486.33
+0.12
521.78
+4.16
8.19
+0.04
-8
Եղանակը Երևանում
Հայ
ՌԴ-ից Հայաստան կատարված մասնավոր փոխանցումները 10 ամսում կրճատվել են 4.4%–ով և 1.2 մլրդ դոլար կազմել
12:41
08 Դեկտեմբերի 2014

ԵՐԵՎԱՆ, 8 դեկտեմբերի. /Նովոստի-Արմենիա/. 2014թ.-ի հունվար–հոկտեմբերին երկրի բանկային համակարգի միջոցով ոչ առևտրային նպատակներով ֆիզիկական անձանց անունով Ռուսաստանից Հայաստան կատարված մասնավոր փոխանցումները, 2013թ.-ի նույն ժամանակահատվածի համեմատ, կրճատվել են 4.4 տոկոսով՝ կազմելով մոտ 1 241.4 մլն դոլար, նշված է ՀՀ ԿԲ կայքում:

ԿԲ–ի տվյալների համաձայն, Ռուսաստանից Հայաստան դրամական միջոցների մուտքերի ծավալն ամենազգալին է այլ երկրների շարքում։ Հանրապետություն կատարված մասնավոր փոխանցումների համախառն ծավալում ռուսական փոխանցումների մասնաբաժինը հաշվետու ժամանակահատվածում կազմել է 83.6 տոկոս:

Միաժամանակ 2013թ.-ի տվյալներով՝ Ռուսաստանից հանրապետություն կատարված մասնավոր փոխանցումների ներհոսքը կազմել է երկրի ՀՆԱ-ի մոտ 15,4 տոկոսը (1,6 մլրդ դոլար):

ԿԲ-ի տվյալներով՝ Հայաստանից դեպի ՌԴ դրամական միջոցների արտահոսքը տասն ամիսներին կազմել է 162.1 մլն դոլար` նախորդ տարվա նույն ժամանակահատվածի համեմատ ավելանալով 11 տոկոսով։ Այսպիսով՝ Ռուսաստանից Հայաստան կատարված մասնավոր փոխանցումների զուտ ներհոսքը կազմել է 1 079.3 մլն դոլար՝ ավելանալով 8.1 տոկոսով:

Միայն հոկտեմբերին երկիր կատարված դրամական փոխանցումների ծավալը կազմել է 137.5 մլն դոլարը՝ 2013թ.-ի հոկտեմբերի համեմատ կրճատվելով 19 տոկոսով (ամսվա ընթացքում 6 տոկոսի անկում): Հայաստանից ՌԴ դրամական միջոցների արտահոսքը հոկտեմբերին կազմել է 17.4 մլն դոլար` ավելանալով 7.7 տոկոսով (ամսվա ընթացքում աճը` 7%)։ Ռուսաստանից Հայաստան մասնավոր մուտքերի զուտ ներհոսքը հոկտեմբերին կազմել է 120.2 մլն դոլար` նվազելով 21.8 տոկոսով (ամսվա ընթացքում անկումը` 7%)։

Ռուսաստանից դրամական փոխանցումների նվազման միտումը նկատվում է արդեն հինգերորդ ամիսն անընդմեջ։ Այսպես, դեպի Հայաստան ռուսական փոխանցումների հոսքը հունիսին նվազել է 4.6 տոկոսով, հուլիսին` 6.6 տոկոսով, օգոստոսին անկումը հասել է 7.7 տոկոսի, սեպտեմբերին` 7 տոկոսի, հոկտեմբերին անկումը հասել է 19 տոկոսի։

Ռուսական փոխանցումների կրճատումը պայմանավորված է տարեսկզբից ի վեր ռուբլու` ավելի քան 30 տոկոս արժեզրկմամբ։ Հայաստանում ռուբլու փոխարժեքն այսօր` դեկտեմբերի 8–ի դրությամբ, կազմել է 8.39  դրամ մեկ ռուբլու համար`  տարեսկզբի 12.26 դրամի դիմաց։

ԿԲ տվյալներով` 2014 թվականի հունվար–հոկտեմբերին երկիր ստացված դրամական միջոցների ծավալը կազմել է 1 484,7 մլն դոլար` 2013 թվականի նույն ժամանակահատվածի համեմատ կրճատվելով 1.9 տոկոսով։

Դեպի Հայաստան դրամական փոխանցումների հոսքը 2013թ.-ի արդյունքում կազմել է 1869,7 մլն դոլար կամ երկրի ՀՆԱ-ի մոտ 17,3 տոկոսը։ —0–

Loading...
Թեմատիկ նյութեր
Բաժնի այլ նյութեր
21:03
23 Հունվարի 2017
Հայաստանը ժամանակավորապես արգելել է թռչնամթերքի ներկրումն Իրանի վեց նահանգներից
ՀՀ ԳՆ սննդամթերքի անվտանգության պետական ծառայությունը ժամանակավորապես արգելել է բոլոր տեսակի թռչնամթերքի ներկրումը երկիր Իրանի Իսլամական Հանրապետությունից:
13:15
21 Հունվարի 2017
Հայաստանում գործունեության մի շարք տեսակներ ազատվում են հարկերից
«Նովոստի–Արմենիա» գործակալությունը ներկայացնում է գործունեության այն տեսակները, ինչպես նաև այն պայմանները, որոնց դեպքում գործում են հարկային արտոնությունները։
12:00
21 Հունվարի 2017
ԶԼՄ–ները հաղորդում են Երևանում երկու «SAS» սուպերմարկետների փակման մասին, ՊԵԿ–ը ներկայացնում է սուղ մեկնաբանություններ
«Նովոստի–Արմենիա» գործակալությունն այս հարցով դիմել է գերատեսչություն` պարզաբանում ստանալու նպատակով։

12:25
17 Հունվարի 2017
Ռուսական վերնախավը խոշոր ներդրումով կաջակցի ՀՀ վարչապետին
Հայաստանի կառավարությունը հույս ունի, որ այս տարի «ռուսական ծագմամբ» առնվազն 300 միլիոն դոլարի ներդրում է իրականացվելու Հայաստանում:
19:43
13 Հունվարի 2017
ՀՀ վարչապետը վտանգ չի տեսնում Վրաստանի կողմից մայրուղային գազատարի վաճառքի հարցում
ՀՀ վարչապետ Կարեն Կարապետյանը վտանգ չի տեսնում Վրաստանի կողմից մայրուղային գազատարի վաճառքի հարցում։
15:11
13 Հունվարի 2017
Տնտեսական կապերն օգնում են ՀՀ վարչապետին հարաբերություններ հաստատել Ռուսաստանի հետ
Առկա տնտեսական կապերն օգնում են ՀՀ վարչապետ Կարեն Կարապետյանին ռուսական կողմի հետ հարաբերություններ հաստատելուն։
13:46
12 Հունվարի 2017
Հայաստանում թանկացել են ալյուրը և շաքարը
Հայաստանում Ամանորի տոներից հետո բարձրացել են ալյուրի և շաքարի գները։
14:04
11 Հունվարի 2017
Համաշխարհային բանկը բարելավել է 2016 թ.-ին Հայաստանի տնտեսական աճի կանխատեսումը, բայց վատացրել է 2017 թ.-ի սպասումները
Համաշխարհային բանկը Հայաստանի 2017 թ.-ի տնտեսական աճը կանխատեսում է 2,7 տոկոսի սահմանում:
20:45
28 Դեկտեմբերի 2016
Ռուսաստանի խոշոր սուպերմարկետներում կվաճառվի հայկական գինի և պանիր
Ռուսական խոշորագույն առևտրային ցանցերի տեսականին 2017 թ.–ից կհամալրվի հայկական գինիներով, պանրով և ձկնեղենով։
19:58
28 Դեկտեմբերի 2016
Նախարար. Լարսի անցակետի փակման դեպքում տնտեսվարողներին կտրամադրվի ավիափոխադրումների հնարավորություն
ՀՀ  տնտեսական զարգացման և ներդրումների նախարարությունը Լարսի անցակետի փակման դեպքում տնտեսվարողներին, որպես այլընտրանք, կտրամադրի ավիափոխադրումների հնարավորություն:
18:35
28 Դեկտեմբերի 2016
ՀՀ տնտեսական զարգացման նախարարը ներկայացրել է հայկական տնտեսության աճի կանխատեսումը
Հայաստանի տնտեսական աճը 2016 թ.-ի արդյունքներով կկազմի 0,5-0,6 տոկոս, չորեքշաբթի լրագրողներին ասաց ՀՀ տնտեսական զարգացման և ներդրումների նախարար Սուրեն Կարայանը` ամփոփելով տարվա արդյունքները:
14:36
21 Դեկտեմբերի 2016
Կարապետյանը սպասում է օտարերկրյա ներդրողների առաջարկներին
ՀՀ վարչապետ Կարեն Կարապետյանը չորեքշաբթի ընդունել է ՀՀ խոշոր օտարերկրյա ուղղակի ներդրումներ կատարող ձեռնարկությունների ներկայացուցիչներին: