ԵՐԵՎԱՆ, 22 ապրիլի. /Նովոստի–Արմենիա/. Տորոնտոյում բնակվող ամուսնական զույգը մեղադրում է Air Canada ավիաընկերությանը երկար սպասված արձակուրդը խափանելու մեջ, հաղորդում է life.ru–ն` հղում անելով CTV News–ին։
Ավիաընկերության աշխատակցուհին, որին մոտեցել է Աման Կոշիկը, պատահաբար վնասել է Կոշիկի անձնագրի մի քանի էջերը, սակայն վստահեցրել է, որ այլ երկիր մուտք գործելու խնդիրներ նա չի ունենա։ Սակայն Մեքսիկայի Քանքուն հանգստավայրի օդանավակայանում, ուր ժամանել է Կոշիկն իր կնոջ հետ, հայտարարել են, որ նա պետք է անմիջապես վերադառնա Տորոնտո, քանի որ մաքսային ծառայությունը չի կարող ընդունել պատռված փաստաթուղթը։
Գնելով մոտակա չվերթի տոմս` զույգը վերադարձել է Կանադա։ Չկայացած արձակուրդը զույգի համար արժեցել է 5 հազար դոլար։ Հիմա նրանք պահանջում են փոխհատուցում բարոյական վնասի համար։
Air Canada–ն ուսումնասիրում է միջադեպի բոլորի հանգամանքները։–0–