482.25
+0.32
566.07
-3.09
8.39
+0.02
+17
Եղանակը Երևանում
Հայ
Հայաստանի ԱԳ նախարարը պատմական է համարում Եվրոպական Նոր հարևանության քաղաքականության (ՆՀՔ) անցման ԵՄ-ի որոշումը
11:25
04 Սեպտեմբերի 2007

Հայաստանի ԱԳ նախարար Վարդան Օսկանյանը պատմական է համարում Եվրոպական Նոր հարևանության քաղաքականության (ՆՀՔ )անցման Եվրամիության որոշումը։

«ԵՄ-ն, հանուն սեփական և մեր շահերի, պատմական որոշում կայացրեց ներգրավվելու իր հարևաններին` կիսելու իր արժեքները, կրկնօրինակելու իր տնտեսական հաջողությունները և ներդաշնակվելու իր ժողովրդավարական չափորոշիչներին», - ասել է Վ. Օսկանյանը՝ ելույթ ունենալով Բրյուսելում տեղի ունեցող Եվրոպական Միության և ԵՄ Նոր հարևանության քաղաքականության (ՆՀՔ) անդամ երկրների ԱԳ նախարարների հանդիպման ժամանակ։

Վ. Օսկանյանը նշել է, որ, ողջունելով այս նախաձեռնությունը, Հայաստանը ընդունել է Եվրոպական հարևանության քաղաքականությունը:

«Գործողությունների ծրագրերը նախապատրաստելիս մենք վերլուծեցինք, գնահատեցինք և հանրագումարի բերեցինք մեր ձեռքբերումներն ու կարիքները: Արդեն իսկ առաջին տարվա ընթացքում ԳԾ մեզ հնարավորություն ընձեռեց և ուղեցույց հանդիսացավ առավել ակտիվ կերպով շարունակել քաղաքական, տնտեսական և կառուցվածքային բարեփոխումները», - մեջբերեցեին Վ. Օսկանյանի խոսքերը «Նովոստի-Արմենիա» գործակալությանը Հայաստանի ԱԳՆ մամուլի և տեղեկատվության վարչությունից։

Հայաստանի ԱԳ նախարարի խոսքերով, տարածաշրջանային հակամարտությունների վերաբերյալ ԳԾ-ներում ընդգրկված դրույթները պարունակում են կարգավորման մի ընդհանուր տեսլական: «Այն ունի ինտեգրացիոն կոնտեքստ, որ նորովի հայացքով է նայում կարգավորման գործընթացին», - ասել է ԱԳ նախարարը։

«Տնտեսական բազմաբնույթ և տարամակարդակ ինտեգրման հնարավորություններ է ընձեռում մեր օրենսդրության, իրավական նորմերի և չափորոշիչների ուղղորդված և արագացված համապատասխանեցումը ԵՄ-ի չափանիշներին: Շուտով մենք կսկսենք բաժնեմասեր ունենալ եվրոպական շուկաներում, իսկ Եվրոպան` մեր շուկայում», - նշել է Վ. Օսկանյանը։ Նրա խոսքերով, սա է տարբերությունը Եվրոպական հարևանության քաղաքականության և այն ամենի միջև, ինչ Հայաստանը արել է ԵՄ-ի հետ անցումային շրջանի ավելի քան մեկ տասնամյակի ընթացքում։

Հայաստանի ԱԳ նախարարը ընդգծել է, որ Եվրոպական հարևանության քաղաքականության շրջանակում ինտեգրացիոն բաղադրիչներն ավելի մեծ են, ուստի Հայաստանի  հարաբերություններն ԵՄ-ի հետ այսօր որակապես տարբերվում են։

«Նոր ֆինանսական ռեսուրսները, խորացված տնտեսական ինտեգրումը, կրթական հնարավորությունները և վիզաների տրամադրման դյուրացումը նոր հնարավորություններ կբացեն առաջընթացի համար», - կարծում է Հայաստանի ԱԳ նախարարը։

Համաժողովի շրաջանակում նախարար Օսկանյանը երկկողմ հանդիպումներ ունեցավ Թունիսի, Էստոնիայի, Կիպրոսի, Չեխիայի ԱԳ նախարարների հետ:

Համաժողովի նախօրեին Լեհաստանի և Լիտվայի ԱԳ նախարարների նախաձեռնությամբ տեղի ունեցավ ԵՄ-ին վերջին տարիներին անդամակցած Արևելյան Եվրոպայի երկրների և Հարավային Կովկասի արտգործնախարարների հանդիպումը: Հանդիպմանը մասնակցում էին Բալթյան երկրների, Լեհաստանի, Չեխիայի, Վրաստանի, Ադրբեջանի և Հայաստանի ԱԳ նախարարները: Տեղի ունեցավ մտքերի փոխանակում ԵՄ ՆՀՔ իրագործման ընթացքի, տարածաշրջանային համագործակցության ծրագրերի, ԵՄ-Հարավային Կովկասի երկրների հետ համագործակցությանը Արևելյան Եվրոպայի երկրների աջակցության հնարավորությունների վերաբերյալ:

Հայաստանի ԱԳ նախարար Վարդան Օսկանյանը մասնակցում է Եվրոպական Միության և ԵՄ Նոր հարևանության քաղաքականության (ՆՀՔ) անդամ երկրների ԱԳ նախարարների հանդիպմանը՝ Եվրոպական Հանձնաժողովի արտաքին հարաբերությունների ու ընդլայնման հարցերով հանձնակատար Բենիտա Ֆերերո-Վալդների հրավերով։ Հանդիպմանը ներկա են 16 երկրների ԱԳ նախարարներ։

Հանդիպման նպատակը ԵՄ Նոր հարևանության քաղաքականության մեջ մտած երկրների միջև հարաբերությունների զարգացումն է առևտրի ազատականացման, կլիմայի փոփոխությունների և էներգետիկ անվտանգության մարտահրավերների բնագավառներում:

Բրյուսելում գտնվելու ընթացքում, սեպտեմբերի 4-ին նախատեսված է ՀՀ ԱԳ նախարարի հանդիպումը ՆԱՏՕ-ի գլխավոր քարտուղար Յաապ դե Հոոպ Սխեֆերի հետ։

2004-ի հունիսի 14-ին Լյուքսեմբուրգում ԵՄ ընդհանուր հարցերի և արտաքին հարաբերությունների խորհուրդը «Հարևանության եվրոպական նախաձեռնությունը» Հայաստանի, Ադրբեջանի և Վրաստանի վրա տարածելու որոշում է ընդունել։  Խորհուրդը Եվրոհանձնաժողովին կոչ է արել ներկայացնել առանձին զեկույց քաղաքական համագործակցությանը, արտաքին քաղաքականությանը և անվտանգությանն առնչվող յուրաքանչյուր երկրի վերաբերյալ՝ նկատի ունենալով քաղաքական և տնտեսական բարեփոխումների առաջընթացը։ «Նոր հարևանություն» ծրագրով Հայաստանի անհատական գործողությունների ծրագիրը ստորագրվել է 2006-ի նոյեմբերի 14-ին։--0—

Loading...
Թեմատիկ նյութեր
Բաժնի այլ նյութեր
16:42
19 Հոկտեմբերի 2017
Հայաստանն ու Ռուսաստանը միջազգային ավտոհաղորդակցություն կհաստատեն
Հայաստանի կառավարությունը հավանություն է տվել Ռուսաստանի հետ միջազգային ավտոմոբիլային հաղորդակցության միջկառավարական համաձայնագրին։
14:40
18 Հոկտեմբերի 2017
Սուրեն Կարայան. 2017 թ.–ի առաջին կիսամյակում արտահանման աճ է գրանցվել ինչպես դեպի ԵՏՄ, այնպես էլ դեպի ԵՄ
ՀՀ տնտեսական զարգացման և ներդրումների նախարարն ամփոփեց 2017-ի առաջին կիսամյակի արդյունքները։
19:50
12 Հոկտեմբերի 2017
«Վնեշէկոնոմբանկ»-ը և Հայաստանն ընդլայնում են գործակցությունը
Հայաստանի հետ «Վնեշէկոնոմբանկ»–ի գործակցության ընդլայնման հարցերն են քննարկվել հինգշաբթի:
18:27
11 Հոկտեմբերի 2017
Գյուղատնտեսության նախարարը կոչ է արել գների փոփոխման պատճառով երկրում խուճապի մթնոլորտ չստեղծել
Հայաստանի գյուղատնտեսության նախարար Իգնատի Առաքելյանը մսամթերքի գներից դժգոհներին առաջարկել է, որ իրենք զբաղվեն դրա արտադրությամբ։

19:34
10 Հոկտեմբերի 2017
ՀՀ վարչապետ. իրանական գործընկերների հետ պայմանավորվել ենք «ռեստարտ» տալ մեր հարաբերություններին
ՀՀ վարչապետի խոսքով, իրանցի գործընկերների հետ համաձայնություն է ձեռք բերվել հարաբերությունների «ռեստարտի» մասին։
15:01
09 Հոկտեմբերի 2017
Մոսկովյան բորսան նախատեսում է հայկական դրամով առուվաճառք կազմակերպել
Մոսկվայի բորսան նախատեսում է հայկական դրամով առուվաճառք կազմակերպել։
13:54
09 Հոկտեմբերի 2017
ՎՏԲ-Հայաստան Բանկը և Mastercard-ը հայտարարել են #երբշահումես ակցիայի հաղթողներին
ՎՏԲ–Հայաստան Բանկը և Mastercard միջազգային վճարային համակարգը ամփոփեցին #երբշահումես համատեղ ակցիայի արդյունքները։
16:18
28 Սեպտեմբերի 2017
Հայաստանի կառավարությունը հավանություն տվեց 2018 թ. պետբյուժեի նախագծին. ծախսերը կավելանան
Հայաստանի կառավարությունը հինգշաբթի կայացած նիստում հավանություն է տվել 2018 թ.–ի պետբյուժեի նախագծին։  
13:06
28 Սեպտեմբերի 2017
ՀՀ–ում տնտեսական աճը 2018 թ.–ի արդյունքում նախատեսված է 4,5%–ի չափով. ֆինանսների նախարար
ՀՀ–ում տնտեսական աճը 2018 թ.–ի արդյունքում նախատեսված է 4,5%–ի չափով:
11:19
27 Սեպտեմբերի 2017
Հայաստանում նոր թանկացումներ են սպասվում. թանկանալու են առաջին անհրաժեշտության մի շարք ապրանքներ
Թանկանալու են առաջին անհրաժեշտության մի շարք ապրանքներ՝ կարագ, շաքարավազ, սուրճ, միս, կակաո և այլն։
18:21
26 Սեպտեմբերի 2017
ՀՀ տրանսպորտի նախարարությունը ներկայացրել է Վերին Լարսին այլընտրանքային տարբերակներ
Բանակցություններ են տարվում «Վերին Լարս» անցակետի անխափան աշխատանքն ապահովելու շուրջ։
10:51
26 Սեպտեմբերի 2017
Սամվել Ճզմաչյանը լքել է Հայաստանի բանկերի միության ղելավարի պաշտոնը
44–ամյա ստաժով բանկիր Սամվել Ճզմաչյանը լքել է Հայաստանի բանկերի միության նախագահի պաշտոնը: