477.88
-0.42
573.6
-0.5
8.31
+0.05
+22
Եղանակը Երևանում
Հայ
ՄԱԿ-ը չի մեկնաբանում Հայոց Ցեղասպանության մասին բանաձևը, քանի որ այն ժամանակ կազմակերպությունը դեռ գոյություն չի ունեցել
14:34
12 Հոկտեմբերի 2007

ՄԱԿ-ը չի մեկնաբանում ԱՄՆ-ի Կոնգրեսի  Ներկայացուոցիչների պալատի արտաքին հարաբերությունների հանձնաժողովի կողմից 1915-1923 թթ.-ին Օսմանյան կայսրությունում տեղի ունեցած Հայոց Ցեղասպանության փաստի ճանաչումը, քանի որ այն ժամանակ կազմակերպությունը դեռ գոյություն չուներ, տեղեկացնում է «ՌԻԱ Նովոստին»՝ հղում անելով «Ասոշիեյթիդ պրես» գործակալությանը։

«Ինչ վերաբերվում է այս հարցի առնչությամբ ՄԱԿ-ի կարծիքին, ապա կազմակերպության անդամները չեն մշակել Առաջին Համաշխարհային Պատերազմի տարիներին հայ տղամարդկանց, կանանց և երեխաների զանգվածային սպանության վերաբերյալ դիրքորոշումը։ Դա տեղի է ունեցել մինչև կազմակերպության ստեղծումը», - տեղեկացրել է հինգշաբթի ՄԱԿ-ի մամուլի ծառայության ներկայացուցիչ Մարի Օկաբեն։

Չորեքշաբթի 27 կողմ և 21 դեմ ձայներով ԱՄՆ Կոնգրեսի ներկայացուցիչների պալատի արտաքին հարաբերությունների հանձնաժողովն անտեսեց Բուշի առարկությունները և հաստատեց բանաձևը՝ կոչ անելով Միացյալ Նահանգների արտաքին քաղաքականության մեջ արտահայտել Օսմանյան թուրքական կայսրության կողմից հայերի դեմ գործված ցեղասպանության փաստը։

Ինչպես ավելի վաղ հայտարարել է Ներկայացուցիչների պալատի խոսնակ Նենսի Փելոսին, արտաքին հարաբերությունների հանձնաժողովում դրական քվեարկության դեպքում՝ բանաձևը քվեարկության կներկայացվի կոնգրեսի ընթացիկ նիստի ընթացքում։

Նախօրեին CNN հեռուստաընկերությունը հայտարարել է, որ քվեարկությունը ԱՄՆ-ի Կոնգրեսի Ներկայացուցիչների ողջ կազմով պալատի նիստին տեղի կունենա արդեն ուրբաթ՝ հոկտեմբերի 12-ին։

Կոնգրեսի կողմից այս բանաձևի քննարկումը կտրուկ հակազդեցություն է առաջացրել Թուրքիայում, և անցած ուրբաթ Ջ. Բուշի հետ ունեցած հեռախոսազրույցում Թուրքիայի վարչապետ Թայիպ Էրդողանը զգուշացրել է ԱՄՆ նախագահին Կոնգրեսի այս քայլի բացասական հետևանքների մասին՝ ամերիկա-թուրքական հարաբերությունների համար։ Նմանատիպ նախազգուշացումներ ԱՄՆ կառավարությունն իր նամակում արել է նաև Թուրքիայի նախագահ Աբդուլա Գյուլը, որը հայտարարել է «լուրջ խնդիրների» մասին՝ բանաձևի դրական քվեարկության դեպքում։

Հինգշաբթի Էրդողանը հայտարարել է լրագրողներին, որ ամերիկայի խորհրդարանի կողմից ընդունված որոշումը հակասում է ԱՄՆ-ի շահերին։ Վարչապետը նաև ընդգծել է, որ Թուրքիան պայքարելու է կոնգրեսի կողմից բանաձևի ընդունումը չթույլատրելու համար։

 Տեղական ԶԼՄ-ների տվյալներով՝ Թուրքիայի կառավարությունում քննարկվում են ԱՄՆ-ի հանդեպ հնարավոր պատժամիջոցները։ Դրանք, մասնավորապես, նախատեսում են երկրի օդային տարածքի փակումը ամերիկյան ռազմական ինքնաթիռների համար, ռազմական բնագավառում երկկողմանի ռազմական կապերը՝ նվազագույնին հասցնելը և ամերիկացիների կողմից թուրքական տարածքում գտնվող Ինժիրլիկ ավիաբազայի օգտագործման վերաբերյալ մանդատի երկարացման մերժումը։

 Թուրք վարչապետի օգնական Էգեմեն Բագիշը (Egemen Bagis) տեղական ԶԼՄ-ներին տված հարցազրույցում տեղեկացրել է, որ Թուրքիան, Իրաքում և Աֆղանստանում ամերիկյան բազաների մատակարարումը ապահովող տարածքի միջոցով,  կարող է «վերջ դնել ԱՄՆ-ին տրամաբանված աջակցությանը»։

Թուրք վարչապետը հրաժարվել է պատասխանել լրագրողների հարցին, թե արդյոք պատրաստվում է Թուրքիան ԱՄՆ-ին զրկել Ինժիրլիկ բազա մուտք գործելուց։ «Նման բաները չեն քննարկում, դրանք ուղղակի կատարում են», - հայտարարել է Էրդողանը։

 Ինչպես  գործակալությանը տեղեկացրել է Թուրքիայի ԱԳՆ ներկայացուցիչը, որը չի ցանկացել ներկայանալ, Թուրքիայի ԱԳՆ-ն բանաձևի առնչությամբ անհանգստություն է հայտնել Թուրքիայում ԱՄՆ-ի դեսպան Ռոս Ուիլսոնին (Ross Wilson)։ Բացի դրանից, ԱԳՆ-ն խնդրել է Ջ. Բուշի աշխատակազմին՝ անել հնարավոր ամեն ինչ, որպեսզի փաստաթուղթը չընդունվի կոնգրեսի կողմից։

Ի պատասխան բանաձևի ընդունմանը՝ հինգշաբթի Թուրքիան «խորհրդակցությունների համար» հայտարարել է Վաշինգտոնում իր դեսպանին Թուրքիա կանչելու մասին, իսկ Թուրքիայի ռազմածովային ուժերի գլխավոր հրամանատարը չեղյալ է հայտարարել ավելի վաղ ծրագրված իր այցը ԱՄՆ։

Ինչպես տեղեկացրել է ԱԳՆ-ի  պաշտոնական ներկայացուցիչ Լեվենտ Բելմանը, Շենսոյը կվերադառնա ԱՄՆ 7-10 օր անց։

«Մենք ետ չենք կանչում մեր դեսպանին։ Մենք խնդրել ենք նրան գալ Թուրքիա՝ որոշ խորհրդակցությունների համար։ Դեսպանին հանձնարարել են վերադառնալ, և ստեղծված հնարավորության դեպքում նա ետ կգնա ԱՄՆ», - ասել է Բելմանը։

Միաժամանակ Սպիտակ տունը սպասում է Թուրքիայի հետ բարեկամական կապերի շուտափույտ վերականգնմանն ու դեսպանի վերադարձին։ «Մենք անհամբեր սպասում ենք նրա շուտափույտ վերադառձին և կշարունակենք աշխատել ԱՄՆ-ի և Թուրքիայի միջև հարաբերությունների ամրապնդման ուղղությամբ», - հայտարարել է  ԱՄՆ-ի նախագահին կից ազգային անվտանգության խորհրդի պաշտոնական ներկայացուցիչ Գորդոն Ժոնդրոեն։ «Մենք շարունակում ենք դեմ լինել ներկայացուցիչների պալատի թիվ 106-րդ բանաձևին՝ ԱՄՆ-ի ազգային անվտանգությանը լուրջ վնաս հասցնելու պատճառով»։-0-

Loading...
Թեմատիկ նյութեր
Բաժնի այլ նյութեր
12:59
22 Սեպտեմբերի 2017
Արևադարձային ապոկալիպսիս. «Մարիա» փոթորիկը Պուերտո Ռիկոյում հանգեցրել է բլեքաութի (ՎԻԴԵՈ)
Հզորագույն «Մարիա» արևադարձային փոթորիկն ամբողջությամբ հոսանքազրկել է Պուերտո Ռիկոն։
11:33
21 Սեպտեմբերի 2017
Միջազգային հանրությունը քննարկում է Ալիևի դստեր սկանդալային պահվածքը ՄԱԿ–ում Ալիևի ելույթի ժամանակ (ՎԻԴԵՈ)
Միջազգային բազմաթիվ ԶԼՄ–ների ուշադրությունից չի վրիպել Ալիևի դստեր պահվածքը հոր ելույթի ժամանակ։
14:31
20 Սեպտեմբերի 2017
Ժնևի դատախազությունը գտել է 500 եվրո թղթադրամներով զուգարանները խցանած անձանց
Ժնևի դատախազությունը գտել է այն անձանց, ովքեր բանկերից մեկի ու երեք ռեստորանների զուգարանները խցանել են 500 եվրո արժողությամբ թղթադրամներով:
01:05
20 Սեպտեմբերի 2017
Երկրաշարժ է գրանցվել Մեքսիկայում. զոհերի թիվը հասնում է 42-ի (ՎԻԴԵՈ)
Երկրաշարժ է գրանցվել Մեքսիկայի Մորելոս նահանգում:
17:55
19 Սեպտեմբերի 2017
Ժնևում բանկի և ռեստորանների զուգարանները խցանվել են 500 եվրո արժողությամբ թղթադրամներով
Ժնևի բանկերից մեկի և երեք ռեստորանների զուգարանները խցանվել են 500 եվրո արժողությամբ թղթադրամներով` 100 հազար դոլար ընդհանուր արժեքով:
19:01
15 Սեպտեմբերի 2017
Որմզդեղնն իսկական իրարանցում է առաջացրել Մոսկվայում (ՎԻԴԵՈ)
Սկզբում կենդանուն նկատել են Մոսկվայի կենտրոնական փողոցներում։
20:05
09 Սեպտեմբերի 2017
Չինաստանում կինը ծննդաբերել է փողոցում և շարունակել ճանապարհը նորածնին գրկած (ՎԻԴԵՈ)
Չինաստանի Յունֆու քաղաքում կինը ծննդաբերել է հենց փողոցում և շարունակել ճանապարհը։
15:29
07 Սեպտեմբերի 2017
Հայտնի են Սալվադոր Դալիի հայրության ԴՆԹ թեստի արդյունքները
Իսպանացի նկարիչ Սալվադոր Դալիի ԴՆԹ թեստի արդյունքներն արդեն հայտնի են։
14:10
06 Սեպտեմբերի 2017
Սուրենյանը հրապարակել է ԱՄՆ–ին մոտեցող «Իրմա» թայֆունի տեսանյութը (ՎԻԴԵՈ)
Քամու արագությունը թայֆունում հասնում է 300կմ/ժ-ի։
13:56
04 Սեպտեմբերի 2017
Թրամփը պատրաստ է միջուկային զենք կիրառել Հյուսիսային Կորեայի դեմ
Թրամփի խոսքով, Հյուսիսային Կորեայի ղեկավարությունը շարունակում է ապակայունացնող և սադրիչ գործողությունները։
11:55
04 Սեպտեմբերի 2017
Մերկել. Թուրքիան տեղ չունի ԵՄ–ի կազմում
ԳԴՀ կանցլեր Անգելա Մերկելը կարծում է, որ Թուրքիան տեղ չունի ԵՄ–ի կազմում։
14:48
02 Սեպտեմբերի 2017
Սերենա Ուիլյամսն ու Ալեքսիս Օհանյանը ծնողներ են դարձել
Ամերիկացի թենիսիստուհի Սերենա Ուիլյամսը մայր է դարձել: