478.62
+0.08
550.51
-1.2
8.1
+0.01
+22
Եղանակը Երևանում
Հայ
Սպասվող ընտրություններով պայմանավորված Թուրքիայում ծայրաստիճան սրվել է իրավիճակը. փորձագետ
14:58
28 Հոկտեմբերի 2015
ԵՐԵՎԱՆ, 28 հոկտեմբերի. /Նովոստի–Արմենիա/. Թուրքիայում ծայրաստիճան սրվել է իրավիճակը, որը պայմանավորված է սպասվող խորհրդարանական ընտրություններով, որոնք կայանալու են նոյեմբերի 1-ին, չորեքշաբթի  լրագրողներին ասաց թուրքագետ Մուշեղ Խուդավերդյանը:

«Հունիսի 7–ից սկսած ժամանակահատվածն ամենալարվածն է Թուրքիայի նորագույն պատմության ընթացքում ինչպես ներքին, այնպես էլ արտաքին քաղաքականության տեսակետից։ Լարվածությունը հասել է բարձրագույն կետին, երբ երկրում ակտիվացավ քրդական գործոնը։ Թուրքիայում ավելի վաղ երբեք չեն եղել նման թվով ահաբեկչական ակտեր և լարված իրավիճակ», – նշեց Խուդավերդյանը։

Նա ընդգծեց, որ Թուրքիայում սրվել են միջկուսակցական հարաբերությունները, մասնավորապես, իշխող Արադարություն և զարգացում կուսակցության և ընդդիմադիր կուսակցությունների միջև, իսկ ամենավառ իրադարձությունը դարձավ թուրք–քրդական հակամարտության սրումը, որը քաղաքական հարթությունից տեղափոխվեց էթնիկ հարթություն։

Փորձագետի խոսքով` հունիսի 7–ից սկսած Թուրքիայում աննախադեպ թվով ոստիկաններ են սպանվել (մոտ 60 ոստիկան)։ Հոկտեմբերի 9–ին գրանցված խոշոր ահաբեկչությունից հետո իշխանությունների վարկանիշը, որն առանց այդ էլ թույլ էր, ավելի շատ նվազեց։

«Այդ ժամանակահատվածում Թուրքիայում իրավիճակը շարունակում էին սրել տեղական ԶԼՄ–ները։ Առավել ցնցող էր «Milliyet» թուրքական թերթի տարածած տեղեկատվությունն այն մասին, որ մամուլի ասուլիսներից մեկի ժամանակ ամենահզոր ընդդիմադիր կուսակցություններից մեկի` Ժողովրդահանրապետական կուսակցության պատգամավոր Էրեն Էրդեմը և նույն կուսակցության քարտուղար  Գյուրսել Տեկինը հայտարարել են, որ Արդարություն և զարգացում կուսակցությունը ոչ միայն սերտ կապերի մեջ է «Իսլամական պետություն» ահաբեկչական խմբավորման հետ, այլ նաև նրանց քիմիական զենք է մատակարարում», – նշեց Խուդավերդյանը։

Թուրքագետի խոսքով` Էրդեմը նաև նշել է, որ թուրքական իշխանությունները նախօրոք գիտեին Անկարայում պատրաստվող ահաբեկչության մասին։

«Հակաէրդողական հայտարարություններով ամեն օր հանդես է գալիս քրդական «Ժողովրդադեմոկրատական կուսակցության» ղեկավար Սելախաթին Դեմիրթաշը, ով նշում է, որ Թուրքիայի ողջ պատմության ընթացքում նա Էրդողանից ավելի թույլ ղեկավար չի տեսել», – ընդգծեց Խուդավերդյանը։

Նա նաև ավելացրեց, որ Թուրքիայում անցկացվող սոցիոլոգիական հարցումների արդյունքների համաձայն` իշխող Արդարություն և զարգացում կուսակցությունն ընտրություններում չի հավաքում ձայների ավելի քան 41,5 տոկոսը։ Ըստ հարցումների` ընդդիմադիր Ժողովրդադեմոկրատական կուսակցությունը կստանա ձայների մոտ 25 տոկոսը, քրդերը կպահպանեն իրենց 15 տոկոսը։

Թուրքիայում իշխող Արդարություն և զարգացում կուսակցությունը հաղթեց հունիսի 7–ին տեղի ունեցած ընտրություններում, սակայն 2002 թ.–ից հետո առաջին անգամ կորցրեց խորհրդարանական մեծամասնությունը և չկարողացավ միայնակ կառավարություն ձևավորել։ Էրդողանը նաև հայտարարեց անցումային կառավարություն ստեղծելու մասին։ Այս շաբաթվա սկզբին Թուրքիայի նախագահն առաջարկեց վարչապետ Ահմեդ Դավութօղլուին ձևավորել ժամանակավոր կառավարություն։

Երկու ամսում չհաջողվեց այլ կուսակցությունների հետ կոալիցիա ստեղծելու համաձայնագիր ձեռք բերել։ Թուրքիայի նախագահը հույս ունի, որ նոր ընտրությունների արդյունքում նրա գլխավորած Արդարություն և զարգացում կուսակցությունը կկարողանա ամրապնդել իր դիրքերը խորհրդարանում և ձևավորել մեկ կուսակցությունից բաղկացած կառավարություն։–0–

Loading...
Թեմատիկ նյութեր
Բաժնի այլ նյութեր
13:16
17 Հուլիսի 2017
Ժորժ Քեփենեքյանը, հնարավոր է, դառնա Լիոնի քաղաքապետ
Հայազգի Ժորժ Քեփենեքյանը, հնարավոր է, դառնա Ֆրանսիայի Լիոն քաղաքի քաղաքապետ։
20:51
12 Հուլիսի 2017
Սան Ֆրանցիսկոյում կանխվել է պատմության խոշորագույն ավիաաղետը (ՎԻԴԵՈ)
Սան Ֆրանցիսկոյում կանխվել է ժամանակակից ավիացիայի պատմության խոշորագույն ավիաաղետը։
16:43
12 Հուլիսի 2017
ԱՄՆ պետկառույցները սահմանափակվել են «Կասպերսկու լաբորատորիայի» արտադրանքի օգտագործման հարցում
ԱՄՆ նախագահի վարչակազմը հանել է «Կասպերսկու լաբորատորիան» այն մատակարարների ցուցակից, որոնց արտադրանքը գնում են պետական կառույցները։
14:19
12 Հուլիսի 2017
Հայուհին կարող է ԱՄՆ–ի առաջին տիկին դառնալ
ԱՄՆ-ում պաշտոնապես գրանցվել 2020 թ–ին երկրի  նախագահական ընտրություններում դերասան Դուեյն Ջոնսոնի նախընտրական արշավը։
14:36
11 Հուլիսի 2017
Բնության բացառիկ երևույթ` Հայաստանի եղանակային գուրուից (ՎԻԴԵՈ)
ՀՀ ԱԻՆ Հիդրոմետ ծառայության օդերևութաբանության կենտրոնի պետ Գագիկ Սուրենյանը Facebook-ի իր էջում տեսանյութ է հրապարակել։
18:20
09 Հուլիսի 2017
Ամերիկացին 10 րոպեում 72 հոթ դոգ է կերել (ՎԻԴԵՈ)
Nathan's Annual Famous International Hot Dog Eating Contest հոթ-դոգ ուտելու մրցույթն է անցկացվել Նյու Յորքում:
21:35
08 Հուլիսի 2017
Microsoft–ը 3000 աշխատատեղ կկրճատի
Microsoft Corp.–ը հայտարարել է 3 հազար աշխատատեղերի կրճատման մասին։
13:13
03 Հուլիսի 2017
Կրետեում տղամարդ է մահացել շոգի պատճառով
Կրետեում շոգի պատճառով տարեց տղամարդ է մահացել:
14:31
02 Հուլիսի 2017
Սանտա Բարբարայում հայտնաբերվել է կորած 5-ամյա Արա Անդրեասյանի դին (ՎԻԴԵՈ)
Կալիֆոռնիայի Սանտա Բարբարա շրջանի Կաչումա լճի տարածքում հայտնաբերվել է կորած 5-ամյա Արամազդ Անդրեասյան կրտսերի մարմինը, հայտնում է  CBS News-ը` հղում անելով Լոս Անջելեսի շերիֆի գրասենյակին:
17:53
01 Հուլիսի 2017
Թաիլանդում հսկայամողեսը կերել է զբոսաշրջիկին
Թաիլանդում հետաքննում են բելգիացի 30–ամյա զբոսաշրջիկ Էլիզա Դալեմանեի մահը։
20:41
27 Հունիսի 2017
Հղի Սերենա Ուիլյամսը մերկացել է Vanity Fair–ի համար (ՖՈՏՈ)
Հայտնի թենիսիստուհի Սերենա Ուիլյամսն «անկեղծացել է» ֆոտոխցիկների առջև։
18:01
26 Հունիսի 2017
Սալվադոր Դալիի մարմինը կարտաշիրիմվի հայրության հաստատման նպատակով
Մադրիդի դատարանի դատավորը կարգադրել է արտաշիրիմել նկարիչ Սալվադոր Դալիի մարմինը ԴՆԹ փորձաքննության համար։