Թուրքիայի մայրաքաղաքում թույլատրվել են գեյ-շքերթները

ԵՐԵՎԱՆ, 21 ապրիլի. /Նովոստի-Արմենիա/. Kaos GL թուրք ակտիվիստների խումբը, որը հանդես է գալիս ԼԳԲՏ հանրույթի իրավունքների օգին, հասել է Անկարայում գեյ-շքերթների անցկացման արգելքի վերացմանը: Այդ մասին հայտնում է Amnesty International միջազգային իրավապաշտպան կազմակերպությունը, գրում է Lenta.ru-ն:

ԼԳԲՏ թեմային նվիրված հրապարակային միջոցառումների արգելքը գործել է 2017 թվականի աշնանից: Իշխանություններն այն ներդրել են, քանի որ զգուշացել են բնակչության բացասական արձագանքից: Kaos GL-ի ներկայացուցիչները բողոքարկել են դատարանի արգելքը: Ապրիլի 19-ին դատարանը որոշել է, որ պետության պարտավորությունը քաղաքացիների պաշտպանությունն է և խաղաղ հավաքներ անցկացնելու ազատության իրավունքի ապահովումը, և որոշում է կայացրել իրավապաշտպանների օգտին:

Amnesty International-ի եվրոպական բաժանմունքի տնօրեն Ֆոտիս Ֆիլիպուն (Fotis Filippou) կոչ է արել իշխանություններին չեղարկել հավաքների անցկացման ազատության բոլոր մյուս սահմանափակումները, որոնք ներդրվել են երկրում 2016 թվականին:

«Սա հատկանշական օր է Թուրքիայում ԼԳԲՏ հանրության և ԼԳԲՏ հանրությւան իրավունքների պաշտպանների համար: Սերը կրկին հաղթեց», — գրել է նա իր Twitter-ում: -0-