485.25
-0.08
569.44
-2.72
8.18
-0.02
-1
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
Հիլարի Քլինթոնը և Ջոն Մաքեյնը հաղթանակ են տարել Նյու-Հեմփշիր նահանգում կազմակերպված միջանկյալ նախագահական ընտրություններում
11:17
09 Հունվարի 2008

ԵՐԵՎԱՆ, 9 հունվարի. /Նովոստի-Արմենիա/. Սենատոր-դեմոկրատ և ԱՄՆ-ի նախկին առաջին տիկին Հիլարի Քլինթոնը և սենատոր-հանրապետական Ջոն Մաքեյնը հաղթանակ են տարել Նյու-Հեմփշիր նահանգում կազմակերպված միջանկյալ նախագահական ընտրություններում՝ «փրայմերիզում», որոնց արդյունքները ավանդաբար ընդունվում են որպես հանրապետական և դեմոկրատական կուսակցությունների թեկնածուների ճանաչվածության կարևոր վարկանիշ։

Այս պահի դրությամբ դեմոկրատների մոտ մշակված են 80 տոկոս ընտրատածքների քվեարկության արդյունքները։ Հիլարի Քլինթոնը հավաքել է ձայների 39,3 տոկոսը։ Իսկ նրա հիմնական մրցակից, սենատոր-դեմոկրատ Բարակ Օբաման՝ 36,3 տոկոս։ Օբաման պաշտոնապես ընդունել է իր պարտությունը և շնորհավորել է Քլինթոնին «Նյու-Հեմփշիրում տեղի ունեցած կոշտ պայքարում ձեռք բերած հաղթանակի կապակցությամբ», հաղորդում է «ՌԻԱ Նովոստին»։

Նյու-Հեմփշիրում դեմոկրատների մոտ տեղի ունեցած «փրայմերիզի» արդյունքները ԱՄՆ-ում շատ դիտորդների համար անսպասելի էին, քանի որ քվեարկությունից մեկ օր առաջ հրապարակված միանգամից մի քանի հարցումներ ցույց էին տվել, որ Օբաման առաջ էր անցնում այլ դեմոկրատ-թեկնածուներին՝ այդ նահանգի ընտրողների նախապատվության արդյունքում։

 Այս պահի դրությամբ հանրապետականների մոտ մշակվել են 77 տոկոս ընտարատածքների քվեարկության արդյունքները։ Ջոն Մաքեյնը հավաքել է ձայների 36,8 տոկոսը։ Նրա հիմնական մրցակից, Մասաչուսեթս նահանգի նախկին նահանգապետ, մորմոն Միթ Ռոմնին հավաքել է ձայների 31,7 տոկոսը։ Ռոմնին պաշտոնապես ընդունել է իր պարտությունը և շնորհավորել է Մաքեյնին հաղթանակի և նրա խոսքերով լավ անցկացված «առաջնակարգ արշավի» կապակցությամբ։

Մաքեյնի հաղթանակը սպասելի էր և կանխատեսված քվեարկության նախօրեին հրապարակված հասարակական կարծիքի մի քանի հարցումների արդյունքում։

Միաժամանակ, CNN հեռուստատեսությունը հիշեցրել է, որ Մաքեյնի մոտ սա արդեն երկրորդ հաղթանակն է Նյու-Հեմփշիրում նախագահական «փրայմերիզ» փուլում։ Առաջին անգամ Մաքեյնը հաղթանակ էր տարել այդ նահանգում տեղի ունեցած միջանկյալ նախագահական ընտրություններում 2000 թ.-ին, սակայն այնուհետև զիջել էր մնացած «փրայմերիզները» Տեխաս նահանգի նահանգապետ Ջորջ Բուշ-կրտսերին, որին աջակցեց հանրապետական կուսակցության նիստը, և նա այնուհետև դարձավ ԱՄՆ նախագահ։

Նյու-Հեմփշիր նահանգի «փրայմերիզի» արդյունքները ավանդաբար օգտագործվում են քաղաքական վարլուծաբանների կողմից ԱՄՆ-ում կանխատեսելու համար, թե ինչպիսի շանսեր ունեն միջանկյալ ընտրությունների փուլում մասնակցած թեկնածուները՝ ամռան վերջին կայանալիք համազգային կուսակցական համագումարներին որպես նախագահի թեկնածու պաշտոնապես առաջադրվելու համար։

Նախօրեին Հիլարի Քլինթոնը զգուշացրել է, որ նրա կարծիքով «փրայմերիզ» փուլում արշավի ամենագլխավոր ցուցանիշը կլինեն փետրվարի 5-ի՝ այսպես-կոչված սուպեր-պուպեր երեքշաբթիի (Super Duper Tuesday) արդյունքները, երբ միջանկյալ ընտրությունները կանցկացվեն միաժամանակ ԱՄՆ-ի 24 նահանգներում և երբ վերջնականապես կորոշվեն այդ արշավի առաջնորդները։

  Նախագահի թեկնածու, նախկին սենատոր, դեմոկրատ Ջոն Էդվարդսը, որը Նյու-Հեմփշիրի քվեարկության արդյունքում զբաղեցրեց երրորդ տեղը, երեքշաբթի իր նախընտրական շտաբում հանդես է եկել ճառով, որի ժամանակ հիշեցրել է, որ Նյու-Հեմշփիր նահանգի «փրայմերիզում» մասնակցում են ամերիկացի ընտրողների աննշան մասը և որ նախագահական արշավի ամենագլխավոր ու դժվարին փուլը դեռևս նոր է սկսվում։

 «Այս պահի դրությամբ քվեարկությանը մասնակցել է ամերիկացիների մեկ տոկոսի մոտ կեսը և ավելի քան 99 տոկոսը դեռևս ընդհանրապես չի քվեարկել», - հայտարարել է Էդվարդսը՝ ընդգծելով, որ «այդ 99 տոկոսը արժանի է, որպեսզի նրա ձայնը նույնպես լսելի դառնա»։-0-

Loading...
Թեմատիկ նյութեր
Բաժնի այլ նյութեր
15:19
07 Դեկտեմբերի 2017
Գվատեմալայում Սուրբ ծննդյան եղևնին «սպանել է» հինգ մարդու
Միջադեպը տեղի է ունեցել արհեստական ծառի և բարձրավոլտ էլեկտրահաղորդման լարերի հպման հետևանքով։
17:10
06 Դեկտեմբերի 2017
ԵԽ նախարարների կոմիտեն աննախադեպ դատավարություն է սկսել Ադրբեջանի նկատմամբ
Եվրոպայի Խորհրդի նախարարների կոմիտեն աննախադեպ դատաքննություն է սկսել Ադրբեջանի հանդեպ:
16:55
04 Դեկտեմբերի 2017
Շվեյցարական գյուղերից մեկը 25 հազարական ֆրանկ է առաջարկում յուրաքանչյուր նորաբնակի
Ալպիական Ալբինեն գյուղը, որտեղից բնակչության կանոնավոր արտահոսք է դիտվում, որոշել է գումարով պոտեցիալ նորաբնակների ներգրավել։
17:59
03 Դեկտեմբերի 2017
Նոր գերձայնային ինքնաթիռը Լոնդոնից Նյու Յորք կհասնի 3 ժամում (ՎԻԴԵՈ)
Գերձայնային ուղևորատար ինքնաթիռը կարող է Լոնդոնից Նյու Յորք հասնել 3 ժամում։
13:45
22 Նոյեմբերի 2017
Մահացել է հայտնի օպերային երգիչ Դմիտրի Խվորոստովսկին
56 տարեկանում կյանքից հեռացել է հռչակավոր օպերային երգիչ Դմիտրի Խվորոստովսկին։
20:26
21 Նոյեմբերի 2017
Անցորդը բռնել է իններորդ հարկից ընկնող կնոջը (ՎԻԴԵՈ)
Չիլիում Հաիթիի ներգաղթյալը փորձել է փրկել բազմահարկ շենքից ընկնող կնոջը։
15:07
20 Նոյեմբերի 2017
Կոտրելով կարծրատիպերը. առաջին անգամ կինը երգել է Սիքստինյան կապելայում (ՎԻԴԵՈ)
Երգչուհի Չեչիլիա Բարտոլին դարձել է առաջին կինը, ով պատվի է արժանացել երգելու Վատիկանի Սիքստինյան կապելայում։
20:15
18 Նոյեմբերի 2017
Աշխարհի հինգ բացառիկ հետիոտնային կամուրջները (ՖՈՏՈ)
Ճարտարագիտական և ճարտարապետական երևակայությունը սահմաններ չի ճանաչում։
13:13
13 Նոյեմբերի 2017
Կենտրոնական Մեքսիկայում «արթնացել է» Պոպոկատեպետլ հրաբուխը (ՎԻԴԵՈ)
Հրաբխի ժայթքման հետևանքով խառնարանից օդ բարձրացած մոխրի սյունը հասել է 2 կմ–ի։
15:48
04 Նոյեմբերի 2017
Թրամփի Twitter–ի էջը ջնջվել է
ԱՄՆ նախագահ Դոնալդ Թրամփի Twitter–ի  էջը ջնջվել է:
13:59
29 Հոկտեմբերի 2017
Forbes–ը հրապարակել է աշխարհի ամենահարուստ մարդկանց ցանկը
Հայտնի են աշխարհի ամենահարուստ մարդիկ։
19:27
28 Հոկտեմբերի 2017
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվել է թռիչքի (ՎԻԴԵՈ)
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվում էր օդ բարձրանալ: