Բեյրութը` պայթյունից հետո. հրապարակվել են քաղաքի սարսափելի կադրերը (ՎԻԴԵՈ)
13:43
05 Օգոստոսի 2020
ԵՐԵՎԱՆ, 5 օգոստոսի./Նովոստի–Արմենիա/. The Guardian–ը հրապարակել է նախօրեին Բեյրութի նավահանգստում որոտացած հզոր պայթյունի սարսափելի հետևանքների կադրերը։
Հիշեցնենք, որ օգոստոսի 4–ի երեկոյան հզոր պայթյուն է որոտացել Բեյրութի նավահանգստում։ Ինչպես ավելի ուշ հայտնեցին Լիբանանի ուժային կառույցները, դետոնացիայի է ենթարկվել 2015թ.–ին նավերից մեկից բռնագրավված բեռում պահվող 2,7 տոննա ամոնիումային սելիտրան։ Այս տարիների ընթացքում պայթյունավտանգ նյութը պահվել է նավահանգստի պահեստում` հետագայում այն ոչնչացնելու նպատակով։ Երկրում սուգ է հայտարարվել։ Աղետի գոտի համարվող քաղաքում երկու շաբաթով հայտարարվել է արտակարգ դրության ռեժին։ Վերջին տվյալներով, պայթյունից զոհվել է ավելի քան 100 մարդ, տուժածների թիվը գերազանցել է 4 հազարը։ ՀՀ ԱԳՆ–ի տվյալներով, զոհերի թվում կա 6 հայ։–0–