486.74
+0.05
517.99
+0.2
8.43
-0.08
-4
Եղանակը Երևանում
Հայ
IBF վարկածով չեմպիոն Արթուր Աբրահամը օգոստոսի 18-ին կպաշտպանի իր տիտղոսը` Խորեն Գևորի հետ մրցապայքարում
11:09
17 Օգոստոսի 2007

Միջին քաշային կարգում IBF վարկածով չեմպիոն Արթուր Աբրահամը օգոստոսի 18-ին Բեռլինում կպաշտպանի իր տիտղոսը IBF վարկածով վարկանիշային հինգերորդ տեղը զբաղեցնող Խորեն Գևորի հետ մրցապայքարում։ Երկու բռնցքամարտիկներն էլ ծնունդով Հայաստանից են, այժմ բնակվում են Գերմանիայում և ելույթ են ունենում գերմանական դրոշի տակ։

Ինչպես տեղեկացնում է Allboxing.ru կայքը, օրերս Բեռլինում տեղի է ունեցել պաշտոնական մամուլի ասուլիս, որի ժամանակ մրցակիցները  մտքեր են փոխանակել՝ կապված սպասվող մրցամարտի հետ։

«Ես լավ մարզավիճակում եմ և կապացուցեմ դա շաբաթ օրվա  մրցամարտում», - հայտարարել է Աբրահամը։

27-ամյա չեմպիոնը նաև պատմել է, թե ինչպես է ինքն իրեն նախապատրաստում մրցամարտերին։ «Ես ինքս ինձ ասում եմ, որ մրցակցիցս ավելի թույլ եմ և այդ պատճառով ավելի համառորեն եմ մարզվում մենամարտից առաջ և ռինգում հաղթում եմ», - ասել է Արթուրը։

Նրա փրոմոութեր և մենեջեր Վիլֆրեդ Զուեռլանդը տեղեկացրել է, որ Գևորի հետ մենամարտից հետո ծրագրվում է Աբրահամի մրցապայքարը կազմակերպել ԱՄՆ-ում, որտեղ նա արդեն բավականին հայտնի է՝ շնորհիվ կոլումբիացի Էդիսոն Միրանդայի հանդեպ տարած հաղթանակի։

«Արթուրը աշխարհում միջին քաշային կատեգորիայում ամենաուժեղ բռնցքամարտիկն է, և մենք ծրագրում ենք տանել նրան ԱՄՆ։ Այնտեղ նրանով արդեն հետաքրքրված են, և ես համոզված եմ, որ նրա ելույթները ԱՄՆ-ում մեծ հաջողություններ կունենան», - ասել է Զաուեռլանդը։

Այս մրցապայքարում Աբրահամի հետ ավելի մեծ հույսեր են կապում, սակայն Գևորը համոզված է, որ ինքն ի վիճակի է տիտղոսը խլել իր հայրենակցից։

«Ես հաղթանակի մեծ հնարավորություններ ունեմ։ Ես շատ լավ մարզային բազա և սփարինգ-խաղընկերներ եմ ունեցել։ IBF վարկածի չեմպիոնական գոտին լավ նվեր կլինի կնոջս՝ Նինելին, որն այժմ պատրաստվում է մեր երեխայի ծնունդին», - հայտարարել է Գևորը։

Նրա մարզիչ Ֆրից Զդունեկը նույնպես համոզված է իր խնամարկյալի հաղթանակի մեջ։ «Ես հասկանում եմ, որ շատերը Աբրահամին համարում են ֆավորիտ, սակայն ֆավորիտները ևս պարտվում են։ Ես ենթադրում եմ, որ մրցապայքարը կշարունակվի բոլոր 12 ռաունդներում, և Խորենը հաղթանակ կտանի՝ շնորհիվ իր հիանալի ֆիզիկական մարզավիճակի», - ասել է Զդունեկը։

Արթուր Աբրահամը (Աբրահամյան) ծնվել է Երևանում 1979 թ.-ին, այժմ ապրում և մարզվում է Գերմանիայում, ելույթ է ունենում գերմանական դրոշի տակ։ Բռնցքամարտիկի իր կարիերայի ընթացքում (մինչև 72,6 կգ քաշային կատեգորիայում) նա անցկացրել է 23 մրցապայքար և բոլորում  էլ հաղթանակ է տարել, դրանիցի 18-ը՝ նոկաուտով։

Խորեն Գևորը (Գևորգյան) ծնվել է 1979 թ.-ին Էջմիածին քաղաքում (Արմավիրի մարզ), այժմ ապրում է Համբուրգում և ելույթ է ունենում գերմանական դրոշի տակ։-0-

Loading...
Թեմատիկ նյութեր
Բաժնի այլ նյութեր
18:35
04 Փետրվարի 2017
Ամերիկացի պլաստիկ վիրաբույժը ուղիղ եթերում առցանց ցուցադրում է իր վիրահատությունները (ՏԵՍԱՆՅՈՒԹ)
Պլաստիկ վիրաբույժ Մեթյու Շուլմանը Նյու Յորքից Snapchat հավելվածով առցանց ռեժիմով հեռարձակում է իր վիրահատությունները:
12:36
30 Հունվարի 2017
Աշխարհի ավիաընկերությունները փոփոխություններ են կատարում անձնակազմերի ցանկերում Թրամփի իմիգրացիոն հրամանի պատճառով
Համաշխարհային ավիաընկերությունները վերանայում են ԱՄՆ իրականացվող չվերթերի անձնակազմերի անդամների ցանկը Իրաքի, Իրանի, Եմենի, Լիբիայի, Սիրիայի, Սոմալիի, Սուդանի քաղաքացիների մուտքի արգելքի մասին հրամանի պատճառով։
18:51
23 Հունվարի 2017
Գամբիայի նախկին նախագահը փախել է երկրից` իր հետ վերցնելով ողջ բյուջեն
Գամբիայի նախկին նախագահ Յայա Ջամեն փախել է երկրից` իր հետ տանելով երկրի` 11.4 մլն դոլար կազմող բյուջեն։
12:44
23 Հունվարի 2017
Հայուհի Գլեդիս Բերեջիկլյանը դարձել է Ավստրալիայի նահանգներից մեկի վարչապետը
Ավստրալահայ քաղաքական գործիչ Գլեդիս Բերեջիկլյանը ընտրվել է Ավստրալիայի Նոր Հարավային Ուելս նահանգի վարչապետ (New South Wales):
20:55
20 Հունվարի 2017
Վաշինգտոնում անցկացվում է Դոնալդ Թրամփի երդմնակալության արարողությունը (ՈւՂԻՂ)
Վաշինգտոնում այս րոպեներին անցկացվում է ԱՄՆ–ի 45–րդ նախագահ Դոնալդ Թրամփի երդմնակալության արարողությունը։
13:06
12 Հունվարի 2017
Ծեծկռտուք Թուրքիայի խորհրդարանում (ՏԵՍԱՆՅՈւԹ)
Թուրքական խորհրդարանի պատգամավորները կռվել են երկրի սահմանադրության մեջ նախատեսված լրացումների քննարկման ժամանակ:
18:25
24 Դեկտեմբերի 2016
Թրամփը պատմել է Պուտինի նամակի մասին
ԱՄՆ նորընտիր նախագահ Դոնալդ Թրամփը «շատ հաճելի է» համարել ՌԴ նախագահի Վլադիմիր Պուտինի նամակն ու կոչ է արել հետևել այդ նամակում ներկայացված մտքերին։
20:45
20 Դեկտեմբերի 2016
Թուրքիայի ոստիկանությունը վեց մարդ է ձերբակալել ՌԴ դեսպանի սպանությունից հետո
Թուրքական ոստիկանությունը վեց մարդ է ձերբակալել ՌԴ դեսպանի սպանության փաստով։
17:06
20 Դեկտեմբերի 2016
AP-ի լուսանկարիչը` ՌԴ դեսպանի սպանության պահի մասին. «Կարծեցի, թե դա հնարք է»
Associated Press-ի լուսանկարիչ Բուրխան Օզբիլիջին, ով Անկարայում ականատես է եղել ՌԴ դեսպանի սպանությանը և լուսանկարել մարդասպանին հարձակումից անմիջապես հետո, ներկայացրել է տեղի ունեցածի մանրամասները:

15:41
19 Դեկտեմբերի 2016
Սիլվեստեր Ստալոնեն հրաժարվել է Թրամփի առաջարկած պաշտոնից
Ամերիկացի հայտնի դերասան Սիլվեստեր Ստալոնեն հրաժարվել է Թրամփի առաջարկած պաշտոնից։
16:48
16 Դեկտեմբերի 2016
ԱՄՆ–ում ներում է շնորհվել թուրք հյուպատոսին սպանած և ցմահ ազատազրկման դատապարտված Հարրի Սասունյանին
ԱՄՆ–ում ներում կշնորհվի Հարրի (Համփիգ) Սասունյանին, ով դատապարտված էր ցմահ ազատազրկման 1982 թ.–ին թուրք հյուպատոս Քեմալ Արիկանի սպանության համար:
14:08
14 Դեկտեմբերի 2016
ՌԴ դաշնային խորհուրդը Սահակ Կարապետյանին նշանակել է ՌԴ գլխավոր դատախազի տեղակալի պաշտոնին
ՌԴ դաշնային  խորհուրդը նշանակել է Սահակ Կարապետյանին ՌԴ գլխավոր դատախազի տեղակալի պաշտոնին թոշակի անցած Ալեքսանդր Զվյագինցևի փոխարեն: