Ժնևի դատախազությունը գտել է 500 եվրո թղթադրամներով զուգարանները խցանած անձանց

ԵՐԵՎԱՆ, 20 սեպտեմբերի. /Նովոստի–Արմենիա/. Ժնևի դատախազությունը գտել է այն անձանց, ովքեր բանկերից մեկի ու երեք ռեստորանների զուգարանները խցանել են 500 եվրո արժողությամբ թղթադրամներով, հաղորդում է lenta.ru-ն:

Հիշեցնենք, որ Ժնևի բանկերից մեկի և երեք ռեստորանների զուգարանները խցանվել են 500 եվրո արժողությամբ թղթադրամներով` 100 հազար դոլար ընդհանուր արժեքով։

«Քննությունը շարունակվում է։ Ներկա պահին հայտնի է, որ նման արարք են կատարել ազգությամբ երկու իսպանուհիներ։ Դատախազությունը պարզում է նաև այդ փողերի ծագումը», – ասել է Ժնևի դատախազության մամուլի քարտուղար Վինսենթ Դերուանը։

Նրա խոսքով, եթե պարզվի, որ փողերը ձեռք են բերվել օրինական ճանապարհով, ապա իսպանուհիները որևէ մի պատիժ չեն կրի, քանի որ Շվեյցարիայում փողերի փչացումը հանցանք չէ։

«Իսկ եթե փողերը կապված են անօրինական գործունեության հետ, ապա դա արդեն այլ գործ է։ Ներկա պահին իսպանուհիներին մեղադրանք չի ներկայացվել, սակայն նրանց փաստաբանը արդեն ներկայացել է ոստիկանություն», – ավելացրել է նա։–0–