ԵՐԵՎԱՆ, 9 նոյեմբերի. /Նովոստի-Արմենիա/. Դեմոկրատներից նախագահի թեկնածու Հիլարի Քլինթոնը շնորհավորել է հանրապետական Դոնալդ Թրամփին ընտրություններում տարած հաղթանակի առթիվ, հաղորդում է Ինտերֆաքսը` հղում անելով CNN-ին:
Քլինթոնը զանգահարել է Թրամփին և պաշտոնապես ընդունել է իր պարտությունը:
Ընտրությունների վերջնական արդյունքներն առայժմ ամփոփված չեն, սակայն Թրամփի հաղթանակն արդեն ակնհատ է:
Politico հրատարակությունը հաղորդում է, որ Թրամփը հավաքել է ընտրական կոլեգիայի 276 անդամների ձայնը, իսկ Հիլարի Քլինթոնը` 218 անդամների ձայնը։ Հանրապետականի օգտին քվեարկել է շուրջ 56,9 մլն մարդ, Քլինթոնի օգտին` 55,8 մլն։
Վերջինը Վիսկոնսին և Միչիգան նահանգներում Թրամփի հաղթանակի մասին տվյալներն էին։ Մի շարք նահանգներում, սակայն, ձայների հաշվարկը չի ավարտվել, բայց դա չի ազդի ընտրությունների արդյունքների վրա։–0–