484.37
+0.38
564.15
+0.69
8.28
-0.04
+9
Եղանակը Երևանում
Հայ
Հայաստանի՝ բնական աղետների կազմակերպման ոլորտում ունեցած փորձը կարող է օգտակար լինել մյուս երկրներին
16:26
30 Սեպտեմբերի 2011

Բնական աղետների կառավարման ոլորտում ունեցած հայկական փորձը կարող է օգտակար լինել մյուս երկրներին, հայտնեց ԵԽ-ի եվրոպական և միջերկրածովյան խոշոր աղետների համաձայնագրի կոմիտեի գործադիր քարտուղար Էլադիո Ֆերնանդես-Գալիանոն:

«Ամենից առաջ դա կրթության ոլորտին է վերաբերում: Հայաստանում դպրոցների և այլ հաստատությունների մակարդակով բնական աղետների կառավարման ուսուցման կայացած և արդյունավետ ծրագրեր են գործում: Այստեղ մասնագիտացված կենտրոն կա, որն այդ հարցերով է զբաղվում` արդյունավետորեն աշխատելով արդեն 20 տարիների շարունակ», - ուրբաթ Կոմիտեի նիստն ամփոփող ասուլիսի ժամանակ ասաց նա:
ԵԽ-ի եվրոպական և միջերկրածովյան խոշոր աղետների համաձայնագրի կոմիտեի նիստն անցկացվել է սեպտեմբերի 29-30-ը Երևանում, դրան մասնակցել է ՀՀ ԱԻՆ ղեկավարությունը, փորձագետներ Եվրոպայից և ԱՊՀ 12 երկրից: Կոմիտեի նիստն առաջին անգամ անցել է Հարավային Կովկասի տարածքում:

«Այսօր Հայաստանում տարբեր սպառնալիքներ կան, որոնք կապված են բնական աղետների հետ: Դրանք երկրաշարժերի, հրաբուխների հետ կապված սպառնալիքներն են: Բացի այդ, դուք պատրաստվում եք նոր ատոմակայան կառուցել, այդ պատճառով շատ լավ է, որ մեր հերթական նիստն անցել է Հայաստանում»,-նշեց Ֆերնանդես-Գալիանոն:

Ըստ նրա, երկօրյա նիստի ընթացքում բավական մեծ ծավալով աշխատանքներ են տարվել: «Մենք առաջիկա 2 տարիների գործողությունների համաեվրոպական ծրագիր ենք մշակել, ինչպես նաև երկու կարևոր առաջարկ ենք հավանության արժանացրել՝ առաջինը վերաբերում է անտառային հրդեհների կանխարգելմանը, երկրորդը` բնակչությանը ռադիոլոգիական սպառնալիքներ հասցնելու վերաբերյալ տեղեկատվության տրամադրմանը»,- տեղեկացրեց նա:

Ինչպես ասաց Ֆերնանդես-Գալիանոն, Կոմիտեի հովանու ներքո 26 մասնագիտացված կենտրոն է գործում: 

«Մենք մեր ջանքերը կենտրոնացնում ենք չորս հիմնական բնագավառում: Առաջինը` աղետների տարբեր տեսակների հանդեպ բնակչության խոցելիության նվազեցումը, երկրորդը` բոլոր մակարդակներում աղետների կառավարման բարելավումը, երրորդը` տարբեր աղետների և հնարավոր հետևանքների մասին բնակչության իրազեկման բարձրացումը, չորրորդը` աղետների մարդկային չափումը, այսինքն` մենք փորձում ենք գլուխ հանել, թե ինչ իրավունքներ ունեն մարդիկ, արդյոք նրանք տեղեկության իրավունք  և պետության ու այլ կողմերից պաշտպանվածություն ունեն», - ասաց նա:

Նիստի ընթացքում Կոմիտեն Էթիկայի օրենսգիրք ընդունեց և Կոմիտեի նոր նախագահ ընտրեց Խորվաթիայի ներկայացուցիչ Դամիր Չեմերինին:
Եվրոպայի Խորհրդի Եվրոպական և միջերկրածովյան խոշոր աղետների համաձայնագիրը ստեղծվել է 1987 թ.-ին` որպես խոշոր բնական և տեխնածին աղետների ռիսկերի նվազեցման, աղետների կանխարգելման, պատրաստվածության բարձրացման, ինչպես նաև  արտակարգ իրավիճակներում կառավարման և օգնության կազմակերպման հարցերով համագործակցության բաց միջկառավարական խումբ:

Հայաստանը համաձայնագրին միացել է 1993 թ.: Ներկայում համաձայնագրին անդամակցում է 26 երկիր (Հայաստան, Ալբանիա, Ադրբեջան, Բելգիա, Բուլղարիա, Հունաստան, Վրաստան, Իսպանիա, Կիպրոս, Լյուքսեմբուրգ, Մակեդոնիա, Մալթա, Մոլդովա, Մոնակո, Պորտուգալիա, Ռուսաստան, Ռումինիա, Սան-Մարինո, Սերբիա, Թուրքիա, Ուկրաինա, Ֆրանսիա, Խորվաթիա, Ալժիր, Լիբանան, Մարոկկո):

Համաձայնագիրն ապահովում է աղետների ռիսկերի նվազեցման հարցերի իրագործումը՝ արտակարգ իրավիճակների կանխարգելում, աղետներին պատրաստվածության բարձրացում և արդյունավետ արձագանքում:--0-

Loading...
Թեմատիկ նյութեր
Բաժնի այլ նյութեր
17:21
31 Հոկտեմբերի 2017
ԵԶԲ–ն 100մլն դոլարի վարկ կտրամադրի «Հայաստանի էլեկտրական ցանցերի» գործունեության ընդլայնման համար
Եվրասիական զարգացման բանկի «Տաշիր» ընկերությունների խմբի և «Հայաստանի էլեկտրական ցանցեր» ՓԲԸ–ի միջև մտադրությունների համաձայնագիր է ստորագրվել։
13:15
31 Հոկտեմբերի 2017
Մոսկվայում բացվել է «Եվրասիական ինտեգրացիա» Միջազգային XII համաժողովը
Ուշադրության կենտրոնում է նաև միջպետական համագործակցության հարցը ԵՏՄ–ի շրջանակում։
12:15
31 Հոկտեմբերի 2017
ՎՏԲ–Հայաստան Բանկը Խնայողությունների միջազգային օրվա կապակցությամբ բարձրացնում է ավանդների տոկոսադրույքները
Խնայողությունների միջազգային օրվանն ընդառաջ ՎՏԲ-Հայաստան Բանկը պատրաստել է հատուկ առաջարկ ավանդատուների համար:
11:17
30 Հոկտեմբերի 2017
ՀՀ վարչապետը ներկայացրել է 2018 թ.–ի պետբյուջեի նպատակները
Երկուշաբթի խորհրդարանական հանձնաժողովներում մեկնարկել են ՀՀ 2018 թ.–ի պետական բյուջեի նախագծի քննարկումները։
13:07
26 Հոկտեմբերի 2017
ՀՀ կառավարությունը հավանություն տվեց ԵՏՄ Մաքսային օրենսգրքի մասին պայմանագրին
ՀՀ կառավարությունը հինգշաբթի նիստի ժամանակ հավանություն տվեց ԵՏՄ Մաքսային օրենսգրքի մասին պայմանագիրն ու ներկայացրեց այն ԱԺ–ի վավերացմանը։
16:42
19 Հոկտեմբերի 2017
Հայաստանն ու Ռուսաստանը միջազգային ավտոհաղորդակցություն կհաստատեն
Հայաստանի կառավարությունը հավանություն է տվել Ռուսաստանի հետ միջազգային ավտոմոբիլային հաղորդակցության միջկառավարական համաձայնագրին։
14:40
18 Հոկտեմբերի 2017
Սուրեն Կարայան. 2017 թ.–ի առաջին կիսամյակում արտահանման աճ է գրանցվել ինչպես դեպի ԵՏՄ, այնպես էլ դեպի ԵՄ
ՀՀ տնտեսական զարգացման և ներդրումների նախարարն ամփոփեց 2017-ի առաջին կիսամյակի արդյունքները։
19:50
12 Հոկտեմբերի 2017
«Վնեշէկոնոմբանկ»-ը և Հայաստանն ընդլայնում են գործակցությունը
Հայաստանի հետ «Վնեշէկոնոմբանկ»–ի գործակցության ընդլայնման հարցերն են քննարկվել հինգշաբթի:
18:27
11 Հոկտեմբերի 2017
Գյուղատնտեսության նախարարը կոչ է արել գների փոփոխման պատճառով երկրում խուճապի մթնոլորտ չստեղծել
Հայաստանի գյուղատնտեսության նախարար Իգնատի Առաքելյանը մսամթերքի գներից դժգոհներին առաջարկել է, որ իրենք զբաղվեն դրա արտադրությամբ։

19:34
10 Հոկտեմբերի 2017
ՀՀ վարչապետ. իրանական գործընկերների հետ պայմանավորվել ենք «ռեստարտ» տալ մեր հարաբերություններին
ՀՀ վարչապետի խոսքով, իրանցի գործընկերների հետ համաձայնություն է ձեռք բերվել հարաբերությունների «ռեստարտի» մասին։
15:01
09 Հոկտեմբերի 2017
Մոսկովյան բորսան նախատեսում է հայկական դրամով առուվաճառք կազմակերպել
Մոսկվայի բորսան նախատեսում է հայկական դրամով առուվաճառք կազմակերպել։
13:54
09 Հոկտեմբերի 2017
ՎՏԲ-Հայաստան Բանկը և Mastercard-ը հայտարարել են #երբշահումես ակցիայի հաղթողներին
ՎՏԲ–Հայաստան Բանկը և Mastercard միջազգային վճարային համակարգը ամփոփեցին #երբշահումես համատեղ ակցիայի արդյունքները։