482.26
+0.64
516.89
-1.62
7.57
+0.02
-3
Եղանակը Երևանում
Հայ
Air Armenia–ն չի հրաժարվում Ռուսաստանում աերոնավիգացիայի համար պարտքերի մարումից, թռիչքները չեն դադարեցվի. ընկերություն
18:39
11 Սեպտեմբերի 2014

ԵՐԵՎԱՆ, 11 սեպտեմբերի. /Նովոստի–Արմենիա/. Air Armenia ընկերությունը չի հրաժարվում Ռուսաստանում աերոնավիգացիոն սպասարկման համար պարտքերի մարումից, թռիչքները չեն դադարեցվի, «Նովոստի–Արմենիա» գործակալության հետ զրույցում ասաց Air Armenia ավիաընկերության տնօրեն Արսեն Ավետիսյանը։

Աերոնավիգացիոն ծառայությունների ռուսական պրովայդեր «ՕՇ կազմակերպման պետական կորպորացիա» ԴՊՈՒՁ–ն սեպտեմբերի 11–ին հայտարարել է, որ Ռուսաստանը սեպտեմբերի 21–ից դադարեցնում է հայկական Air Armenia ավիաընկերության աերոնավիագցիոն սպասարկումը պարտքերի պատճառով, որոնց ընդհանուր արժեքը կազմում է մոտ 1.1 մլն դոլար։

«Air Armenia ընկերությունը չի հրաժարվում իր պարտքերից, ավելին` մենք բազմիցս փորձել ենք միջոցներ փոխանցել աերոնավիգացիոն սպասարկման համար, սակայն «ՄՍՊ Բանկում» պետկորպորացիայի` ԱՄՆ–ի և ԵՄ–ի պատժամիջոցներով հաշիվների հետ կապված խնդիրների պատճառով բարդություններ են առաջացել»,– ասաց Ավետիսյանը։

Նրա խոսքով` ընկերությունն ի սկզբանե փորձել է մարել պարտքը դոլարով, ինչից հետո բանակցություններ է վարել և պետկորպորացիայից բանկային այլ տվյալներ է պահանջել գումարները ռուսական ռուբլով փոխանցելու համար։

Նա նշեց, որ պետկորպորացիայի ռուբլով հաշիվներին միջոցների փոխանցման հնարավորությունը համաձայնեցնելուց հետո Air Armenia–ն 200 հազար դոլարի երեք տրանշ է իրականացրել, որոնք, սակայն, չեն նստել ռուսական ընկերության հաշիվների վրա։

«Մեր հաշիվները սպասարկող հայկական բանկը մեզ նամակ է հղել, որ «ՄՍՊ Բանկը» պատժամիջոցների է ենթարկվել, և տվյալ փոխանցումը խորհուրդ չի տրվում, ինչի կապակցությամբ մենք դիմել ենք գործընկերներին հաշիվներ տրամադրել այլ բանկում և հայտարարել ենք բոլոր միջոցները նոր հաշվին փոխանցելու պատրաստակամության մասին, ինչի մարման ժամկետները երկարացվել են մինչև սեպտեմբերի 21–ը»,– ասաց Ավետիսյանը։

Ինչպես նշեց Air Armenia–ի տնօրենը, ընկերությունը մինչ օրս նոր բանկի ռեկվիզիտներ չի ստացել` բոլոր պայմանագրերը վերաձևակերպելու և փոխանցումն իրականացնելու համար։ «Մենք հույս ունենք, որ օրերս կստանանք հաշվեհամարը և կմարենք ամբողջ պարտքը։ Ինչ վերաբերում է ավիաընկերության ընթացիկ պարտքերին, ապա դրանք կազմում են 400 հազար դոլար, և դա հավասար է Ռուսաստանի տարածքում ընկերության մեկ ամսվա թռիչքաժամերին և բնական է ավիացիոն ոլորտի համար»,– ասաց Ավետիսյանը։

Ավիաընկերության ղեկավարը հույս հայտնեց, որ ծագած տեխնիկական խնդիրը կկարգավորվի առաջիկա 3-4 օրերին։

«Չնայած առաջացած բարդություններին` մեր ավիաչվերթների ուղևորները կարող են հանգիստ լինել, քանի որ բոլոր թռիչքները կիրականացվեն նախատեսված չվացուցակին համապատասխան ինչպես մինչև սեպտեմբերի 21–ը, այնպես էլ հետագայում»,– ասաց Ավետիսյանը։

Այս պահին հայկական շուկայում գործում է միայն մեկ տեղական ավիաընկերություն` Air Armenia ընկերությունը։ Ազգային ավիափոխադրող «Արմավիա» ընկերությունը սնանկ ճանաչելուց հետո Air Armenia–ն, որն ավելի վաղ միայն չարտերային բեռնափոխադրումներ էր իրականացնում դեպի ԱՊՀ, Մերձավոր Արևելքի, Եվրոպայի, Ասիայի և Աֆրիկայի երկրներ, անցավ ուղևորափոխադրումների իրականացմանը։ -0-

Loading...
Թեմատիկ նյութեր
Բաժնի այլ նյութեր
12:20
07 Դեկտեմբերի 2016
Վրաստանի տարածքով անցնող գազատարն ադրբեջանական ընկերությանը վաճառելու գործընթացը սկսվել է. թերթ
Վրաստանում ինչ-որ գործընթաց է սկսվել` ադրբեջանական ընկերությանը Վրաստանի տարածքով ռուսական գազը Հայաստան տարանցող հյուսիս-հարավ մայրուղային գազատարը վաճառելու մասով:
17:28
06 Դեկտեմբերի 2016
Հայաստանում վճարովի ավտոճանապարհ կգործի
Հայաստանում վճարովի ավտոճանապարհ կգործի։
13:47
06 Դեկտեմբերի 2016
«Armenia» ավիաընկերությունը գործարկում է Երևան-Վորոնեժ առաջին չվերթն ընդամենը 49 եվրոյով
«Armenia» ավիաընկերությունը դեկտեմբերի 16-ին գործարկում է Երևան-Վորոնեժ առաջին չվերթը:
11:42
01 Դեկտեմբերի 2016
Ադրբեջանական ընկերությունը մտադիր է գնել Հայաստան եկող գազատարը
Ադրբեջանական «Soccar» ընկերությունը մտադիր է գնել Հայաստան եկող գազատարը:
15:22
30 Նոյեմբերի 2016
2.6-տոկոսանոց տնտեսական անկում է գրանցվել Հայաստանում 2016 թ. 3–րդ եռամսյակում
Հայաստանի տնտեսական անկումը 2016 թվականի երրորդ եռամսյակում կազմել է 2.6 տոկոս:
20:04
22 Նոյեմբերի 2016
ՏՄՊՊՀ–ն կաջակցի «Գրանդ Տոբակոյին» Ռուսաստանում Philip Morris–ի հակամրցակցային գործողություններից
Հայկական կարգավորիչը կաջակցի Գրանդ Տոբակո հայ-կանադական ՀՁ» ընկերությանը Ռուսաստանում Philip Morris–ի հակամրցակցային գործողություններից։
17:55
22 Նոյեմբերի 2016
Որքա՞ն գումար են ծախսում սննդի վրա Հայաստանի բնակիչները
Հայաստանի բնակչության սպառողական ծախսերի մոտ կեսը բաժին է ընկնում սնունդին:
16:35
22 Նոյեմբերի 2016
Հայկական բանկերը ԿԲ–ին տեղեկություն չեն տրամադրել հաքերների գրոհների մասին
Հայաստանի բանկերը Կենտրոնական բանկին տեղեկություն չեն տրամադրել հաքերական գրոհների մասին:
10:58
22 Նոյեմբերի 2016
Անհրաժեշտ է ուղեղների գրոհ` երկիրը զարգացնելու համար. վարչապետ
Հայաստանի վարչապետ Կարեն Կարապետյանը հարցազրույց է տվել հեղինակավոր Bloomberg պարբերականին։
13:47
20 Նոյեմբերի 2016
Աշտարակը կարող է դառնալ զբոսաշրջության խոշոր կենտրոն
Արագածոտնի մարզում աշխատանքային այցի ժամանակ Կարեն Կարապետյանին ներկայացվել է Աշտարակ քաղաքի զբոսաշրջության զարգացման նախագիծը:
14:31
19 Նոյեմբերի 2016
Փորձագետները հայտնաբերել են Հայաստանի մարզերից մեկում ծիրանի այգիների չորանալու պատճառը
Փորձագետները պարզել են, թե ինչու են չորանում Արարատի մարզի Արմաշ համայնքի ծիրանի այգիները:
16:44
18 Նոյեմբերի 2016
«Աշտարակ կաթ» ընկերության գործունեությունը դադարեցվում է
«Աշտարակ կաթ» ընկերության գործունեությունը դադարեցվում է: Ընկերությունը ծանր ֆինանսական վիճակում է։