477.88
-0.42
573.6
-0.5
8.31
+0.05
+17
Եղանակը Երևանում
Հայ
ՀՀ նախագահն արդյունավետ է համարում հանդիպումն իր սերբ գործընկերոջ հետ
11:15
05 Ապրիլի 2011

Հայաստանի նախագահ Սերժ Սարգսյանը, երկօրյա պաշտոնական այցով Բելգրադում գտնվելով, արդյունավետ է համարել իր հանդիպումը Սերբիայի նախագահ Բորիս Տադիչի հետ, հաղորդում է հայկական պետության ղեկավարի մամուլի ծառայությունը։

«Ընդհանուր առմամբ արդյունավետ եմ համարում մեր հանդիպումը և հույս ունեմ, որ հայ-սերբական քաղաքական երկխոսությունն ու համագործակցությունը տարբեր ոլորտներում կանոնավոր բնույթ կկրի՝ համատեղ ջանքերի և արդեն ունեցած նախադրյալների շնորհիվ»,- երկուշաբթի լրագրողներին ասել է Հայաստանի նախագահը։

Նա  շնորհակալություն է  հայտնել Նախագահ Տադիչին ջերմ հյուրընկալության համար՝  ուրախությամբ եմ արձանագրելով, որ վերջին տարիներին բարձրաստիճան երկկողմ փոխայցելությունների և բազմակողմ ձևաչափերում կայացած բարձր մակարդակի հանդիպումների արդյունքում ակտիվացել է Հայաստանի և Սերբիայի միջև քաղաքական երկխոսությունը:

 «Դա գնահատում եմ որպես հայ-սերբական միջպետական հարաբերությունների զարգացման նոր մեկնարկ»,- նախագահ Սարգսյանի խոսքերը մեջբերեցին պետության ղեկավարի մամուլի ծառայությունից։
Հայաստանի նախագահի խոսքերով, բանակցությունների օրակարգը բավականին հագեցած էր։  «Սակայն նշեմ ամենակարևորը` վերահաստատվեց հարաբերություններն ամրապնդելու երկուստեք հանձնառությունը և ցանկությունը»,- նշել է նախագահը։

Նրա խոսքերով, կողմերն անդրադարձան նաև 2009թ. հուլիսին Նախագահ Տադիչի  Հայաստան կատարած այցի շրջանակներում ձեռքբերված պայմանավորվածությունների կատարման առաջընթացին, նշելով, որ այցից հետո կան որոշակի արդյունքներ,  կյանքի են կոչվել մի շարք պայմանավորվածություններ, մասնավորապես` քաղաքական ոլորտում։
 
«Մեր երկրների արտաքին գերատեսչությունների ղեկավարները պարբերաբար հանդիպում են թե՛ երկկողմ, թե՛ միջազգային տարբեր ֆորումների շրջանակներում։ Աշխատանքներ են տարվել իրավապայմանագրային դաշտը հարստացնելու ուղղությամբ»,- ասել է Սարգսյանը։

Ըստ նրա, ակտիվ զարգացել է հայ-սերբական մշակութային կյանքը, ինչն ամուր հիմք է ստեղծում մեր ժողովուրդների փոխճանաչողության, փոխվստահության բարձրացման, ուստի և՝ այլ ոլորտներում համագործակցության ամրապնդման համար։

«Դրա հետ մեկտեղ՝ նախանշեցինք այն համատեղ քայլերը, որ պետք է ձեռնարկվեն համագործակցությունն ընդլայնելու և խորացնելու համար: Առաջին հերթին ուշադրություն դարձրեցինք առևտրատնտեսական բաղադրիչի զարգացմանը և ընդգծեցինք, որ համագործակցության հիմքեր կան գյուղատնտեսության, տուրիզմի և էներգետիկայի ոլորտներում»,- ասել է Սարգսյանը։

Նա գոհունակությամբ նշել է, որ այցի շրջանակներում ստորագրվեցին երկու կարևոր միջկառավարական համաձայնագրեր` օդային հաղորդակցությունների մասին և դիվանագիտական անձնագրեր կրող անձանց մուտքի արտոնագիր ստանալու պահանջի վերացման մասին:

«Այդ փաստաթղթերն ընդլայնում են մեր իրավապայմանագրային դաշտն ու լավ նախադրյալներ ստեղծում համագործակցության զարգացման համար»,- ասել է նախագահը։
Նրա խոսքերով, երկուստեք նշվել է մշակութային կապերի ընդլայնման և մարդկային շփումների կարևորությունը:
 
«Հայ և սերբ ժողովուրդներն ունեն դարերի խորքը գնացող բարեկամություն, որը շարունակվում է և նոր որակ ստանում մեր ժամանակներում»,- նշել է նախագահը։

Նրա խոսքերով, երկու երկրների մշակույթի նախարարները ստորագրել են առաջիկա երեք տարիների համագործակցության ծրագիր: Պայմանավորվածություն է ձեռք բերվել նաև օգտագործել բոլոր հնարավորությունները հումանիտար կապերի զարգացման ոլորտում, այդ թվում երիտասարդության միջև շփումների և փոխանակումների խրախուսման միջոցով:   -0-

Loading...
Թեմատիկ նյութեր
Բաժնի այլ նյութեր
16:24
22 Սեպտեմբերի 2017
Հայաստանը կսկսի արտադրել Volterman խելացի դրամապանակներ
Smart դրամապանակների արտադրության մեջ նախատեսված ներդրումները կկազմեն 2,3 մլն. դոլար:
13:01
19 Սեպտեմբերի 2017
Հայաստանը տնտեսական և ներդրումային մեծ համաժողով կանցկացնի 2018թ. աշնանը
Հայաստանը տնտեսական և ներդրումային մեծ կանոնավոր համաժողով կանցկացնի 2018 թվականի աշնանը:
17:51
13 Սեպտեմբերի 2017
ԱՄՆ–ն առայժմ չի պատրաստվում չեղարկել Հայաստանի հետ կրկնակի հարկումը
Հայաստանում ԱՄՆ արտակարգ և լիազոր դեսպան Ռիչարդ Միլզը հանդիպել է լրագրողների հետ Հայաստանում ԱՄՆ դեսպանությւան և Հայ–ամերիկյան առևտրային պալատի կազմակերպած համաժողովի շրջանակում։
15:11
07 Սեպտեմբերի 2017
Հայաստանի համախառն պետական պարտքը 2017 թ.–ի հուլիսին ավելացել է 60,8 մլն դոլարով
Հայաստանի համախառն պետական պարտքն ամսվա ընթացքում ավելացել է 60,8 մլն դոլարով։
14:53
06 Սեպտեմբերի 2017
Սևան–Հրազդան ՀԷԿ–ը հանվել է վաճառքի
«Ռուսգիդրոն» շարունակում է գնորդ փնտրել Սևան–Հրազդան ՀԷԿ–ի համար:
17:03
31 Օգոստոսի 2017
Հայաստանը 20 մլն դոլար կստանա` ջերմոցային գազերի կրճատման ծրագրի իրականացման նպատակով
Հայաստանը «Շենքերի էներգետիկ արդյունավետությանն ուղղված ներդրումային ռիսկի նվազեցման» ծրագրի շրջանակում Green Climate Foundation–ից կստանա 20 մլն դոլար:
16:27
24 Օգոստոսի 2017
Հայաստանը «Բարձրավոլտ էլեկտրացանցերի» հավատարմագրային կառավարումը կհանձնի «Տաշիր կապիտալին»
Կառավարող ընկերությունը պետք է վեց ամսվա ընթացքում կառավարության հաստատմանը ներկայացնի հավատարմագրային կառավարման ծրագիրը։
17:43
23 Օգոստոսի 2017
«Տաշիր կապիտալը» նախատեսում է ստանձնել «Բարձրավոլտ էլեկտրացանցերի» հավատարմագրային կառավարումը
«Տաշիր կապիտալ» ընկերությունը Հայաստանում ևս մեկ ակտիվ ձեռք կբերի:
16:02
21 Օգոստոսի 2017
Moody’s–ը հաստատել է Հայաստանի վարկանիշը B1 մակարդակում
Moody’s միջազգային վարկանշային գործակալությունը հաստատել է Հայաստանի վարկանիշը B1 մակարդակում:
14:39
11 Օգոստոսի 2017
Խախտումներ պապաղակի շուկայում. հետ են կանչվել որոշ արտադրողների խմբաքանակներ
Հայաստանի ԳՆ սննդամթերքի անվտանգության պետական ծառայությունը վերահսկողություն է իրականացնում պաղպաղակի շուկայում:
12:16
10 Օգոստոսի 2017
ՎՏԲ-Հայաստան Բանկի հաճախորդները կարող են նախապես հերթագրվել սպասարկման համար` EarlyOne բջջային հավելվածի միջոցով
ՎՏԲ-Հայաստան Բանկն առաջիններից է միացել EarlyOne հերթերի հեռավար կառավարման համակարգին:
20:42
09 Օգոստոսի 2017
Կարեն Կարապետյանն ագրոհատվածի լայնածավալ բարեփոխումներ է նախապատրաստել
Հայաստանի վարչապետ Կարեն Կարապետյանը խորհրդակցության ընթացքում ներկայացրեց գյուղատնտեսության բարեփոխմանն ուղղված ծավալուն ծրագիր: