ԵՐԵՎԱՆ, 19 դեկտեմբերի. /Նովոստի-Արմենիա/. Ամերիկացի դերասան Սիլվեստեր Ստալոնեն հայտարարել է, որ չի ղեկավարի ԱՄՆ-ի արվեստի և հումանիտար գիտությունների ազգային հիմնադրամը: Դրա փոխարեն նա նախընտրում է աշխատել վետերանների հետ:
Ինչպես գրում է
Lenta.ru-ն, հղում անելով Variety-ին, Ստալոնեն նշել է, որ չափազանց շոյված է հիմնադրամի ղեկավարի պաշտոնը ստանձնելու առաջարկից: Սակայն, դերասանի կարծիքով, նա ավելի շատ օգուտ կբերի` քաղաքացիների ուշադրությունն ուղղելով վետերանների կարիքների վրա, ովքեր արժանի են ունենալ լավ վարձատրվող աշխատանք, հարմարավետ բնակարան և ֆինանսական աջակցություն:
Դեկտեմբերի 16-ին The Daily Mail-ը հայտնում է, որ ԱՄՆ-ի նորընտիր նախագահ Դոնալդ Թրամփը պատրաստվում է Ստալոնեին նշանակել ԱՄՆ-ի արվեստի և հումանիտար գիտությունների ազգային հիմնադրամի նախագահի պաշտոնում: Ինչպես նշել է պարբերականի աղբյուրը, Թրամփը դերասանի թեկնածությունը համարել է առավել հարմար, որպեսզի «արվեստը նորից հանճարեղ դառնա»:
Սիլվեստեր Ստալոնեն 70 տարեկան է։ Նա ռեժիսոր է, սցենարիստ և պրոդյուսեր: Ստալոնեն հայտնի է «Ռոկկի», «Ռեմբո», «Անզսպելիները», «Մրցարշավորդը», «Վարձու մարդասպանները» և այլ ֆիլմերով։–0–