482.74
-0.81
570.65
+2.43
8.24
+0.06
-1
Եղանակը Երևանում
Հայ
ՎՏԲ բանկը ռուբլով վարկեր կառաջարկի հայ արտադրողներին
16:21
07 Օգոստոսի 2015

ԵՐԵՎԱՆ, 7 օգոստոսի. /Նովոստի–Արմենիա/. ՎՏԲ բանկը պատրաստվում է հայ արտադրողներին առաջարկել, որ նրանք անցնեն ռուբլով վարկերի, լրագրողներին ասաց ՎՏԲ բանկի վարչության նախագահի տեղակալ Միխայիլ Օսեևսկին։

«Մենք տեսնում ենք, որ ազգային արժույթները թուլանում են, ինչը բնորոշ է զարգացող բոլոր շուկաներին։ Իհարկե, բավականին ուժեղ ազդեցություն են գործում ԱՄՆ–ում տեղի ունեցող գործընթացները, մասնավորապես` հաշվարկային դրույքի բարձրացման սպասումը, որտեղ դոլարն ու նրա գործիքները ներկայացվում են ավելի գրավիչ տեսանկյունից, և մենք, իհարկե, սպասում ենք ազգային արժույթների հետագա թուլացում, ինչի պատճառով պետք է կատարենք համապատասխան փոփոխություններ», – ասաց Օսեևսկին։

Նրա խոսքով` հենց այդ պատճառով Հայաստանի Կենտրոնական բանկի և կառավարության ղեկավարության հետ քննարկվել են համագործակցության մասին նոր մոտեցումներ։

«Այստեղ հիմնական կարևոր գործոնը հայ արտադրողներին աջակցելն է, ովքեր Ռուսաստանում վաճառում են սեփական ապրանքներն ու ծառայությունները։ Սա գլխավոր տնտեսական և քաղաքական խնդիրն է ԵՏՄ–ի շրջանակում, որը մենք պետք է լուծենք», – ընդգծեց Օսեևսկին, հաղորդում է «ԱՌԿԱ» գործակալությունը։

«Հաշվի առնելով տատանումների հետ կապված բարդ իրավիճակը` մենք հայ արտադրողներին կառաջարկենք անցնել ռուբլով վարկերի, ինչը կօգնի նվազեցնել արժութային ռիսկերը։ Այսօր մենք տեսնում ենք, որ իրավիճակի կառավարումը բարդացել է, այն պայմաններում, երբ վարկերը տրամադրվում են դոլարով, ինքնարժեքը մնում է դրամով, իսկ վաճառքը Ռուսաստանում իրականացվում է ռուբլով։ Հենց այդ պատճառով մենք կառաջարկենք մեր հաճախորդներին անցնել ռուբլով ուղիղ վարկավորման` ռիսկերը նվազեցնելու համար», – ավելացրեց նա։

Նրա խոսքով` այսօր ֆորմալ տեսակետից ՎՏԲ–ն կարող է վարկավորել ազգային ընկերություններն ինչպես Հայաստանում գործող դուստր բանկի միջոցով, այնպես էլ ուղիղ Ռուսաստանից։

«Մեզ համար կարևոր չէ, թե որտեղ կտանք վարկը` Մոսկվայում, թե այստեղ` Երևանում, գլխավորն այն է, որ հանվեն խաչաձև սահմանային արժութային ռիսկերը», – ասաց Օսեևսկին։

«Այսօր մենք Ռուսաստանում գործող ընկերությունները վարկավորում ենք ռուբլով 14–15 տոկոսով, ինչը բավականին հարմար է։ Այդ պատճառով հուսով եմ, որ նման պրակտիկա կսկսի ձևավորվել նաև այստեղ` Հայաստանում», – ավելացրեց նա։

Օսեևսկու խոսքով` երկրորդ կարևոր ուղղությունը ներդրումային նախագծերի ֆինանսավորումն է։

«Ճիշտ ենք համարում բանկի կողմից վերջին մի քանի տարվա ընթացքում իրականացրած քաղաքականությունը, որը վերաբերում է հիմնական կապիտալում արվող ներդրումներին աջակցելուն։ Հայաստանում դա առանցքային դերակատարություն ունի բիզնեսի մրցունակության զարգացման գործում», – ընդգծեց բանկի փոխնախագահը։

Նա ավելացրեց, որ այստեղ ՎՏԲ–ն կցանկանար կիրառել վերջերս ձևավորված պրակտիկան։

«Մենք նաև օգտագործել ենք մի շարք եվրոպական արտահանման–վարկային գործակալությունների ներուժը, որը վերաբերում է ներդրումների աջակցությանն ու առաջին հերթին սննդամթերքի արտադրության հատվածներում ռուսական կողմի հնարավորություններին։ Վերջին տարիներին ակտիվորեն զբաղվել ենք ջերմոցային բիզնեսի ֆինանսավորմամբ` հաշվի առնելով այն սահմանափակումները, որոնք առաջացել են Ռուսաստան սննդամթերքի մատակարարման կապակցությամբ», – տեղեկացրեց Օսեևսկին։

Նա ավելացրեց, որ բանկն, անխոս, կաջակցի ռուսական ընկերությունների բիզնեսին, որոնք նպատակ ունեն աշխատել Հայաստանում, առաջին հերթին նրանք, ովքեր զբաղվում են լեռնարդյունաբերությամբ և վերամշակմամբ։

«Մենք այս մոտեցումները քննարկել ենք ԿԲ–ի և կառավարության ներկայացուցիչների հետ։ Սեպտեմբերին պարտադիր խորհրդի ժամանակ պետք է ներկայացնենք Հայաստանի բանկի և ՎՏԲ խմբի գործունեության ռազմավարությունը։ Հուսով եմ, որ այն կարժանանա աջակցության և կզարգանա , – ասաց Օսեևսկին` հիշեցնելով, որ Խորհուրդը կգլխավորի ՌԴ տնտեսական զարգացման նախարար Ալեքսեյ Ուլյուկաևը։

Բացի տնտեսությունից, բանկը տեսնում է նաև Եվրասիական միության մեխանիզմների և գործիքների զարգացման քաղաքական խնդիրը։

«Այդ պատճառով մտադիր ենք մեր մոտեցումները քննարկել նաև ԵՏՀ–ի հետ», – ասաց Օսեևսկին։ –0–

Loading...
Թեմատիկ նյութեր
Բաժնի այլ նյութեր
13:04
14 Դեկտեմբերի 2017
ՎՏԲ-Հայաստան Բանկը մեկնարկել է Mastercard PayPass ոչ կոնտակտային քարտերի սպասարկումը առևտրային կետերում
2018 թ. սկզբին ՎՏԲ-Հայաստան Բանկի բոլոր առևտրային կետերը կհագեցվեն սարքերով, որոնք ընդունում են MasterCard PayPass ոչ կոնտակտային քարտեր:
12:51
13 Դեկտեմբերի 2017
Հայաստանում Ամանորից առաջ թանկացած մթերքների տասնյակը
Հայաստանում արդեն մի քանի շաբաթ բուռն կերպով քննարկվում է լայն սպառման ապրանքների թանկացումը։
10:41
13 Դեկտեմբերի 2017
Հայաստանում նոր թանկացումներ են սպասվում
Հայաստանում հունվարի 1–ից նոր թանկացումներ են սպասվում։
15:04
05 Դեկտեմբերի 2017
ՎՏԲ-Հայաստան Բանկը թոշակառուներին վարկային պրոդուկտ է առաջարկում
ՎՏԲ-Հայաստան Բանկը հատուկ կենսաթոշակային տարիքի անձանց համար ներդրել է «Վարկային գիծ թոշակառուներին» նոր վարկատեսակը։
16:21
30 Նոյեմբերի 2017
ՎՏԲ-Հայաստան Բանկը հանդես է գալիս նոր առաջարկով պրեմիում դասի հաճախորդների համար
ՎՏԲ-Հայաստան Բանկը գործարկում է Visa Platinum պրեմիում քարտերի հիմքի վրա նոր՝ «Արտոնյալ» փաթեթային առաջարկը։
12:20
29 Նոյեմբերի 2017
Իրանի հետ սահմանին գտնվող «Մեղրի» ԱՏԳ–ն կսկսի գործել դեկտեմբերի 15-ից
«Մեղրի» ԱՏԳ–ի առաջին փուլի բացումը նախատեսվում է դեկտեմբերի 15-ին։
17:33
27 Նոյեմբերի 2017
ՎՏԲ-Հայաստան Բանկը արժանացել է STP Award 2016 մրցանակի
ՎՏԲ-Հայաստան Բանկին շնորհվել է STP Award 2016 մրցանակ Citibank խոշորագույն միջազգային բանկի կողմից:
16:04
24 Նոյեմբերի 2017
ՎՏԲ-Հայաստան Բանկը և Visa ընկերության ակցիայի հաղթողները կուղևորվեն Փարիզի Դիսնեյլենդ
Ակցիայի ավարտից հետո 100 ամենաակտիվ մասնակիցների միջև կխաղարկվեն մրցանակներ։
18:29
09 Նոյեմբերի 2017
ՎՏԲ-Հայաստան Բանկը` «ՀՀ բանկեր, ներդրումային և վարկային կազմակերպություններ» ցուցահանդեսի մասնակից
ՎՏԲ-Հայաստան Բանկը մասնակցեց Երևանի քաղաքապետարանի աջակցությամբ «Նուռ  Էքսպո» ընկերության կազմակերպած «ՀՀ բանկեր, ներդրումային և վարկային կազմակերպություններ» ցուցահանդեսին։
15:50
09 Նոյեմբերի 2017
ՀՀ կառավարությունը ջանքեր է գործադրում իրականացնելու երկաթուղու կառուցումը «ՌԱՍԻԱ ՖԶԷ»-ից անկախ
ՀՀ կառավարությունը համբերատար է գտնվել «ՌԱՍԻԱ ՖԶԷ»-ի նկատմամբ, սակայն նրա կողմից շարունակաբար խախտվել են պայմանագրով սահմանված և՛ վերջնաժամկետները, և՛ մյուս պարտավորությունների կատարումը։
10:47
09 Նոյեմբերի 2017
2018 թ.–ին համատարած թանկացումներ են սպասվում
2018 թ.–ին Հայաստանում համատարած թանկացումներ են սպասվում։
14:59
06 Նոյեմբերի 2017
«Գազպրոմ Արմենիան» կրկին գլխավորում է Հայաստանի խոշոր հարկատուների ցանկը
2017 թ.–ի 9 ամսում ընկերությունը պետակա բյուջե է վճարել ավելի քան 32,2 մլրդ դրամ: