480.74
+0.03
511.65
+0.46
7.48
-0.03
+7
Եղանակը Երևանում
Հայ
ԱՄՆ հայտնի մուլտֆիլմերի հերոսները գովազդելու են միայն օգտակար սնունդ
13:28
19 Հուլիսի 2007

ԵՐԵՎԱՆ, 19 հուլիսի./Նովոստի-Արմենիա/. Սննդամթերք և ըմպելիքներ արտադրող ամերիկյան տասնմեկ խոշորագույն արտադրողներ, այդ թվում՝ McDonald's, PepsiCo и Coca-Cola Co, չորեքշաբթի հայտարարել են 12 տարեկանից ցածր տարիքի երեխաների համար արտադրվող իրենց ապրանքների գովազդի մեջ նոր սահմանափակումներ մտցնելու մասին,- ՌԻԱ Նովոստիին հայտնել են ԱՄՆ ֆեդերալ առևտրի հանձնաժողովից։

Նոր կանոնների համաձայն, հայտնի մուլտֆիլմերի հերոսների կերպարներին կարելի է օգտագործել միայն բնական և օգտակար մթերքները գովազդելու համար։

«Միկի Մաուսը, Սպունգ Բոբը և Շրեկը մեծ հռչակ են վայելում, և նրանց տեղին է օգտագործել երեխաների շրջանում առողջ սնունդ և ֆիզիկական ակտիվություն քարոզելու համար», - ասվում է հանձնաժողովի նախագահ Դեբորա Պլատտ Մախորասի հայտարարությունում, որը ստացել է ՌԻԱ Նովոստին։

Օրինակ, հիմա McDonald's –ը ակտիվորեն օգտագործում է հայտնի մուլտկերպարներին, որպեսզի շուկա մտցնի երեխաների համար արտադրվող իր ճաշերը, որոնք հիմնականում կազմված են արագ-սննդից։

Հանձնաժողովի նախագահի խոսքերով, այժմ «Միկի Մաուսին և նրա ընկերներին կպատկերեն այն մթերքների փաթեթների վրա, որոնք համապատասխանում են որակի չափանիշներին։ Սպունգ Բոբը քաղցրեղենի և յուղալի կերակուրների փաթեթներից կանցի բանջարեղենի և մրգերի փաթեթների վրա, իսկ Շրեկը երեխաներին կկանչի ակտիվ խաղեր խաղալու, գոնե մեկ ժամով։ Դեռ ավելին, մուլտիֆիլմի նոր մասում նա ծնող է դարձել, և,  միգուցե, ինքն էլ սկսի ավելի լավ սնվել»։

Պլատտ Մախորասը կարծում է, որ խոշորագույն կազմակերպությունների գովազդային քաղաքականության ռազմավարությունը փոխելը շատ կարևոր է ԱՄՆ մանկական ճարպակալման հիմնախնդրի լուծման համար։ Արագ սնունդի և քաղցր գազալցված ըմպելիքների առաջատար արտադրողների արտադրատեսակների գովազդը կազմում է ողջ  հեռուստագովազդի երկու երրորդը, որի նպատակային հանդիսատեսն են երեխաները, նշում է հանձնաժողովի նախաագհը։

«Միայն գովազդը սափմանափակելու միջոցով չի հաջողվի լուծել մանկական ճարպակալման հիմնախնդիրը, թեև դա կօգնի ծնողներին ավելի առողջ սնունդ ընտրել իրենց երեխաների համար», - ենթադրում է նա։

Ինչպես ասել է Պլատտ Մախորասը, Սպունգ Բոբի պատկերով սառեցված բանջարեղենի փաթեթները կհայտնվեն խանութներում արդեն հուլիսին։

Գովազդային սահմանափակումները կնպաստեն երեխաների համար արտադրվող մթերքի տեսականու փոփոխությանը։ Ընկերությունները մտադիր են երեխաներին առաջարկել ավելի ցածր կալորիաներով սնունդ՝ շաքարի և ճարպերի նվազեցված քանակությամբ, ասում են փորձագետները։

Այսպիսով, նոր կանոնները կիրառելու հետ կապված, McDonald's-ը կկրճատի երեխաների ճաշերի գովազդվող իր տեսականին՝ հասցնելով երկուսի։ Մի տեսակը կներառի հավի մսից չորս կոտլետներ, խնձորի գնդիկներ՝ կարամելի արգանակով և ցածր յուղայնությամբ կաթ, իսկ մյուսը՝ համբուրգեր, գնդիկներ և կաթ։


Նոր կանոնների ուժի մեջ մտնելուն պես PepsiСо-ն ամերիկյան շուկա կթողարկի երեխաների համար նախատեսված միայն երկու ապրանքատեսակ՝ բոված, խրթխրթան պանրաձողիկներ և առանց գազի էներգետիկ ըմպելիք։

Երեխաների ավելորդ քաշի խնդիրը ԱՄՆ-ում չափազանց արդիական է։ Երկրի առողջապահության նախարարության տվյալների համաձայն ճարպակալումից տառապող ամերիկացի երեխաների և պատանիների թիվը վերջին 40 տարիների ընթացքում աճել է երեք անգամ։ Ամերիկացի երեխաների ավելի քան մեկ երրորդը այսօր տառապում է ավելորդ քաշից, իսկ ճարպակալումից՝ 17%-ը։

Խնդրի լուծման միջոցներ գտնելու վրա աշխատում են ոչ միայն պետությունը և խոշոր առևտրական ընկերությունները, այլև գիտա-հետազոտական կազմակերպությունները։ Երբեմն գիտնականներն առաջարկում են միանգամայն օրիգինալ մեթոդներ։

Անցյալ տարի, օրինակ, Ինդիանայի պետական համալսարանի հետազոտողները առաջարկել էին երեխաների ճարպակալման դեմ պայքարելու համար օգտագործել ծանր խաղալիքներ։

Փորձարկման ժամանակ վեցից ութ տարեկան երեխաների մի խմբի սկզբում առաջարկել են կոնստրուկտոր հավաքել, որի յուրաքանչյուր մասը կշռել է կես կիլոգրամ, ապա՝ կոնստրուկտոր սովորական մասերով։

Պարզվել է, որ ծանր խաղալիքներով խաղալու ժամանակ երեխաների սրտի ռիթմը ավելի բարձր էր, և նրանք ավելի շատ կալորիաներ էին այրում։ --0—

Loading...
Թեմատիկ նյութեր
Բաժնի այլ նյութեր
17:25
03 Դեկտեմբերի 2016
Երկրագնդի բնակչության թիվը գերազանցել է 7,4 միլիարդը
Երկրագնդի բնակչության թիվը 2016 թ.–ին հասել է մոտ 7, 433 միլիարդի։
22:10
01 Դեկտեմբերի 2016
Instagram-ը հեռացրել է Կադիրովի կողմից հրապարակված ՈՒՀԱ-ի երկու տեսանյութերը
Instagram սոցիալական ցանցը Չեչնիայի Հանրապետության ղեկավար Ռամզան Կադիրովի էջից հեռացրել է ՈՒՀԱ-ի հոբելյանական երեկոյի ժամանակ Միխայիլ Գալուսյտյանի ելույթի երկու տեսանյութերը:
12:33
30 Նոյեմբերի 2016
Եվրոպայի բնակիչների մեկ քառորդը պատրաստ է արդարացնել բռնաբարությունը. հարցում
Եվրոպայում բնակվող մարդկանց մեկ քառորդը կարծում է, որ բռնաբարությունը կարող է արդարացվել որոշ հանգամանքների դեպքում:
23:16
29 Նոյեմբերի 2016
Էրդողան. թուրքական բանակը ներխուժել է Սիրիա Ասադին գահընկեց անելու համար
Թուրքիայի նախագահ Ռեջեփ Թայիպ Էրդողանը հայտարարել է, որ թուրքական զորքը ներխուժել է Սիրիա «Ասադի բռնապետական և սարսափելի իշխանությանը վերջ դնելու համար»։
19:09
29 Նոյեմբերի 2016
Ազատազրկում` Ադրբեջանի նախագահին վիրավորելու համար
Ադրբեջանի Միլլի Մեջլիսն ընդունել է Ադրբեջանի քրեական օրենսգրքում կատարված փոփոխությունները, որոնք նախատեսում են քրեական պատասխանատվություն համացանցում Ադրբեջանի նախագահի պատիվն ու արժանապատվությունը վիրավորելու համար։
16:02
29 Նոյեմբերի 2016
«Քարդաշյանների ընտանիքը» ռեալիթի շոուն եթեր չի հեռարձակվի Քանյե Ուեսթի հոգեկան խանգարման պատճառով
Աստղային ընտանիքին և մասնավորապես Քիմ Քարդաշյանին մեծ համբավ բերած «Քարդաշյանների ընտանիքը» ("Keeping Up with the Kardashians") ռեալիթի շոուն այլև չի ցուցադրվի։
12:00
28 Նոյեմբերի 2016
Երիտասարդը 12 հազար եվրո կվճարի հեռուստասերիալի մեկ սերիայի ներբեռնման համար
Սերիալի իրավունքները պատկանում են HBO ամերիկյան հեռուստաընկերությանը։
20:34
22 Նոյեմբերի 2016
Կալիֆոռնիան պատրաստվում է անկախության հանրաքվեի
Կալիֆոռնիայի անկախացման կողմնակիցները նահանգի դատախազություն են փոխանցել հայտ` ԱՄՆ–ի կազմից դուրս գալու մասին հանրաքվե անցկացնելու առաջարկով։
15:08
21 Նոյեմբերի 2016
Փորձագետ. Հայաստանը պետք է անընդհատ հիշեցնի աշխարհին, որ Թուրքիան հովանավորում է ԻՊ-ին
Հայաստանը ճիշտ է վարվում, որ հիշեցնում է միջազգային հանրությանը «Իսլամական պետություն» խմբավորման հետ Թուրքիայի կապերի մասին:
15:35
19 Նոյեմբերի 2016
Թրամփի փեսան ցանկանում է աշխատանքի տեղավորվել Սպիտակ տանը
ԱՄՆ նորընտիր նախագահ Դոնալդ Թրամփի փեսան` Ջարեդ Քուշները, խորհրդակցել է իրավաբանների հետ ԱՄՆ–ի նոր վարչակազմին միանալու հարցով:
11:33
14 Նոյեմբերի 2016
Թրամփը հրաժարվել է տարեկան 400 հազար դոլար աշխատավարձից
Դոնալդ Թրամփը CBS հեռուստաընկերությանը տված հարցազրույցում հայտարարել է, որ չի ստանալու նախագահին հատկացված աշխատավարձն իր պաշտոնը ստանձնելուց հետո։
21:01
11 Նոյեմբերի 2016
Պենտագոնի ղեկավարը կոչ է արել ԱՄՆ–ի նախագահին չհամագործակցել Ռուսաստանի հետ Սիրիայում
ԱՄՆ պաշտպանության նախարար Էշտոն Քարթերը հայտարարել է, որ պետք չէ համագործակցել Ռուսաստանի հետ Սիրիայում քանի դեռ Մոսկվան «չի սկսել ճիշտ վարվել»: