480.74
+0.03
511.65
+0.46
7.48
-0.03
+8
Եղանակը Երևանում
Հայ
Աշխարհում ամերիկյան նոր առաջնորդության ժամանակն է եկել. Բարաք Օբամա
11:24
02 Դեկտեմբերի 2008

ԱՄՆ ընտրված նախագահ Բարաք Օբաման հայտարարել է իր ապագա վարչակազմում ազգային անվտանգության ոլորտի վեց կարևոր պաշտոններում նշանակումների մասին։

«Այս փոփոխական աշխարհում նոր սկզբի ժամանակն է եկել, եկել է ամերիկյան առաջնորդության նոր արևածագի ժամանակը՝ 21-րդ դարի մարտահրավերները հաղթահարելու գործում», - հայտարարել է Օբաման Չիկագոյում կայացած մամուլի ասուլիսի ժամանակ, որի ընթացքում նա ներկայացրել է բոլոր վեց թեկնածուներին։

Միաժամանակ նա ընդգծել է, որ ԱՄՆ-ն իր ղեկավարության ներքո կամրապնդի իր ներուժը՝ հակառորդներին պարտության մատնելու և բարեկամներին աջակցելու համար։

Ընտրված նախագահը հայտարարել է, որ ԱՄՆ պետքարտուղարի պաշտոնն իր ապագա վարչակազմում կզբաղեցնի սենատոր դեմոկրատ և ԱՄՆ նախկին առաջին տիկին Հիլարի Քլինթոնը։

«Հիլարիի նշանակումն ազդանշան է ընկերներին և թշնամիներին, որը ցույց է տալիս ամերիկյան դիվանագիտությունը նորացնելու և մեր դաշինքները վերականգնելու իմ մտադրության լրջությունը», - ասել է Օբաման

Քլինթոնը, ով հոկտեմբերի վերջին դարձավ 61 տարեկան, ԱՄՆ պատմության մեջ երկրի առաջին նախկին տիկինն է, ով կզբաղեցնի պետքարտուղարի պաշտոնը։

Շնորհակալություն հայտնելով Օբամային վստահության համար՝ Քլինթոնն ընդգծել է, որ Ամերիկան չի կարող լուծել իր խնդիրներն ու հաղթահարել աշխարհի ճգնաժամերը միայնակ։

Քլինթոնի խոսքերով, «մեր անվտանգությունը, արժեքներն ու շահերը չեն կարող պաշտպանված լինել և առաջ մղվել միայն մեկ ուժի և միայն ամերիկացիների միջոցով»։

Օբաման հայտարարել է նաև, որ իր ապագա վարչակազմում ԱՄՆ պաշտպանության նախարար Ռոբերտ Գեյթսը կմնա Պենտագոնի ղեկավարի պաշտոնում։

«Հենց ես ստանձնեմ իմ պաշտոնը, ես կհանձնարարեմ նախարար Գեյթսին և մեր զինված ուժերին նոր առաքելություն՝ պատասխանատվությամբ ավարտել պատերազմը Իրաքում», - հայտարարել է Օբաման։

Այս պահի դրությամբ Գեյթսը Բուշի հանրապետական վարչակազմի միակ ներկայացուցիչն է, ով կպահպանի իր պաշտոնը դեմոկրատ նախագահ Օբամայի վարչակազմում։

Օբաման հայտարարել է նաև, որ իր ապագա վարչակազմում ԱՄՆ նախագահի ազգային անվտանգության հարցերով խորհրդական կնշանակվի Եվրոպայում ՆԱՏՕ-ի միասնական զինված ուժերի նախկին գերագույն գլխավոր հրամանատար, ԱՄՆ ԶՈՒ եվրոպական հրամանատարության նախկին ղեկավար, ԱՄՆ ծովային հետևակազորի պահեստի գեներալ Ջեյմսը Ջոնսը։

64-ամյա Ջոնսն անցյալ տարի գլխավորում էր ԱՄՆ կոնգրեսի կողմից ստեղծված Իրաքում անվտանգության ուժերի հանձնաժողովը, ինչպես նաև այժմ Մերձավոր Արևելքում ԱՄՆ պետքարտուղարի անվտանգության հարցերով հատուկ դեսպանորդն է։

Օբաման հայտարարել է, որ ազգային անվտանգության իր ապագա «թիմի» կազմում  ՄԱԿ-ում ԱՄՆ մշտական ներկայացուցչի պաշտոնը կզբաղեցնի Սյուզն Ռայսը, ներքին անվտանգության նախարարի պաշտոնը կզբաղեցնի Ջանեթ Նապոլիտանոն, իսկ արդարադատության նախարարի և գլխավոր դատախազի պաշտոնները՝ Էրիկ Հոլդերը։

Քլինթոնի, Ջոնսի, Ռայսի, Նապոլիտանոյի և Հոլդերի նշանակումները պետք է հաստատվեն ԱՄՆ սենատի կողմից այն բանից հետո, երբ իրենց թեկնածությունները ԱՄՆ նախագահի պաշտոնը ստանձնած Օբաման պաշտոնապես կներկայացնի հաստատման։

Գեյթսի թեկնածությունը սենատի հաստատումը չի պահանջում, քանի որ նա պահպանում է իր նախկին պաշտոնը։

Օբաման կստանձնի իր պաշտոնը 2009 թ.-ի հունվարի 20-ին կայանալիք երդման արարողության ժամանակ։-0- 

Loading...
Թեմատիկ նյութեր
Բաժնի այլ նյութեր
22:10
01 Դեկտեմբերի 2016
Instagram-ը հեռացրել է Կադիրովի կողմից հրապարակված ՈՒՀԱ-ի երկու տեսանյութերը
Instagram սոցիալական ցանցը Չեչնիայի Հանրապետության ղեկավար Ռամզան Կադիրովի էջից հեռացրել է ՈՒՀԱ-ի հոբելյանական երեկոյի ժամանակ Միխայիլ Գալուսյտյանի ելույթի երկու տեսանյութերը:
12:33
30 Նոյեմբերի 2016
Եվրոպայի բնակիչների մեկ քառորդը պատրաստ է արդարացնել բռնաբարությունը. հարցում
Եվրոպայում բնակվող մարդկանց մեկ քառորդը կարծում է, որ բռնաբարությունը կարող է արդարացվել որոշ հանգամանքների դեպքում:
23:16
29 Նոյեմբերի 2016
Էրդողան. թուրքական բանակը ներխուժել է Սիրիա Ասադին գահընկեց անելու համար
Թուրքիայի նախագահ Ռեջեփ Թայիպ Էրդողանը հայտարարել է, որ թուրքական զորքը ներխուժել է Սիրիա «Ասադի բռնապետական և սարսափելի իշխանությանը վերջ դնելու համար»։
19:09
29 Նոյեմբերի 2016
Ազատազրկում` Ադրբեջանի նախագահին վիրավորելու համար
Ադրբեջանի Միլլի Մեջլիսն ընդունել է Ադրբեջանի քրեական օրենսգրքում կատարված փոփոխությունները, որոնք նախատեսում են քրեական պատասխանատվություն համացանցում Ադրբեջանի նախագահի պատիվն ու արժանապատվությունը վիրավորելու համար։
16:02
29 Նոյեմբերի 2016
«Քարդաշյանների ընտանիքը» ռեալիթի շոուն եթեր չի հեռարձակվի Քանյե Ուեսթի հոգեկան խանգարման պատճառով
Աստղային ընտանիքին և մասնավորապես Քիմ Քարդաշյանին մեծ համբավ բերած «Քարդաշյանների ընտանիքը» ("Keeping Up with the Kardashians") ռեալիթի շոուն այլև չի ցուցադրվի։
12:00
28 Նոյեմբերի 2016
Երիտասարդը 12 հազար եվրո կվճարի հեռուստասերիալի մեկ սերիայի ներբեռնման համար
Սերիալի իրավունքները պատկանում են HBO ամերիկյան հեռուստաընկերությանը։
20:34
22 Նոյեմբերի 2016
Կալիֆոռնիան պատրաստվում է անկախության հանրաքվեի
Կալիֆոռնիայի անկախացման կողմնակիցները նահանգի դատախազություն են փոխանցել հայտ` ԱՄՆ–ի կազմից դուրս գալու մասին հանրաքվե անցկացնելու առաջարկով։
15:08
21 Նոյեմբերի 2016
Փորձագետ. Հայաստանը պետք է անընդհատ հիշեցնի աշխարհին, որ Թուրքիան հովանավորում է ԻՊ-ին
Հայաստանը ճիշտ է վարվում, որ հիշեցնում է միջազգային հանրությանը «Իսլամական պետություն» խմբավորման հետ Թուրքիայի կապերի մասին:
15:35
19 Նոյեմբերի 2016
Թրամփի փեսան ցանկանում է աշխատանքի տեղավորվել Սպիտակ տանը
ԱՄՆ նորընտիր նախագահ Դոնալդ Թրամփի փեսան` Ջարեդ Քուշները, խորհրդակցել է իրավաբանների հետ ԱՄՆ–ի նոր վարչակազմին միանալու հարցով:
11:33
14 Նոյեմբերի 2016
Թրամփը հրաժարվել է տարեկան 400 հազար դոլար աշխատավարձից
Դոնալդ Թրամփը CBS հեռուստաընկերությանը տված հարցազրույցում հայտարարել է, որ չի ստանալու նախագահին հատկացված աշխատավարձն իր պաշտոնը ստանձնելուց հետո։
21:01
11 Նոյեմբերի 2016
Պենտագոնի ղեկավարը կոչ է արել ԱՄՆ–ի նախագահին չհամագործակցել Ռուսաստանի հետ Սիրիայում
ԱՄՆ պաշտպանության նախարար Էշտոն Քարթերը հայտարարել է, որ պետք չէ համագործակցել Ռուսաստանի հետ Սիրիայում քանի դեռ Մոսկվան «չի սկսել ճիշտ վարվել»:
14:57
10 Նոյեմբերի 2016
ԼՂՀ նախագահը շնորհավորել է ԱՄՆ նորընտիր նախագահ Թրամփին
Արցախի Հանրապետության նախագահ Բակո Սահակյանը նոյեմբերի 10-ին շնորհավորական ուղերձ է հղել Ամերիկայի Միացյալ Նահանգների ընտրված նախագահ Դոնալդ Թրամփին։