487.3
+1.08
565.32
+1.55
8.22
+0.02
+9
Եղանակը Երևանում
Հայ
ԵՏՄ երկրների շրջանում Հայաստանն առավել լիբերալ տնտեսական քաղաքականություն է իրականացրել և իրականացնում. Նռանյան
18:27
27 Մարտի 2015

ԵՐԵՎԱՆ, 27 մարտի. /Նովոստի–Արմենիա/. ԵՏՄ երկրների շրջանում Հայաստանն առավել լիբերալ տնտեսական քաղաքականություն է իրականացրել և իրականացնում, Ռուսաստանի Դաշնային մաքսային ծառայության «Տամոժնյա» ամսագրում հրապարակված հարցազրույցում ասել է Եվրասիական տնտեսական հանձնաժողովի կոլեգիայի անդամ (նախարար) Արա Նռանյանը։

«Ի տարբերություն ԵՏՄ երեք երկրների` Հայաստանի տնտեսական քաղաքականության կառուցվածքը փոքր–ինչ տարբերվում է։ Հայաստանն ավելի լիբերալ տնտեսական քաղաքականություն է իրականացրել և իրականացնում։ ՀՀ–ն բիզնես վարելու շատ պարամետրերով առաջնահերթություն ունի մնացած երկրների համեմատ։ Մյուս կողմից, միության երկրները, արդյունաբերական քաղաքականություն իրականացնելով, այս ոլորտում մեծ ներուժ են կուտակել», – նշել է Նռանյանը։

«Մենք կարծում ենք, որ չպետք է շարժվենք զարգացման ուղիներից մեկի ժխտման ճանապարհով։ Մենք պետք է սինթեզենք այն լավագույնը, ինչը կուտակվել է մեր երկրներում և որոշումներ ընդունելիս ղեկավարվենք ոչ թե նրանով, թե ում ինչ է շահավետ և ով ինչ է ուզում, այլ ընդունենք որոշումներ` ելնելով  նրանից, թե ինչ է շահավետ միության համար», – ավելացրել է նա։

Նռանյանը նշել է, որ Հայաստանն, անխոս, կարող է արդյունաբերական քաղաքականություն վարելու փորձ ստանալ, որը գոյություն ունի ԵՏՄ մնացած երեք երկրներում։ Խոսքը ինչպես ներդրողների ներգրավման, այնպես էլ տեղական արտադրողին պաշտպանելու մասին է։

Նա նաև նշեց, որ Հայաստանում արդեն բավականին երկար ժամանակ գործում է ավելի դյուրացված սակագնային և ոչ սակագնային կարգավորումը։ «Մեզ մոտ շատ ավելի հեշտ է ստանալ բազմաթիվ թույլտվություններ, մեզ մոտ քիչ է բյուրոկրատիան, ավելի քիչ փաստաթղթեր են պահանջվում բիզնես վարելու համար, բավականին արդյունավետ է գործում «մեկ պատուհանի» սկզբունքը, իսկ անհրաժեշտ փաստաթղթեր ստանալու ժամկետը չի գերազանցում հինգ օրը, իսկ ավելի հաճախ դրա համար պահանջվում է ընդամենը մեկ կամ երկու օր։ Մենք պնդելու ենք, որպեսզի այլ երկրների մեր գործընկերները ևս շարժվեն այդ ճանապարհով», – ընդգծել է Նռանյանը։

Նրա խոսքով` նման ցանկություն է նկատվում ։ «Միշտ ցանկալի է` ընտրվի այն տարբերակը, որը խթանում է ձեռներեցությունը։ Եվ մենք հույս ունենք, որ Հայաստանը չի հայտնվի մի իրավիճակում, երբ երկրում ոչ սակագնային կարգավորման ազատականությունը կբարդանա։ Հակառակը, Հայաստանը բիզնես վարելու համար նախատեսված ավելի հարմարավետ միջավայրի իր փորձով ներդրում կկատարի Միության ընդհանուր քաղաքականության մեջ», – ասել է Նռանյանը։

Եվրասիական տնտեսական հանձնաժողովը Եվրասիական տնտեսական միության` մշտապես գործող անդրազգային կարգավորող մարմինն է, սկսել է աշխատանքը 2012 թվականի փետրվարի 2–ին։ Ներկայում ԵՏՀ–ում են չորս երկրների` Հայաստանի Հանրապետության, Բելառուսի Հանրապետության, Ղազախստանի Հանրապետության և Ռուսաստանի Դաշնության ներկայացուցիչներ։ Հանձնաժողովի որոշումները պարտադիր են ՄՄ և ՄՏՏ մասնակից պետությունների տարածքում կատարելու համար։ 2014 թվականի մայիսի 29–ին ՄՄ և ՄՏՏ անդամ երկրները ստորագրել են Եվրասիական տնտեսական միության ստեղծման մասին պայմանագիրը (ԵՏՄ)։

Հայաստանը Եվրասիական տնտեսական միության լիիրավ անդամ է դարձել 2015 թվականի հունվարի 2–ից։ -0

Loading...
Թեմատիկ նյութեր
Բաժնի այլ նյութեր
18:29
09 Նոյեմբերի 2017
ՎՏԲ-Հայաստան Բանկը` «ՀՀ բանկեր, ներդրումային և վարկային կազմակերպություններ» ցուցահանդեսի մասնակից
ՎՏԲ-Հայաստան Բանկը մասնակցեց Երևանի քաղաքապետարանի աջակցությամբ «Նուռ  Էքսպո» ընկերության կազմակերպած «ՀՀ բանկեր, ներդրումային և վարկային կազմակերպություններ» ցուցահանդեսին։
15:50
09 Նոյեմբերի 2017
ՀՀ կառավարությունը ջանքեր է գործադրում իրականացնելու երկաթուղու կառուցումը «ՌԱՍԻԱ ՖԶԷ»-ից անկախ
ՀՀ կառավարությունը համբերատար է գտնվել «ՌԱՍԻԱ ՖԶԷ»-ի նկատմամբ, սակայն նրա կողմից շարունակաբար խախտվել են պայմանագրով սահմանված և՛ վերջնաժամկետները, և՛ մյուս պարտավորությունների կատարումը։
10:47
09 Նոյեմբերի 2017
2018 թ.–ին համատարած թանկացումներ են սպասվում
2018 թ.–ին Հայաստանում համատարած թանկացումներ են սպասվում։
14:59
06 Նոյեմբերի 2017
«Գազպրոմ Արմենիան» կրկին գլխավորում է Հայաստանի խոշոր հարկատուների ցանկը
2017 թ.–ի 9 ամսում ընկերությունը պետակա բյուջե է վճարել ավելի քան 32,2 մլրդ դրամ:
17:21
31 Հոկտեմբերի 2017
ԵԶԲ–ն 100մլն դոլարի վարկ կտրամադրի «Հայաստանի էլեկտրական ցանցերի» գործունեության ընդլայնման համար
Եվրասիական զարգացման բանկի «Տաշիր» ընկերությունների խմբի և «Հայաստանի էլեկտրական ցանցեր» ՓԲԸ–ի միջև մտադրությունների համաձայնագիր է ստորագրվել։
13:15
31 Հոկտեմբերի 2017
Մոսկվայում բացվել է «Եվրասիական ինտեգրացիա» Միջազգային XII համաժողովը
Ուշադրության կենտրոնում է նաև միջպետական համագործակցության հարցը ԵՏՄ–ի շրջանակում։
12:15
31 Հոկտեմբերի 2017
ՎՏԲ–Հայաստան Բանկը Խնայողությունների միջազգային օրվա կապակցությամբ բարձրացնում է ավանդների տոկոսադրույքները
Խնայողությունների միջազգային օրվանն ընդառաջ ՎՏԲ-Հայաստան Բանկը պատրաստել է հատուկ առաջարկ ավանդատուների համար:
11:17
30 Հոկտեմբերի 2017
ՀՀ վարչապետը ներկայացրել է 2018 թ.–ի պետբյուջեի նպատակները
Երկուշաբթի խորհրդարանական հանձնաժողովներում մեկնարկել են ՀՀ 2018 թ.–ի պետական բյուջեի նախագծի քննարկումները։
13:07
26 Հոկտեմբերի 2017
ՀՀ կառավարությունը հավանություն տվեց ԵՏՄ Մաքսային օրենսգրքի մասին պայմանագրին
ՀՀ կառավարությունը հինգշաբթի նիստի ժամանակ հավանություն տվեց ԵՏՄ Մաքսային օրենսգրքի մասին պայմանագիրն ու ներկայացրեց այն ԱԺ–ի վավերացմանը։
16:42
19 Հոկտեմբերի 2017
Հայաստանն ու Ռուսաստանը միջազգային ավտոհաղորդակցություն կհաստատեն
Հայաստանի կառավարությունը հավանություն է տվել Ռուսաստանի հետ միջազգային ավտոմոբիլային հաղորդակցության միջկառավարական համաձայնագրին։
14:40
18 Հոկտեմբերի 2017
Սուրեն Կարայան. 2017 թ.–ի առաջին կիսամյակում արտահանման աճ է գրանցվել ինչպես դեպի ԵՏՄ, այնպես էլ դեպի ԵՄ
ՀՀ տնտեսական զարգացման և ներդրումների նախարարն ամփոփեց 2017-ի առաջին կիսամյակի արդյունքները։
19:50
12 Հոկտեմբերի 2017
«Վնեշէկոնոմբանկ»-ը և Հայաստանն ընդլայնում են գործակցությունը
Հայաստանի հետ «Վնեշէկոնոմբանկ»–ի գործակցության ընդլայնման հարցերն են քննարկվել հինգշաբթի: