-ին (Երևանի ժամանակով ժամը 00։00) ՄԱԿ-ի կենտրոնական գրասենյակում կսկսվի Գլխավոր ասամբլեայի՝ Հռչակագրի 60-ամյակին նվիրված հանդիսավոր նիստը, որի ժամանակ պարգևներ կհանձնվեն մարդու իրավունքների ոլորտում, որի  դափնեկիրների անունները ամեն տարի հրապարակում է Գլխավոր ասամբլեայի նախագահը։ Այս տարի երկու մարդ արժանացել են այդ պարգևին հետմահու։ Դա հարձակման հետևանքով զոհված Բենազիր Բհուտոն է՝ Պակիստանի ընդդիմության առաջնորդն ու նախկին վարչապետը և ամերիկուհի միսիոներ Դորոթի Սթենգը։

Դափնեկիրների թվում է Լուիզա Արբուրը, որն ավել վաղ զբաղեցնում էր ՄԱԿ-ի փախստականների հարցերով գերագույն հանձնակատարի պաշտոնը, Ռեմզի Քլարկը՝ ԱՄՆ նախկին գլխավոր դատախազը, Քերոլին Գոմեսը՝ «Յամայկայի բնակիչները՝ հանուն արդարության» իրավապաշտպան կազմակերպության հիմնադիրն ու տնօրենը, քաղաքացիական պատերազմ վերապրած Կոնգոյի Ժողովրդավարական Հանրապետությունից իրավապաշտպան Դենիս Մուկվենգեն։ ՄԱԿ-ի այս պատվավոր մրցանակին է արժանացել նաև «Human rights watch» հայտնի միջազգային իրավապաշտպան կազմակերպությունը։

Նիստի ժամանակ ելույթ կունենան Գլխավոր ասամբլեայի նախագահ Միգել դ'Էսկոտո Բրոքմանը, ՄԱԿ-ի գլխավոր քարտուղար Պան Գի Մունը, ՄԱԿ-ի մարդու իրավունքների գերագույն հանձնակատար Նավանեթհեմ Փիլեյը։

Երեքշաբթի նա ներկայացրել է ողջ վաթսունամյա պատմության ընթացքում Հռչակագրի գործունեության ամփոփումը։ Գերագույն հանձնակատարի կարծիքով, այս փաստաթուղթը, չնայած իր լակոնիկությանը, մարդկության վրա առավելագույն ազդեցությունն է ունեցել։

«Այսօր Հռչակագրում տեղ գտած սկզբունքներն արտացոլված են աշխարհի ավելի քան 90 երկրների սահմանադրություններում և այլ օրենքներում», - հայտարարել է Փիլեյը։ Նա ողջունել է այն փաստը, որ ողջ աշխարհում աճում է հասարակական կազմակերպությունների, իրավապաշտպանների, լրագրողների և քաղաքացիական հասարակության այլ ներկայացուցիչների թիվը, որոնք ազդում են մարդու իրավունքների պաշտպանության հետ կապված՝ կառավարությունների որոշումների վրա։

Սակայն Հռչակագրում ամրագրված հիմնական իրավունքներն ու ազատությունները դեռևս իրականություն չեն դարձել յուրաքանչուր մարդու համար։ «Այս երկրագնդի  շատ մարդկանց համար Համընդհանուր հռչակագիրը մնում է անկատար խոստում...», - ընդգծել է ՄԱԿ-ի գերագուն հանձնակատարը։

Խոսելով պետությունների կողմից հռչակագրի դրույթների կատարման մասին՝ Փիլեյը, մասնավորապես, կանգ է առել Միացյալ Նահանգների վրա, որը փաստացի բոյկոտում է Մարդու իրավունքների խորհրդի աշխատանքը։ Գերագույն հանձնակատարը հույս է հայտնել, որ Սպիտակ տուն նոր վարչակազմի մուտք գործելով՝ կավարտվի Խորհրդի աշխատանքում Միացյալ Նահանգների «պասիվ մասնակցության» ութ տարին, և ԱՄՆ-ն «կվերադառնա միջազգային ընտանիք»։ Նա նաև արտահայտվել է Գուանտանամոյի ամերիկյան ռազմաբազայի բանտում մարդու իրավունքների խախտումների փաստերի լուրջ քննություն անցկացնելու օգտին և ողջունել է այդ հաստատությունը փակելու՝ ընտրված նախագահ Բարաք Օբամայի մտադրությունը։

Բացի այդ, Նավանեթհեմ Փիլեյը մտահոգություն է արտահայտել այն փաստի առթիվ, որ գլոբալ ֆինանսական ճգնաժամը կարող է հանգեցնել աշխարհում մարդու իրավունքնեի իրավիճակի վատթարացման։ Նրա խոսքերով, աղքատությունը միաժամանակ մարդու իրավունքենրի խախտման և պատճառ է, և հետևանք։

«Չնայած ողջ մտավախություններին և անորոշությանը, ես ոգեշնչված են Համընդհանուր հռչակագրի 60-ամյա տոնակատարությունների ընթացքում մարդու իրավունքների հարցի նկատմամբ մեծ ուշադրությամբ », - եզրափակել է ՄԱԿ-ի գերագույն հանձնակատարը։-0- 

Loading...
Թեմատիկ նյութեր
Բաժնի այլ նյութեր
11:24
02 Հոկտեմբերի 2017
Կատալոնացիների 90%–ն «այո» է ասել Իսպանիայից անկանխանալուն
Կատալոնիան անկախ հանրապետություն դառնալու իրավունք է նվաճել հանրաքվեի արդյունքում։
15:49
01 Հոկտեմբերի 2017
Ամերիկացի լրագրողը սկսել է ծննդաբերել ուղիղ եթերում (ՎԻԴԵՈ)
Ամերիկյան NBC հեռուստաալիքի հաղորդավարուհին սկսել է ծննդաբերել ուղիղ եթերում:
19:49
29 Սեպտեմբերի 2017
Վարկով գնված iPhone 8 Plus-ը պայթել է լիցքավորման ժամանակ (ՖՈՏՈ)
Թայվանում նոր վաճառքի հանված iPhone 8 Plus-ը պայթել է լիցքավորման ժամանակ։
21:09
28 Սեպտեմբերի 2017
Անհամբեր հնդիկը ծեծել է ապագա զոքանչին և փախցրել նրա աղջկան (ՎԻԴԵՈ)
Հնդկաստանի հարավային Ռաջասթխան նահանգի գյուղերից մեկում անչափահաս աղջկան փախցրել են նրա մոր և եղբոր աչքի առաջ։
12:40
28 Սեպտեմբերի 2017
ՌԴ–ն ՀՀ–ից օրինակ է վերցնում. ցանկանում են շախմատի առարկան ներդնել դպրոցներում
ՌԴ–ն ԿԳ նախարարն աջակցել է շախմատը դպրոցական ծրագրում ներառելու գաղափարին։
20:50
24 Սեպտեմբերի 2017
Գյուտարարը մեքենան ձևափոխել է ջակուզիի (ՎԻԴԵՈ)
Գյուտարար և ինժեներ Քոլին Ֆերզը (Colin Furze) ձևափոխել է հին BMW-ն շարժական ջակուզիի:
17:57
24 Սեպտեմբերի 2017
«Միսս Թուրքիա 2017»–ը զրկվել է տիտղոսից դաշտանի մասին Twitter–ում արված գրառման պատճառով
«Միսս Թուրքիա 2017» Իտիր Էսենը զրկվել է տիտղոսից դաշտանի մասին Twitter–ում արված գրառման պատճառով։
13:59
24 Սեպտեմբերի 2017
Պրահայում պարաշյուտիստն անհաջող վայրէջք է կատարել. տուժածների թվում երեխա կա (ՎԻԴԵՈ)
Պրահայում անցկացվող ռազմական ավիաշոուի ժամանակ պարաշյուտիստ-դեսանտայինը մխրճվել է ավիաշոուի հանդիսականների բազմության մեջ:
12:59
22 Սեպտեմբերի 2017
Արևադարձային ապոկալիպսիս. «Մարիա» փոթորիկը Պուերտո Ռիկոյում հանգեցրել է բլեքաութի (ՎԻԴԵՈ)
Հզորագույն «Մարիա» արևադարձային փոթորիկն ամբողջությամբ հոսանքազրկել է Պուերտո Ռիկոն։
11:33
21 Սեպտեմբերի 2017
Միջազգային հանրությունը քննարկում է Ալիևի դստեր սկանդալային պահվածքը ՄԱԿ–ում Ալիևի ելույթի ժամանակ (ՎԻԴԵՈ)
Միջազգային բազմաթիվ ԶԼՄ–ների ուշադրությունից չի վրիպել Ալիևի դստեր պահվածքը հոր ելույթի ժամանակ։
14:31
20 Սեպտեմբերի 2017
Ժնևի դատախազությունը գտել է 500 եվրո թղթադրամներով զուգարանները խցանած անձանց
Ժնևի դատախազությունը գտել է այն անձանց, ովքեր բանկերից մեկի ու երեք ռեստորանների զուգարանները խցանել են 500 եվրո արժողությամբ թղթադրամներով: