ԵՐԵՎԱՆ, 24 հոկտեմբերի. /Նովոստի–Արմենիա/. Հայաստանի կառավարությունը մտադիր է հայկական գործարար շրջանակների ներկայացուցիչների մասնակցությամբ տնտեսական համաժողով անցկացնել, ասաց վարչապետի պաշտոնակատար Նիկոլ Փաշինյանը` չորեքշաբթի խորհրդարանում ելույթ ունենալով ընտրություններից առաջ։ Այդ մասին հայտնում է
«ԱՌԿԱ» տտեսական լրատվության գործակալությունը։
«Այս փուլում մենք մտածում ենք այն անցկացնելու վայրի մասին` ընտրելով Ջերմուկի, Դիլիջանի կամ Ծաղկաձորի միջև։ Այդ համաժողովը, պայմանականորեն ասած, կդառնա «հայկական Դավոս», որտեղ կներկայացվի ամբողջ հայկական բիզնեսը, քաղաքական և տնտեսական վերնախավը, գաղափարներ կծագեն, կլուծվեն կոնկրետ խնդիրներ»,– ասաց Փաշինյանը։
«Bridge» միջազգային տնտեսական համաժողովը 2004 թվականից ավանդաբար անցկացվում էր փետրվարին Ծաղկաձորում և ոչ պաշտոնապես կոչվում էր «հայկական Դավոս»։ 2013 թվականի սեպտեմբերին այդ միջոցառտումը կայացել է վերջին անգամ Երևանում «Armenia EXPO 2013» ցուցահանդեսի հետ միասին։ -0-