Կտեսնե՞ն, արդյոք, Հայաստանի բնակիչներն արևի խավարումը

ԵՐԵՎԱՆ, 15 փետրվարի. /Նովոստի–Արմենիա/. Երկիր մոլորակի բնակիչները հնարավորություն կունենան տեսնել արևի ամբողջական խավարում։

Սակայն Հայաստանի բնակիչները չեն կարող դառնալ այս գեղեցիկ երևույթի ականատեսը, «Նովոստի–Արմենիա» գործակալությանն ասաց Բյուրականի աստղադիտարանի տնօրեն Հայկ Հարությունյանը։

«Մարտի 8–ին նախատեսված արևի խավարումը կարելի է դիտել Հարավային օվկիանոսի հյուսիսային և կենտրոնական մասերից, ինչպես նաև Հնդկական օվկիանոսի արևելքից։ Արևի խավարումը հստակ կերևա Կարոլինյան կղզիներից UTC–ով ժամը 1։58։19–ին (համաշխարհային համակարգված ժամանակ)», - ավելացրեց Հարությունյանը։

Երկիր մոլորակի բնակիչները հնարավորություն կունենան տեսնել արևի ամբողջական խավարում (ՏԵՍԱՆՅՈւԹ)>>

Խավարման ամբողջական փուլը կտևի 4 րոպե 9 վայրկյան։ Այս խավարումը 1998 թ.–ի փետրվարի 29–ին գրանցված արևի ամբողջական խավարման կրկնությունն է։ Հաջորդ խավարումը տեղի կունենա 2034 թ.–ի մարտի 20–ին։ 

Խավարման արդյունքում Լուսինը ծածկում է Արեգակն այնպես, որ Երկիր մոլորակի մի մասը հայտնվում է ստվերում և լուսավորվում է միայն արևային թույլ լույսով։–0–