ԵՐԵՎԱՆ, 12 փետրվարի. /Նովոստի–Արմենիա/. Հայաստանի վարչապետ Նիկոլ Փաշինյանը երեքաշբթի ծանուցեց երկրում տնտեսական հեղափոխության մեկնարկը։ Այդ մասին հայտնում է
«ԱՌԿԱ» տնտեսական տեղեկատվության գործակալությունը։
Հայաստանի խորհրդարանը երեքշաբթի քննարկում է կառավարության հնգամյա գործունեության ծրագիրը։
«Այսօր խորհրդարանի բարձր ամբիոնից հայտարարում եմ Հայաստանում համազգային տնտեսական հեղափոխության մեկնարկի մասին։ Հայ ժողովուրդը հաղթել է կոռուպցիան, ամենաթողությունը, կլանային համակարգը և կպայքարի աղքատության, գործազրկության և անգործության դեմ»,– ասաց Փաշինյանը։
Նա պատմեց, որ այն հարցերի պատասխանները, թե ինչպես է իրականացվելու հեղափոխությունը, տրված են կառավարության ծրագրում, որը հենվում է «Իմ քայլը» դաշինքի նախընտրական ծրագրի վրա։
Նրա խոսքով, տնտեսական հեղափոխությունը կիրականացվի նույն գործիքակազմով, ինչը և քաղաքականն էր։ Փաշինյանն ընդգծեց, որ 2013 թվականին հիմնադրված իր քաղաքական ուժին պահանջվեց հինգ տարի` երկրում ոչ բռնի թավշյա հեղափոխություն իրականացնելու համար։
Վարչապետը հիշեցրեց, որ հեղափոխության հիմնական գործիքը Facebook–ի առցանց հեռարձակումներն էին, իսկ ֆինանսական ռեսուրսները հավաքվեցին նվիրատվությունների տեսքով։
Загружается новость ...
"Право"
«Հեղափոխությունը հնարավոր դարձավ, այդ թվում շնորհիվ նրա, որ մեր քաղաքական ուժը որևէ մեկի առջև ֆինանսական կամ քաղաքական պարտավորություններ չուներ։ Սա կարևոր գործոն է, որն ապահովում է Հայաստանի և հայ ժողովրդի ինքնիշխանությունը։ Մեր միակ պարտավորությունը ժողովրդի առջև է։ Մենք մտադիր ենք օգտագործել նրանից ստացած մանդատը` երկրում իրական տնտեսական փոփոխություններ իրականացնելու համար»,– ասաց Փաշինյանը։
Նա նշեց, որ հայկական թավշյա հեղափոխությունը երկրի պատմության մեջ ամենամեծ ստարտափն էր, և տնտեսական հեղափոխության հիմքը կլինի նույնպիսին։
«Անհրաժեշտ է քաղաքացիների վարքագծի փոփոխություն։ Հետևաբար, տնտեսական հեղափոխությունն իրականություն կդառնա այն ժամանակ, երբ քաղաքացիները փոխեն ոչ միայն իրենց քաղաքական, այլ նաև տնտեսական վարքագիծը։ Մեր խնդիրն է լինելու դրա համար անհրաժեշտ հնարավորությունների խթանումն ու ստեղծումը»,– ասաց Փաշինյանը։
Նա նշեց, որ հենց այդ պատճառով էլ կառավարության ծրագրում ներկայացվել են շատ քիչ թվեր։
«Ամեն ինչ կախված կլինի նրանից, թե որքան քաղաքացիներ կարձագանքեն մեր կոչին, կցանկանան դառնալ տնտեսական ակտիվիստներ և օգտվեն տրված հնարավորություններից։
Հավատում ենք, որ կլինեն հարյուր հազարավորներ, միլիոններ, բայց չենք ուզում ճնշել նրանց կամ կանխատեսել»,– ասաց Փաշինյանը։ -0-
