484.75
-0.5
571.76
+2.32
8.19
+0.01
-2
Եղանակը Երևանում
Հայ
Հակահռթիռային պաշտպանության հարցերով ռուս-ամերիկյան բանակցությունները տեղի կունենան Վաշինգտոնում
11:48
30 Հուլիսի 2007

Հակահռթիռային պաշտպանության հարցերով ռուս-ամերիկյան բանակցութունները կսկսվեն երկուշաբթի Վաշինգտոնում։ Ռուսաստանի պատվիրակությունը, որի կազմում են դիվանագետներ ու պաշտպանության նախարարության աշխատակիցներ, կգլխավորի ԱԳ փոխնախարար Սերգեյ Կիսլյակը, տեղեկացնում է «ՌԻԱ Նովոստին»։

Երկու երկրների նախագահների հանձնարարությամբ պատվիրակությունները հակահռթիռային պաշտպանության խնդրի հանգուցալուծման ուղղությունների մասին տեսակետներ կփոխանակեն, հանդիպման նախօրեին տեղեկացրել է ՌԴ ԱԳՆ պաշտոնական ներկայացուցիչ Միխաիլ Կամինինը։

ԱՄՆ-ը ծրագրում է հակահռթիռային պաշտպանության ռադարները տեղադրել Չեխիայում և հակահռթիռներ՝ նման քայլը Լեհաստանում՝ պատճառաբանելով Իրանի կողից սպառնալիքով։ Իսկ Մոկվան ԱՄՆ-ի փաստարկները համարում է ոչ համոզիչ և ռուսական սահմանին մոտ հակահռթիռային պաշտպանության տեղադրումը որակում է, որպես սպառնալիք՝ իր ազգային անվտանգությանը։  

Կամինինը խոսքերով, ԱՄՆ-ում կողմերը կհամադրեն հռթիռային վտանգի մասին իրենց գնահատականներ, կքննարկեն Ռուսաստանի առաջարկությունըները, որոնք հիմնված են Հայլիգենդամում և Քեննեբանկպորտում Ջորջ Բուշի հետ ունեցած հանդիպումների ժամանակ Ռուսաստանի նախագահ Վլադիմիր Պուտինի կողմից առաջարկված նախաձեռնությունների վրա։  

Այդ առաջարկությունները նախատեսում են ԱՄՆ-ի հետ համատեղ օգտագործում Գաբալինյան ռադիոտեղորոշիչ կայանի և Արմավիրի մոտ կառուցվող ռուսական նոր ռադիոտեղորոշիչ կայանի հռթիռների գործարկումը վերահսկելու համար։

Միաժամանակ, ԱՄՆ պետքարտուղար Կոնդոլիզա Ռայսն արդեն հայտարարել է, որ Վաշինգտոնը Ռուսաստանի հետ Գաբալում և Արմավիրում տեղադրված ռադարների համատեղ օգտագործման հետ մեկտեղ չի հրաժարվի Եվրոպայում հակահռթիռային պաշտպանության դիրքային գոտու ստեղծման ծրարգերից։

«Մենք կարծում ենք, որ դեռևս պետք է Չեխիայի Հանրապետության և Լեհաստային հետ միասին առաջ  ընթանալ», - ասել է Կոնդոլիզա Ռայսը CNBC  հեռուստաընկերության եթերում։ Միաժամանակ նա նշել է, որ հակահռթիռային պաշտպանության բնագավառում երկու երկրների համագործակցությունը «կարող է դառնալ մի ոլորտ, որտեղ ռուս-ամերիկյան համագործակցությունը կարող է հսկայական առաջընթաց կատարել»։

Վաշինգտոնում տեղի ունեցող բանակցություններին Մոսկվան մտադիր է հաստատուն կերպով պաշտպանել իր դիրքորոշումները և չի պատրաստվում զիջումների գնալ։ Ռուսաստանի ԱԳՆ պաշտոնական ներկայացուցիչ Միխաիլ Կամինինը հայտարարել է, որ ռուսական առաջարկությունների իրագործումը հնարավոր է միայն այն դեպքում, եթե ԱՄՆ-ը հրաժարվի Եվրոպայի տարածքում գլոբալ հակահռթիռային պաշտպանության երրորդ դիրքային գոտու, ինչպես նաև տիեզերքում նրա հարվածային տարրերրի տեղադրումից։

Նրա խոսքերով, Ռուսաստանի նախաձեռնությունները կրում են «փաթեթային» բնույթ և նրա առանձին դիրքերի «դուրս քաշումը» անթույլատրելի է։ Ռուսաստանի առաջարկությունը այլընտրանք է, այլ ոչ թե լրացում՝  Ամերիկայի Եվրոպայում հակահռթիռային պաշտպանության տարրերի տեղադրման ծրագրերին, ասել է նա։

Կամինինը ընդգծել է, որ Ռուսաստանի նախաձեռնությունների ընդունման դեպքում ռուս-ամերիկային հարաբերությունները կարող են ռազմավարական բնույթ ստանալ, որը միջազգային անվտանգության բնագավառում կձևավորի հարաբերությունների սկզբունքորեն նոր որակ։

Միաժամանակ, սոցիոլոգիական հարցումների համաձայն՝ ԱՄՆ քաղաքացիների ճնշող մեծամասնությունը՝ 84%-ը կողմ են ԱՄՆ-ի պաշտպանության համար հակահռթիռային պաշտպանության համակարգի ստեղծմանը, ընդ որում հարցվածների 71%-ը հայտարարել է, որ ԱՄՆ-ի կոնգրեսը պարտավոր է ֆինանսավորել հակահռթիռային պաշտպանության աշխատանքների ողջ ծավալը։ 

Opinion Research սոցիոլոգիական ծառայության կողմից անցկացված հասարակական կարծիքի հարցման տվյալները ցույց են տալիս, որ 70%-ը կողմ է Լեհաստանում և Չեխիայում ամերիկյան հակահռթիռային պաշտպանության իրագործմանը։   

Հուլիսի կեսերին ԱՄՆ-ի սենատը հատուկ փոփոխություն է ընդունել 2008 թ.-ի պաշտպանության բյուջեի մեջ, որտեղ «ԱՄՆ-ի Եվորպայում իրենց դաշնակիցների պաշտպանության համար հակահռթիռային պաշտպանության արդյունավետ համակարգի» ստեղծումն ու իրագործումը հայտարարել է ԱՄՆ-ի պետական քաղաքականություն։ Փոփոխությանը կողմ են 90 սենատորներ, հինգը՝ «դեմ» են քվեարկել։

ՌԴ ռազմական ծառայության գլխավոր շտաբի պետ Յուրի Բալուեվսկին կարծում է, որ ԱՄՆ-ն կշարունակի աշխարհի տարբեր շրջաններում  ռազմական իր ներկայության ընդլայնումը և մասնավորապես հակահռթիռային պաշտպանության համակարգի իրագործումը։

Նրա խոսքերով, ԱՄՆ հակահռթիռային պաշտպանության չորրորդ դիրքային գոտին կարող է տեղադրվել Եվրոպայի հյուսիսում, իսկ հինգերրորդը՝ Հեռավոր Արևելքում։

Սա միտում է, որը զարգանալու է, եթե այլ որոշումներ չընդունվեն, որոնք կկարողանան համագործակցության հիման վրա ստեղծել անվտանգություն, նրա հետ համաձայն է ՌԴ ԱԳ փոխնախարար Սերգեյ Կիսլյակը։

Հակահռթիռային պաշտպանության ռուս-ամերիկյան բանակցությունները կշարունակվեն Վաշինգտնում մինչև հուլիսի 31-ը։-0-

Loading...
Թեմատիկ նյութեր
Բաժնի այլ նյութեր
15:19
07 Դեկտեմբերի 2017
Գվատեմալայում Սուրբ ծննդյան եղևնին «սպանել է» հինգ մարդու
Միջադեպը տեղի է ունեցել արհեստական ծառի և բարձրավոլտ էլեկտրահաղորդման լարերի հպման հետևանքով։
17:10
06 Դեկտեմբերի 2017
ԵԽ նախարարների կոմիտեն աննախադեպ դատավարություն է սկսել Ադրբեջանի նկատմամբ
Եվրոպայի Խորհրդի նախարարների կոմիտեն աննախադեպ դատաքննություն է սկսել Ադրբեջանի հանդեպ:
16:55
04 Դեկտեմբերի 2017
Շվեյցարական գյուղերից մեկը 25 հազարական ֆրանկ է առաջարկում յուրաքանչյուր նորաբնակի
Ալպիական Ալբինեն գյուղը, որտեղից բնակչության կանոնավոր արտահոսք է դիտվում, որոշել է գումարով պոտեցիալ նորաբնակների ներգրավել։
17:59
03 Դեկտեմբերի 2017
Նոր գերձայնային ինքնաթիռը Լոնդոնից Նյու Յորք կհասնի 3 ժամում (ՎԻԴԵՈ)
Գերձայնային ուղևորատար ինքնաթիռը կարող է Լոնդոնից Նյու Յորք հասնել 3 ժամում։
13:45
22 Նոյեմբերի 2017
Մահացել է հայտնի օպերային երգիչ Դմիտրի Խվորոստովսկին
56 տարեկանում կյանքից հեռացել է հռչակավոր օպերային երգիչ Դմիտրի Խվորոստովսկին։
20:26
21 Նոյեմբերի 2017
Անցորդը բռնել է իններորդ հարկից ընկնող կնոջը (ՎԻԴԵՈ)
Չիլիում Հաիթիի ներգաղթյալը փորձել է փրկել բազմահարկ շենքից ընկնող կնոջը։
15:07
20 Նոյեմբերի 2017
Կոտրելով կարծրատիպերը. առաջին անգամ կինը երգել է Սիքստինյան կապելայում (ՎԻԴԵՈ)
Երգչուհի Չեչիլիա Բարտոլին դարձել է առաջին կինը, ով պատվի է արժանացել երգելու Վատիկանի Սիքստինյան կապելայում։
20:15
18 Նոյեմբերի 2017
Աշխարհի հինգ բացառիկ հետիոտնային կամուրջները (ՖՈՏՈ)
Ճարտարագիտական և ճարտարապետական երևակայությունը սահմաններ չի ճանաչում։
13:13
13 Նոյեմբերի 2017
Կենտրոնական Մեքսիկայում «արթնացել է» Պոպոկատեպետլ հրաբուխը (ՎԻԴԵՈ)
Հրաբխի ժայթքման հետևանքով խառնարանից օդ բարձրացած մոխրի սյունը հասել է 2 կմ–ի։
15:48
04 Նոյեմբերի 2017
Թրամփի Twitter–ի էջը ջնջվել է
ԱՄՆ նախագահ Դոնալդ Թրամփի Twitter–ի  էջը ջնջվել է:
13:59
29 Հոկտեմբերի 2017
Forbes–ը հրապարակել է աշխարհի ամենահարուստ մարդկանց ցանկը
Հայտնի են աշխարհի ամենահարուստ մարդիկ։
19:27
28 Հոկտեմբերի 2017
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվել է թռիչքի (ՎԻԴԵՈ)
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվում էր օդ բարձրանալ: