481.73
+0.23
568.97
+3.45
8.37
-0.02
+8
Եղանակը Երևանում
Հայ
Ռուսաստանի քաղաքացիների վարկավորվածության մակարդակը շատ բարձր է. ֆինանսական հաշտարար
18:16
19 Մայիսի 2015

ԵՐԵՎԱՆ, 19 մայիսի. /Նովոստի–Արմենիա/. Ռուսաստանի քաղաքացիների վարկավորվածության մակարդակը շատ բարձր է, Երևանում անցկացվող «Ֆինանսական օմբուդսմենի ինստիտուտը. հասարակության վստահության ամրապնդումն ու ֆինանսական միջնորդության ընդլայնումը» թեմայով 6–րդ միջազգային համաժողովի ընթացքում ասաց Ռուսաստանի ֆինանսական հաշտարար Պավել Մեդվեդևը։

Նրա խոսքով` ֆինանսական հաշտարարի համակարգի ներդրումից հետո, որն ամբողջովին վերցված էր Հայաստանից, ռուսական տարբերակը ենթարկվեց լուրջ շտկումների, քանի որ բողոքների հիմնական հոսքն անդրադառնում էր վարկերի կառուցվածքի փոփոխությանը։

Նա նշեց, որ վարկի կառուցվածքի փոփոխության մասին դիմումները հանդիպում են 5–10 անգամ ավելի հաճախ, քան մյուս բոլոր հայցերը, միաժամանակ դիմումների որակը վատացել է։ Եթե ավելի վաղ գործնականում չէին հանդիպում երկու բանկերում վարկ ունեցողներ, ապա այժմ բանկերի թիվը հասնում է հինգի։ 

«Ռեկորդը 26 ֆինանսական կազմակերպությունների 46 վարկերն են, և սա Ռուսաստանի քաղաքացիների չարիքն է, ովքեր մի պարտքը մարելու համար վերցնում են մյուսը և արդյունքում չեն կարողանում ամբողջությամբ վճարել, ավելանում է բնակչության վարկավորվածության խնդիրը», – Մեդվեդևի խոսքն է մեջբերում «ԱՌԿԱ» գործակալությունը։

Այս պահին, նրա խոսքով, խնդիրը փորձում են լուծել օրենսդրական մակարդակում ֆիզիկական անձանց սնանկության մասին նոր օրենքի միջոցով, որը նախատեսում է կառուցվածքի փոփոխություն և ֆիզիկական անձանց սնանկության ընթացակարգ, եթե քաղաքացին պարտք է 500 հազար ռուբլուց ավել (մոտ 10 հազար դոլար)։

«Ենթադրվում է, որ այս օրենքին կառնչվի մոտ 300 հազար ռուսաստանցի, իսկ մնացածները, որոնց պարտքերն ավելի քիչ են, պետք է խնդիրները լուծեն ֆինանսական օմբուդսմենի միջոցով», – ասաց Մեդվեդևը։

Նա նշեց, որ Ռուսաստանում հիմա կա մոտ 80 մլն գործող վարկ, բնակչության թիվը 146 միլիոն է, որոնցից աշխատունակների թիվը 70 միլիոն է կազմում։

«Ստացվում է, որ տրամադրվել է աշխատունակ մարդկանց թվից ավելի շատ վարկ։ 40 միլիոն քաղաքացիներ ունեն գործող վարկեր, և ստացվում է, որ յուրաքանչյուր քաղաքացի ունի երկու վարկ։ Միաժամանակ նրանցից 8 միլիոնը ժամանակին չի վճարել գոնե մեկ անգամ, իսկ 4 միլիոնն այնքան ժամանակ չի վճարել, որ հատուկ միջոցների բացակայության դեպքում նրանք չեն կարող վերականգնել իրենց վճարունակությունը», – ասաց Մեդվեդևը։

Նրա խոսքով` մոտ 300 հազար մարդ ունի մեծ պարտքեր, որոնք շտապ լուծման կարիք ունեն, իսկ 4 միլիոն մարդկանց պարտքերը այդքան էլ մեծ չեն, սակայն դրանք ևս շտապ լուծման կարիք ունեն։

Ինչպես նշեց ֆինանսական օմբուդսմենը, առաջարկված փոփոխությունների համաձայն` վարկերի կառուցվածքի փոփոխությունը կլինի ոչ պարտադիր, սակայն եթե բանկերը համաձայնվեն, ապա ԿԲ–ն փոխված վարկը կհամարի լավը և ճիշտ սպասարկման դեպքում դրա հարցում հարկ չի լինի պաշարներ ստեղծել։ –0–


 

Loading...
Թեմատիկ նյութեր
Բաժնի այլ նյութեր
16:42
19 Հոկտեմբերի 2017
Հայաստանն ու Ռուսաստանը միջազգային ավտոհաղորդակցություն կհաստատեն
Հայաստանի կառավարությունը հավանություն է տվել Ռուսաստանի հետ միջազգային ավտոմոբիլային հաղորդակցության միջկառավարական համաձայնագրին։
14:40
18 Հոկտեմբերի 2017
Սուրեն Կարայան. 2017 թ.–ի առաջին կիսամյակում արտահանման աճ է գրանցվել ինչպես դեպի ԵՏՄ, այնպես էլ դեպի ԵՄ
ՀՀ տնտեսական զարգացման և ներդրումների նախարարն ամփոփեց 2017-ի առաջին կիսամյակի արդյունքները։
19:50
12 Հոկտեմբերի 2017
«Վնեշէկոնոմբանկ»-ը և Հայաստանն ընդլայնում են գործակցությունը
Հայաստանի հետ «Վնեշէկոնոմբանկ»–ի գործակցության ընդլայնման հարցերն են քննարկվել հինգշաբթի:
18:27
11 Հոկտեմբերի 2017
Գյուղատնտեսության նախարարը կոչ է արել գների փոփոխման պատճառով երկրում խուճապի մթնոլորտ չստեղծել
Հայաստանի գյուղատնտեսության նախարար Իգնատի Առաքելյանը մսամթերքի գներից դժգոհներին առաջարկել է, որ իրենք զբաղվեն դրա արտադրությամբ։

19:34
10 Հոկտեմբերի 2017
ՀՀ վարչապետ. իրանական գործընկերների հետ պայմանավորվել ենք «ռեստարտ» տալ մեր հարաբերություններին
ՀՀ վարչապետի խոսքով, իրանցի գործընկերների հետ համաձայնություն է ձեռք բերվել հարաբերությունների «ռեստարտի» մասին։
15:01
09 Հոկտեմբերի 2017
Մոսկովյան բորսան նախատեսում է հայկական դրամով առուվաճառք կազմակերպել
Մոսկվայի բորսան նախատեսում է հայկական դրամով առուվաճառք կազմակերպել։
13:54
09 Հոկտեմբերի 2017
ՎՏԲ-Հայաստան Բանկը և Mastercard-ը հայտարարել են #երբշահումես ակցիայի հաղթողներին
ՎՏԲ–Հայաստան Բանկը և Mastercard միջազգային վճարային համակարգը ամփոփեցին #երբշահումես համատեղ ակցիայի արդյունքները։
16:18
28 Սեպտեմբերի 2017
Հայաստանի կառավարությունը հավանություն տվեց 2018 թ. պետբյուժեի նախագծին. ծախսերը կավելանան
Հայաստանի կառավարությունը հինգշաբթի կայացած նիստում հավանություն է տվել 2018 թ.–ի պետբյուժեի նախագծին։  
13:06
28 Սեպտեմբերի 2017
ՀՀ–ում տնտեսական աճը 2018 թ.–ի արդյունքում նախատեսված է 4,5%–ի չափով. ֆինանսների նախարար
ՀՀ–ում տնտեսական աճը 2018 թ.–ի արդյունքում նախատեսված է 4,5%–ի չափով:
11:19
27 Սեպտեմբերի 2017
Հայաստանում նոր թանկացումներ են սպասվում. թանկանալու են առաջին անհրաժեշտության մի շարք ապրանքներ
Թանկանալու են առաջին անհրաժեշտության մի շարք ապրանքներ՝ կարագ, շաքարավազ, սուրճ, միս, կակաո և այլն։
18:21
26 Սեպտեմբերի 2017
ՀՀ տրանսպորտի նախարարությունը ներկայացրել է Վերին Լարսին այլընտրանքային տարբերակներ
Բանակցություններ են տարվում «Վերին Լարս» անցակետի անխափան աշխատանքն ապահովելու շուրջ։
10:51
26 Սեպտեմբերի 2017
Սամվել Ճզմաչյանը լքել է Հայաստանի բանկերի միության ղելավարի պաշտոնը
44–ամյա ստաժով բանկիր Սամվել Ճզմաչյանը լքել է Հայաստանի բանկերի միության նախագահի պաշտոնը: