ԵՐԵՎԱՆ, 24 դեկտեմբերի. /Նովոստի–Արմենիա/. ԱՄՆ նորընտիր նախագահ Դոնալդ Թրամփը «շատ հաճելի է» համարել ՌԴ նախագահի Վլադիմիր Պուտինի նամակն ու կոչ է արել հետևել այդ նամակում ներկայացված մտքերին։
«Շատ հաճելի նամակ է Վլադիմիր Պուտինից, նրա մտքերն այնքան ճիշտ են», – նշել է նա, հաղորդում է gazeta.ru–ն` հղում անելով USA Today–ին։
Թրամփը նաև հույս է հայտնել, որ ամերիկյան և ռուսական կողմերը կկարողանան հետևել նամակում նշված գաղափարներին և ստիպված չեն լինի «փնտրել այլընտրանքային ուղիներ»։
Ավելի վաղ ՌԴ նախագահի մամուլի քարտուղար Դմիտրի Պեսկովը տեղեկացրել է, որ Պուտինը շնորհավորել է Թրամփին Ամանորի և Սուրբ Ծնունդի կապակցությամբ։-0-