Երկու ինքնաթիռների բախումը կանխած հերոս օդաչուն 450 հազար դոլար պարգևավճար է ստացել (ՏԵՍԱՆՅՈւԹ)

ԵՐԵՎԱՆ, 6 նոյեմբերի. /Նովոստի-Արմենիա/. Չինաստանում պարգևատրել են China Eastern ավիաընկերության օդաչուին:

Նրան պարգևատրել են 3 մլն յուանով (գրեթե 450 հազար դոլար): Նրա գործողությունների շնորհիվ հաջողվել է խուսափել թռիչքուղու վրա երկու ուղևորատար օդանավերի բախումից, հաղորդում է vesti.ru-ն՝ հղում անելով «Ռոսիա 24»-ին:

Միջադեպը տեղի է ունեցել հոկտեմբերի 11-ին Շանհայում: Օդանավերից մեկը թափ էր հավաքում թռիչքի համար, իսկ երկրորդ օդանավը նոր էր վայրէջք կատարել և շարժվում էր թռիչքուղու վրա: Օդաչուին հաջողվել է օդանավն օդ բարձրացնել բախումից հաշված վայրկյաններ առաջ: Արդյունքում, ոչ ոք չի տուժել: Քննության նախնական տվյալներով, ամեն ինչ տեղի է ունեցել դիսպետչերի սխալի պատճառով: -0-