ԵՐԵՎԱՆ, 7 փետրվարի. /Նովոստի–Արմենիա/. Բրազիլիայի նորընտիր սենատոր Անա Պաուլա դա Սիլվան ցնցել է սոցցանցի օգտատերերին և երդմնակալության արարողության մասնակիցներին։
44–ամյա կինը հայտնվել է միջոցառմանն ալ կարմիր կոստյումով, ինչով արդեն առանձնացել է տղամարդկանց «մուգ կապույտ զանգվածից», գրում է gazeta.ru–ն։
Սակայն մեծ արձագանք է ստացել կոստյումի վերին հատվածը։
Պիջակի տակ, որը դա Սիլվան ինչ–որ պահի հանել է, հայտնվել է բարակ ուսակապերով տոպիկ, որը գրեթե ամբողջությամբ մերկացնում էր նրա կուրծքն ու մեջքը։
Օգտատերերի կարծիքները կիսվեցին, ոմանք ուրախանում էին, որ կառավարությունում կհայտնվի այդքան համարձակ և գրավիչ կին, իսկ մյուսները չափազանց անպարկեշտ համարեցին կնոջ կերպարը։
Արարողությունը հեռարձակող բրազիլական ԶԼՄ–ներին ևս բարկացրել է դա Սիլվայի կերպարը։ Նրանք կնոջը քննադատել են չափազանց գրգռիչ տեսքի համար, սակայն, դատելով նստերի դահլիճում արված լուսանկարներից, բավականին երիտասարդ քաղաքական գործիչը շատ լավ գիտեր, թե ինչ արձագանքի է արժանանալու շրջապատողների կողմից։
Սենատորն իր կարծիքը հայտնել է ավելի ուշ` նշելով, որ զգեստապահարանը ծառայում է բացառապես ֆեմինիստական նպատակների համար` հիշեցնել արական սեռի ներկայացուցիչներին կանանց ազատ ընտրելու իրավունքի մասին։
Մամուլի կտրուկ արձագանքից հետո սենատորը հանդես է եկել պաշտոնական հայտարարությամբ իր Instagram–ում։ Նա հրապարակել է լուսանկար` աղմկահարույց կոստյումով և նշել ձեռքբերումները։ Գրառման մեջ նաև նշվում է. «Մի փոքր տեղեկություն իմ պատմությունից նրանց համար, ովքեր ինձ չեն ճանաչում...»։
«Սիրում եմ գեղեցիկ հագնվել, ինչն իր հերթին որևէ ընդհանուր բան չունի իմ աշխատանքի հետ։ Չեմ պատրաստվում փոխել կենսակերպս այն պատճառով, որ դարձել եմ պատգամավոր», – նշել է դա Սիլվան։
Ավելի վաղ Անա Պաուլա դա Սիլվան զբաղեցրել է Բրազիլիայի Սանտա–Կատարինա նահանգի Բոմբինյաս քաղաքի քաղաքապետի պաշտոնը։ 2018թ.–ի հոկտեմբերի 7–ին կայացած ընտրությունների ժամանակ Անան ընտրվել է նահանգի ներկայացուցիչ 19–րդ գումարման խորհրդարանում Աշխատավոր դեմոկրատական կուսակցությունից։–0–
