ԵՐԵՎԱՆ, 23 օգոստոսի. /Նովոստի–Արմենիա/. Բրիտանական Ուիլթշիր դքսության Պյուզի գյուղի հրշեջները կերել են իրենց իսկ փրկած խոճկորներին։ Այդ մասին գրում է
lenta.ru–ն` հղում անելով The Daily Telegraph–ին։
Փետրվարին փրկարարները մեկնել են մոտակա ֆերմաներից մեկը` հրդեհ մարելու։ Այնտեղ բռնկել էր 60 տոննա խոտ։ Մասնագետներին հաջողվել է այրվող շտեմարանից երկու խոզամայր և 18 գոճի փրկել։
Կես տարի անց ֆերմայի տիրուհին հրավիրել է Պյուզի հրշեջ կայանի աշխատակիցներին համտեսել մեծացած գոճիների մսից պատրաստած նրբերշիկները։ Նա բացատրել է, որ ցանկացել է այդ կերպ շնորհակալություն հայտնել կենդանիներին փրկելու համար։
2016 թվականին հաղորդվել էր, որ Ֆրանսիայում սպանդանոց մեկնող բեռնատարից 200 խոզ է փախել։ -0-