ԱԴԾ–ն հաստատել է, որ А321–ում ահաբեկություն է գրանցվել

ԵՐԵՎԱՆ, 17 նոյեմբերի. /Նովոստի–Արմենիա/. Եգիպտոսում А321–ի աղետը, որի հետևանքով զոհվել է ավելի քան 220 մարդ, ահաբեկության հետևանք է, հայտարարել է ՌԴ ԱԴԾ ղեկավար Ալեքսանդր Բորտնիկովը։

Ռուսական և խորհրդային ավիացիայի պատմության ընթացքում խոշորագույն ավիավթարը գրանցվել է հոկտեմբերի 31–ին։ Շարմ էլ Շեյխ–Սանկտ Պետերբուրգ չվերթն իրականացնող «Կոգալիմավիա» ավիաընկերության А321 ինքնաթիռը կործանվել է Սինայում։ Ինքնաթիռում եղել է 217 ուղևոր և անձնակազմի յոթ անդամ։ Բոլորը մահացել են։

«Կարելի է միանշանակ ասել, որ սա ահաբեկչական գործողություն է», – ասել է Բորտնիկովը Կրեմլում կազմակերպված խորհրդակցության ընթացքում, որը նվիրված էր ռուսական ինքնաթիռի կործանման պատճառների քննության արդյունքներին։ Խորհրդակցությունը վարել է ՌԴ նախագահ Վլադիմիր Պուտինը, հաղորդում է ՌԻԱ Նովոստին։–0–