478.57
+0.37
561.79
+1.96
8.05
+0.02
+22
Եղանակը Երևանում
Հայ
Հայաստանի արտգործնախարարն ու ԵԱՀԿ գլխավոր քարտուղարը քննարկել են ղարբաղյան հարցը
17:22
08 Մայիսի 2008

Հայաստանի արտաքին գործերի նախարար Էդվարդ Նալբանդյանը երեկ ԵԱՀԿ գլխավոր քարտուղար Մարկ Պերեն դը Բրիշամբոյի հետ քննարկել է ղարաբաղյան հարցը, հինգշաբթի հայտնեցին հանրապետության ԱԳՆ մամուլի ծառայությունից։

Հանդիպմանը ՀՀ ԱԳ նախարարը ԵԱՀԿ գլխավոր քարտուղարին տեղեկացրել է Ադրբեջանի ԱԳ նախարար Է. Մամեդյարովի և  ԵԱՀԿ Մինսկի համանախագահների հետ նախորդ օրը կայացած հանդիպման մասին, նշելով, որ Հայաստանը բարձր է գնահատում հարցի կարգավորման ուղղությամբ համանախագահների գործադրած ջանքերը:

Հայաստանի ԱԳ ղեկավարը պատրաստակամություն է հայտնել առկա գործընթացը շարունակել Մադրիդի նախարարական հանդիպմանը նրանց կողմից ներկայացրած առաջարկների հիման վրա, որոնք առաջընթացի հնարավորություն են ընձեռում: Նախարարը նշել է նաև, որ Հայաստանը դեմ է բոլոր այն քայլերին, որոնք կարող են հակասել Մինսկի խմբի ջանքերին և խաթարել բանակցությունների էությունը:

Հանդիպման ընթացքում կողմերը քննարկել են  նաև ԵԱՀԿ երևանյան գրասենյակի հետ համագործակցության, ինչպես նաև Հայաստանի նախագահական ընտրությունների վերաբերյալ ԵԱՀԿ-ի հրապարակած զեկույցների հետ կապված հարցեր:

Այս կապակցությամբ նախարարը գոհունակություն է հայտնել նաև ԵԱՀԿ երևանյան գրասենյակի հետ համագործակցության մակարդակից, հայտնելով, թե հայկական կողմի և գրասենյակի միջև ի սկզբանե ձևավորվել է սերտ համագործակցության ավանդույթ:

Նալբանդյանը ներկայացրել է Հայաստանի քաղաքական ղեկավարության քայլերը, որոնք նպատակաուղղված են հասարակական վստահության հաստատմանը և տարբեր քաղաքական ուժերի միջև ընդհանուր մտահոգություն առաջացնող հարցերի շուրջ երկխոսության ծավալմանը։

Նա տեղեկացրել է, որ ՀՀ նախագահի կարգադրությամբ ստեղծվել է աշխատանքային խումբ ԵԽԽՎ  բանաձևում ամփոփված առաջարկությունների իրագործման համակարգման նպատակով։

ԵԽԽՎ ապրիլի նստաշրժանի ժամանակ ընդունվեց մի բանաձև, որով Հայաստանի առաջադրվեցին ժողովրդավարական ինստիտուտները ամրապնդելու մի շարք պահանջներ, իսկ դրանք մինչև ամառային նստաշրջանը չկատարելու դեպքում երկրին սպառնում է Վեհաժողովում ձայնի իրավունքից զրկվելը։ ԵԽԽՎ բանաձևը Հայաստանի ներքաղաքական իրավիճակի արձագանքն էր, երբ փետրվարի 20-ից ՀՀ առաջին նախագահ Լևոն Տեր-Պետրոսյանի կողմանկիցների կողմից անցկացվող բողոքի ցույցերը Երևանում վերածվեցին իրավապահների հետ բախումների, որոնց հետևանքով եղան զոհեր և զանգվածային ձերբակալություններ։ Իսկ Երևանում 20 օր ժամկետով արտակարգ դրություն հայտարարվեց։

Նալբանդյանի խոսքերով այդ հարցում Հայաստանի քաղաքական կոալիցիան նույնպես պատրաստակամություն է հայտնում հետևողականորեն իրագործելու այնպիսի բարեփոխումներ, որոնք, մասնավորապես, վերաբերում են քաղաքական համակարգում ընդդիմության գործունեության հնարավորությունների ընդլայնմանը, ընտրական գործընթացների նկատմամբ հանրության վստահության էական բարձրացմանը, խոսքի ազատության և զանգվածային լրատվամիջոցների գործունեության անկախության ամրապնդմանը և դատական համակարգի լիարժեք համապատասխանեցմանը եվրոպական չափանիշներին:

Նա նշել է, որ Հայաստանի Ազգային ժողովում նույնպես ստեղծվել է աշխատանքային խումբ` նախագահական ընտրությունների առնչությամբ ընտրական գործընթացների բարելավման վերաբերյալ միջազգային և մասնագիտական կազմակերպությունների առաջարկությունների ուսումնասիրման և Ընտրական օրենսգրքի ու ընտրական գործընթացների կատարելագործման համար Ազգային ժողովին առաջարկություններ ներկայացնելու նպատակով:--0-

Loading...
Թեմատիկ նյութեր
Բաժնի այլ նյութեր
14:39
11 Օգոստոսի 2017
Խախտումներ պապաղակի շուկայում. հետ են կանչվել որոշ արտադրողների խմբաքանակներ
Հայաստանի ԳՆ սննդամթերքի անվտանգության պետական ծառայությունը վերահսկողություն է իրականացնում պաղպաղակի շուկայում:
12:16
10 Օգոստոսի 2017
ՎՏԲ-Հայաստան Բանկի հաճախորդները կարող են նախապես հերթագրվել սպասարկման համար` EarlyOne բջջային հավելվածի միջոցով
ՎՏԲ-Հայաստան Բանկն առաջիններից է միացել EarlyOne հերթերի հեռավար կառավարման համակարգին:
20:42
09 Օգոստոսի 2017
Կարեն Կարապետյանն ագրոհատվածի լայնածավալ բարեփոխումներ է նախապատրաստել
Հայաստանի վարչապետ Կարեն Կարապետյանը խորհրդակցության ընթացքում ներկայացրեց գյուղատնտեսության բարեփոխմանն ուղղված ծավալուն ծրագիր:
13:32
01 Օգոստոսի 2017
ՎՏԲ-Հայաստան Բանկի հաճախորդները կկարողանան անվճար դրամային փոխանցումներ կատարել
Օգոստոսի 1-ից ՎՏԲ-Հայաստան Բանկի հաճախորդները UNISTREAM համակարգի միջոցով կարող են ուղարկել անվճար փոխանցումներ:
20:18
25 Հուլիսի 2017
ԱՄՆ–ն հավանություն է տվել 2018 թ.–ին Հայաստանին 6,2 մլն դոլարի օգնության տրամադրումը
ԱՄՆ–ն հավանություն է տվել 2018 թ.–ին Հայաստանին 6,2 մլն դոլարի օգնության տրամադրումը։
18:50
18 Հուլիսի 2017
Հայաստանը կարող է գազ և էլեկտրաէներգիա ստանալ ավելի շահավետ սակագնով` ԵՏՄ–ի շրջանակում
Հայաստանը կարող է գազ և էլեկտրաէներգիա ստանալ ավելի շահավետ` ԵՏՄ–ի ներքին սակագներով:
20:14
13 Հուլիսի 2017
Հայկական «ArCa» քարտերն արդեն սպասարկվում են Ռուսաստանում
2017 թվականի հուլիսից մեկնարկել է Ռուսաստանում «ArCa» հայկական քարտերի և Հայաստանում «МИР» ռուսաստանյան քարտերի սպասարկումը։
20:45
03 Հուլիսի 2017
Fitch–ը հաստատել է Հայաստանի վարկանիշը «B+» մակարդակում
Fitch Ratings միջազգային վարկանշային գործակալությունը հաստատել է Հայաստանի վարկանիշերը «В+» մակարդակում։
20:43
16 Հունիսի 2017
ՀՀ ֆինանսների նախարարն աշխատավարձի կեսը ծախսել է առցանց գնումների վրա
ՀՀ ֆինանսների նախարար Վարդան Արամյանն աշխատավարձի կեսը ծախսել է առցանց գնումների վրա:
17:42
27 Ապրիլի 2017
ՊԵԿ. տոնավաճառներում իրականացված ստուգումները նախազգուշական բնույթ են կրել, ոչ ոք չի տուգանվել
Տոնավաճառներում ՊԵԿ-ի կողմից իրականացվող վերահսկողական աշխատանքները կրել են զուտ նախազգուշական բնույթ և մինչ օրս որևէ տնտեսվարող չի տուգանվել։
11:11
20 Ապրիլի 2017
Forbes. յոթ հայ ներառվել է Ռուսաստանի ամենահարուստ մարդկանց ցանկում
Forbes–ի ռուսական խմբագրությունը հինգշաբթի հրապարակել է Ռուսաստանի 200 ամենահարուստ ձեռներեցների 14–րդ վարկանիշը, որտեղ ներառվել է հայազգի 7 գործարար։
16:24
31 Մարտի 2017
Հայաստանում դեղագործական գործարան կբացվի
Հայաստանում կբացվի 1,5 մլն դոլար արժողությամբ «Թուֆենքչի գրուպ» գործարանը։