486.78
+0.12
515.5
+2.27
8.41
+0.01
+3
Եղանակը Երևանում
Հայ
Թուրքիայի վարչապետը նախագահի հաստատմանը կներկայացնի նոր կառավարության կազմը
12:48
16 Օգոստոսի 2007

Թուրքիայի վարչապետ Թայիպ Էրդողանը հինգշաբթի նախագահ Ահմեդ Նեջեդ Սեզերի հաստատմանը կներկայացնի երկրի նոր կառավարության կազմը, տեղեկացնում է «ՌԻԱ Նովոստին»՝ հղում անելով «Վաթան» թերթին։

Էրդողանին հանձնարարվել էր նախարարների կաբինետ ձևավորել օգոստոսի 16-ին՝  նրա գլխավորած Արդարության և զարգացման իսլամամետ կուսակցության (ԱԶԿ)՝ Թուրքիայում հուլիսի 22-ին տեղի ունեցած արտահերթ խորհրդարանական ընտրություններում հաղթանակի կապակցությամբ։

Կուսակցությունը հավաքեց ընտրողների ձայների 46,6 տոկոսը և 550 տեղանոց մեջլիսում կազմեց մեծամասնություն (341)։

Նոր կառավարության կազմի հաստատումից հետո, ըստ թուրքական սահմանադրության, նրան անհրաժեշտ է խորհրդարանում ստանալ վստահության քվե կամ ոչ պակաս քան 276 պատգամավորների աջակցությունը։

Էրդողանի՝ կառավարության վստահության քվեի ստացումը դիտորդները համարում են զուտ տեխնիկական հարց։

Դեռևս հայտնի չէ, թե ովքեր կստանձնեն նախարարների կաբինետի գլխավոր պաշտոնները, մասնավորապես, արտգործնախարարի պաշտոնը՝ ԱԳ նախարար Աբդուլա Գյուլի՝ նախագահական ընտրություններին իր թեկնածության առաջադրման հետ կապված։

Խորհրդարանում Թուրքիայի նոր նախագահի ընտրությունների առաջին փուլը տեղի կունենա օգոստոսի 20-ին։

Ըստ թուրքական մամուլի տեղեկատվության, Էրդողանը մտադիր է փոխել կառավարության կազմի մոտ կեսը։

Մասնավորապես, ԱԳ նախարարի պաշտոնը, ինչպես սպասվում է, կզբաղեցնի Ալի Բաբաջանը, որը Թուրքայի կողմից Եվրամիության հետ գլխավոր բանակցողն է՝ այդ երկրի՝ ԵՄ լիիրավ անդամ դառնալու խնդրով։

Տեղական ԶԼՄ-ները նաև հաստատում են, որ Էրդողանը գործող նախագահին երկրորդ անգամ չի ներկայացնի կառավարության կազմը, եթե նա հավանության չտա նախարարներից որևէ մեկին։

Վարչապետը կսպասի Աբդուլա Գյուլի նախագահ ընտրվելուն, ինչը կարելի է սպասել օգոստոսի 28-ին, երբ տեղի կունենա պետության ղեկավարի ընտրության երրորդ փուլը, և նրա հաստատմանը կներկայացնի Թուրքական Հանրապետության 60-րդ կառավարության կազմը։-0-

Loading...
Թեմատիկ նյութեր
Բաժնի այլ նյութեր
18:35
04 Փետրվարի 2017
Ամերիկացի պլաստիկ վիրաբույժը ուղիղ եթերում առցանց ցուցադրում է իր վիրահատությունները (ՏԵՍԱՆՅՈՒԹ)
Պլաստիկ վիրաբույժ Մեթյու Շուլմանը Նյու Յորքից Snapchat հավելվածով առցանց ռեժիմով հեռարձակում է իր վիրահատությունները:
12:36
30 Հունվարի 2017
Աշխարհի ավիաընկերությունները փոփոխություններ են կատարում անձնակազմերի ցանկերում Թրամփի իմիգրացիոն հրամանի պատճառով
Համաշխարհային ավիաընկերությունները վերանայում են ԱՄՆ իրականացվող չվերթերի անձնակազմերի անդամների ցանկը Իրաքի, Իրանի, Եմենի, Լիբիայի, Սիրիայի, Սոմալիի, Սուդանի քաղաքացիների մուտքի արգելքի մասին հրամանի պատճառով։
18:51
23 Հունվարի 2017
Գամբիայի նախկին նախագահը փախել է երկրից` իր հետ վերցնելով ողջ բյուջեն
Գամբիայի նախկին նախագահ Յայա Ջամեն փախել է երկրից` իր հետ տանելով երկրի` 11.4 մլն դոլար կազմող բյուջեն։
12:44
23 Հունվարի 2017
Հայուհի Գլեդիս Բերեջիկլյանը դարձել է Ավստրալիայի նահանգներից մեկի վարչապետը
Ավստրալահայ քաղաքական գործիչ Գլեդիս Բերեջիկլյանը ընտրվել է Ավստրալիայի Նոր Հարավային Ուելս նահանգի վարչապետ (New South Wales):
20:55
20 Հունվարի 2017
Վաշինգտոնում անցկացվում է Դոնալդ Թրամփի երդմնակալության արարողությունը (ՈւՂԻՂ)
Վաշինգտոնում այս րոպեներին անցկացվում է ԱՄՆ–ի 45–րդ նախագահ Դոնալդ Թրամփի երդմնակալության արարողությունը։
13:06
12 Հունվարի 2017
Ծեծկռտուք Թուրքիայի խորհրդարանում (ՏԵՍԱՆՅՈւԹ)
Թուրքական խորհրդարանի պատգամավորները կռվել են երկրի սահմանադրության մեջ նախատեսված լրացումների քննարկման ժամանակ:
18:25
24 Դեկտեմբերի 2016
Թրամփը պատմել է Պուտինի նամակի մասին
ԱՄՆ նորընտիր նախագահ Դոնալդ Թրամփը «շատ հաճելի է» համարել ՌԴ նախագահի Վլադիմիր Պուտինի նամակն ու կոչ է արել հետևել այդ նամակում ներկայացված մտքերին։
20:45
20 Դեկտեմբերի 2016
Թուրքիայի ոստիկանությունը վեց մարդ է ձերբակալել ՌԴ դեսպանի սպանությունից հետո
Թուրքական ոստիկանությունը վեց մարդ է ձերբակալել ՌԴ դեսպանի սպանության փաստով։
17:06
20 Դեկտեմբերի 2016
AP-ի լուսանկարիչը` ՌԴ դեսպանի սպանության պահի մասին. «Կարծեցի, թե դա հնարք է»
Associated Press-ի լուսանկարիչ Բուրխան Օզբիլիջին, ով Անկարայում ականատես է եղել ՌԴ դեսպանի սպանությանը և լուսանկարել մարդասպանին հարձակումից անմիջապես հետո, ներկայացրել է տեղի ունեցածի մանրամասները:

15:41
19 Դեկտեմբերի 2016
Սիլվեստեր Ստալոնեն հրաժարվել է Թրամփի առաջարկած պաշտոնից
Ամերիկացի հայտնի դերասան Սիլվեստեր Ստալոնեն հրաժարվել է Թրամփի առաջարկած պաշտոնից։
16:48
16 Դեկտեմբերի 2016
ԱՄՆ–ում ներում է շնորհվել թուրք հյուպատոսին սպանած և ցմահ ազատազրկման դատապարտված Հարրի Սասունյանին
ԱՄՆ–ում ներում կշնորհվի Հարրի (Համփիգ) Սասունյանին, ով դատապարտված էր ցմահ ազատազրկման 1982 թ.–ին թուրք հյուպատոս Քեմալ Արիկանի սպանության համար:
14:08
14 Դեկտեմբերի 2016
ՌԴ դաշնային խորհուրդը Սահակ Կարապետյանին նշանակել է ՌԴ գլխավոր դատախազի տեղակալի պաշտոնին
ՌԴ դաշնային  խորհուրդը նշանակել է Սահակ Կարապետյանին ՌԴ գլխավոր դատախազի տեղակալի պաշտոնին թոշակի անցած Ալեքսանդր Զվյագինցևի փոխարեն: