Վիքիպեդիան գործարկել է հոդվածների որակի ավտոմատ գնահատման ծառայություն

ԵՐԵՎԱՆ, 1 դեկտեմբերի. /Նովոստի–Արմենիա/. Objective Revision Evaluation Service (ORES) ուղղումների որակին հետևելու ծառայությունը նոյեմբերի 30–ից հասանելի է դարձել Վիքիպեդիա ինտերնետ–հանրագիտարանի բոլոր մասնակիցների համար, հայտնում է Lenta.ru–ն` հղում անելով Wikimedia հիմնադրամի պաշտոնական հիմնադրամին։

Ծրագիրը գնահատում է հոդվածում կատարած փոփոխությունները, ելնելով հավանականության մի քանի մոդելներից, և նշում է այն ուղղումները, որոնք չեն համապատասխանում ռեսուրսի կանոններին և պետք է ստուգվեն խմբագիրների կողմից։ Նա նաև ընդունակ է բնութագրություն տալ ուղղումների որակին ընդհանուր առմամբ։

Ընթացիկ տարբերակում ORES–ը համատեղելի է Վիքիպեդիայի 14 բաժինների, ներառյալ անգլիականի, ֆրանսիականի և ուկրաինականի հետ։ Ռուսական հատվածը դրանց թվում չէ։ Հեղինակները խոստանում են հետագայում ընդլայնել ծրագրային հնարավորությունները։

Ծառայությունը կարող է օգտագործվել ինչպես ավտոմատ ռեժիմով, այնպես էլ` մեխանիկական։ Հոդվածի գնահատումը պահանջում է 50-100 միլիվայրկյան։

Մինչև ORES–ն ուղղումների ավտոմատ դասակարգման համար օգտագործվել են Huggle, STiki և ClueBot NG ծրագրերը։

Վիքիպեդիան հայտնվել է 2001 թվականին։ Դրա առանձնահատկությունն այն է, որ յուրաքանչյուր մարդ կարող է հոդվածներ ստեղծել և խմբագրել` ընդունելով Wikimedia Foundation–ի օգտատիրական համաձայնագրի պայմանները։ Տեղեկություն ավելացնելով ձեռնահաս և ստուգված աղբյուրներից` խմբագիրն աստիճանաբար ձևավորում է իր հեղինակությունը։ Ներկայում հանրագիտարանը հասանելի է 276 լեզուներով։ -0-