486.74
+0.05
517.99
+0.2
8.43
-0.08
-12
Եղանակը Երևանում
Հայ
Հայաստանի և ԱՄՆ-ի ստորագրած համաձայնագիրը հնարավոր չէ որպես Ռուսաստանի դեմ ուղղված քայլ դիտարկել. փորձագետ
21:34
08 Մայիսի 2015

ԵՐԵՎԱՆ, 8 մայիսի. /Նովոստի–Արմենիա/. Հայաստանի և ԱՄՆ-ի միջև ստորագրված համաձայնագիրը հնարավոր չէ դիտարկել որպես Ռուսաստանի դեմ ուղղված քայլ, «Sputnik-Արմենիա» ռադիոկայանի եթերում ասել է քաղաքական վերլուծաբան Մովսես Դեմիրճյանը։

Վաշինգտոնում գտնվող ԱԳ նախարար Էդվարդ Նալբանդյանն ու ԱՄՆ առևտրի ներկայացուցչի տեղակալ Դեն Մուլանին՝ ՀՀ նախագահ Սերժ Սարգսյանի ներկայությամբ, մայիսի 7–ին ստորագրել են Հայաստանի Հանրապետության և Ամերիկայի Միացյալ Նահանգների միջև Առևտրի և ներդրումների շրջանակային համաձայնագիրը։ Փաստաթղթի համաձայն, Հայաստանը և Միացյալ Նահանգները հավաստում են իրենց մտադրությունը՝ ստեղծելու բարենպաստ պայմաններ ներդրումների և երկու երկրների միջև ապրանքաշրջանառության, առևտրի խրախուսման համար։ Նախատեսվում է ձևավորել Առևտրի և ներդրումների հայ-ամերիկյան խորհուրդ, որի հանդիպումներն անցկացվելու են առնվազն տարին մեկ անգամ։ Խորհրդի նպատակն է բացահայտել երկկողմ ներդրումների և առևտրի նոր ոլորտներն ու աշխատանքներ տանել դրանց զարգացման ու այդ ճանապարհին հնարավոր խոչընդոտների վերացման ուղղությամբ։

Դեմիրճյանի խոսքով` Եվրասիական տնտեսական միությանն անդամակցելու պայմանագիրը ստորագրելու ժամանակ էլ հայտնի էր, որ Հայաստանը շարունակելու է հարաբերություններն Արևմուտքի  հետ:

Նա նշել է, որ գլոբալացվող աշխարհը շատ լավ հասկանում է, որ իրական գործընթացները պետք է առաջ շարժվեն համագործակցության, այլ ոչ թե համագործակցությունը մերժելու սկզբունքով։

«Համաձայնագիրը վկայում է, որ ԱՄՆ–ն Հայաստանին տեսնում է որպես գործընկեր, որի հետ կարող է երկարաժամկետ ծրագրեր իրականացնել, ինչը շատ լավ է Հայաստանի համար: Այսինքն`այն մտավախությունները, որ Արևմուտքն առհասարակ Հայաստանից երես կթեքի, իրականում այդպես չէ»,-վստահեցրել է վերլուծաբանը: 

Այնուհանդերձ, նա չի բացառել, որ Հայաստանը, առավել ինտեգրվելով ԵՏՄ–ի շրջանակում և խորացնելով  համագործակցությունը, Արևմուտքի հետ զուտ տնտեսական բնույթի որոշակի խնդիրներ ունենա, «ինչը, սակայն, ապագայի հարց է»։

«ԵՏՄ–ի շրջանակում այդպիսի հստակ քաղաքականություն չկա, որ պետությունները պարտավոր են այսինչ երկրների հետ ունենալ կամ չունենալ հարաբերություն կամ խզել հարաբերությունները։ Նման քաղաքական բնույթի պարտավորություններ չունի ԵՏՄ-ն, ինչը նշանակում է, որ երկրներն ազատ են համագործակցության առումով», – ասել է Դեմիրճյանը։

Նա նաև նշել է, որ ԵՏՄ–ին անդամակցելուց հետո Հայաստանի արտաքին քաղաքականության մեջ շատ բան չի  փոխվել։ Փոխվել է տնտեսական բաղադրիչը, բայց  քաղաքական գործակցությունը թե՛ Ռուսաստանի, թե՛ ԱՊՀ  երկրների, թե՛ Եվրոպայի ու ԱՄՆ-ի հետ, ըստ էության, չի փոխվել:

Հայաստանը 2015թ.–ի հունվարի 2–ից ԵՏՄ լիիրավ անդամ է դարձել։ –0–

Loading...
Թեմատիկ նյութեր
Բաժնի այլ նյութեր
11:18
16 Փետրվարի 2017
ՊԵԿ–ի ուշադրության կենտրոնում են հայտնվել սուպերմարկետները
Վերջերս ՊԵԿ-ի ուշադրության կենտրոնում են հայտնվել սուպերմարկետները, որտեղ գերատեսչությունը սկսել է ստուգումներ անցկացնել։
15:06
14 Փետրվարի 2017
Հայաստանի և Ֆրանսիայի նախագահները համատեղ ծրագրեր կքննարկեն
Հայաստանի և Ֆրանսիայի նախագահներ Սերժ Սարգսյանը և Ֆրանսուա Օլանդը մարտի 8-ին կքննարկեն համատեղ ծրագրերը։
12:20
27 Հունվարի 2017
Հարկային մարմինները կալանք են դրել «Աշտարակ կաթի» արտադրանքի վրա
Կաթնամթերքի արտադրությամբ զբաղվող «Աշտարակ կաթ» ընկերությունում առկա խնդիրները դեռ չեն լուծվել:
16:12
26 Հունվարի 2017
Forbes–ը ներառել է Սամվել Կարապետյանին ռուսական անշարժ գույքի «արքաների» ցանկում
Forbes–ը ռուսաստանաբնակ հայազգի ձեռներեց Սամվել Կարապետյանին ներառել է ՌԴ անշարժ գույքի շուկայի առաջատարների ցանկում։
17:52
24 Հունվարի 2017
Հայաստան ռուսական գազի մատակարարումը 2016 թ.-ին նվազել է 2,6 տոկոսով` կազմելով 1,87 մլրդ խորանարդ մետր
Հայաստան ռուսական գազի մատակարարումը 2016 թ.-ին նվազել է մինչև 1,87 մլրդ խորանարդ մետր` 2015 թ.-ի 1,92 մլրդ խորանարդ մետրի համեմատ:
21:03
23 Հունվարի 2017
Հայաստանը ժամանակավորապես արգելել է թռչնամթերքի ներկրումն Իրանի վեց նահանգներից
ՀՀ ԳՆ սննդամթերքի անվտանգության պետական ծառայությունը ժամանակավորապես արգելել է բոլոր տեսակի թռչնամթերքի ներկրումը երկիր Իրանի Իսլամական Հանրապետությունից:
13:15
21 Հունվարի 2017
Հայաստանում գործունեության մի շարք տեսակներ ազատվում են հարկերից
«Նովոստի–Արմենիա» գործակալությունը ներկայացնում է գործունեության այն տեսակները, ինչպես նաև այն պայմանները, որոնց դեպքում գործում են հարկային արտոնությունները։
12:00
21 Հունվարի 2017
ԶԼՄ–ները հաղորդում են Երևանում երկու «SAS» սուպերմարկետների փակման մասին, ՊԵԿ–ը ներկայացնում է սուղ մեկնաբանություններ
«Նովոստի–Արմենիա» գործակալությունն այս հարցով դիմել է գերատեսչություն` պարզաբանում ստանալու նպատակով։

12:25
17 Հունվարի 2017
Ռուսական վերնախավը խոշոր ներդրումով կաջակցի ՀՀ վարչապետին
Հայաստանի կառավարությունը հույս ունի, որ այս տարի «ռուսական ծագմամբ» առնվազն 300 միլիոն դոլարի ներդրում է իրականացվելու Հայաստանում:
19:43
13 Հունվարի 2017
ՀՀ վարչապետը վտանգ չի տեսնում Վրաստանի կողմից մայրուղային գազատարի վաճառքի հարցում
ՀՀ վարչապետ Կարեն Կարապետյանը վտանգ չի տեսնում Վրաստանի կողմից մայրուղային գազատարի վաճառքի հարցում։
15:11
13 Հունվարի 2017
Տնտեսական կապերն օգնում են ՀՀ վարչապետին հարաբերություններ հաստատել Ռուսաստանի հետ
Առկա տնտեսական կապերն օգնում են ՀՀ վարչապետ Կարեն Կարապետյանին ռուսական կողմի հետ հարաբերություններ հաստատելուն։
13:46
12 Հունվարի 2017
Հայաստանում թանկացել են ալյուրը և շաքարը
Հայաստանում Ամանորի տոներից հետո բարձրացել են ալյուրի և շաքարի գները։