484.68
+0.06
530.14
+2.1
8.5
-0.03
+11
Եղանակը Երևանում
Հայ
Ռուսաստանում նշվեց «Սապսան» գնացքի շահագործման երկու տարին
17:35
20 Դեկտեմբերի 2011

«Սապսան» գերարագ գնացքները 2012 թվականին կհամապատասխանեն հարմարավետության բոլոր չափորոշիչներին, նշել է «Ռուսական երկաթուղիներ» ԲԲԸ գերարագ կապի Տնօրինության գլխավոր տնօրեն Դմիտրի Պեգովը:

«2012 թվականին» «Սապսան» գնացքներում կբարելավվի Ինտերնետային կապը, կստեղծվեն հաղորդակցային հատուկ գոտիներ, ինչպես նաև վագոնների երկու` բիզնես և էկոնոմ կարգի փոխարեն կգործածվեն երեք կարգ` բիզնես-կարգ, 1 ին – կարգ և էկոնոմ-կարգ»,- գնացքի շահագործման երկու տարվան նվիրված հանդիսավոր միջոցառումների շրջանակներում «Սապսանի» 5-միլիոներորդ ուղևորին հուշանվեր և վկայական հանձնելիս ասաց Պեգովը:

«Սապսան» գերարագ գնացքն իր առաջին ուղևորությունը Մոսկվա-Սանկտ-Պետերբուրգ երթուղով իրականացրել է 2009 թվականի դեկտեմբերի 17-ին, երկու տարվա ընթացքում «Սապսան» գնացքներն իրականացրել են 9 հազարից ավելի ուղևորություն:

Այս կապակցությամբ տոնական միջոցառումներ են իրականացվել Մոսկվայի Լենինգրադյան, Ֆինլանդական և Սանկտ-Պետերբուրգի Մոսկովյան կայարաններում: 

Մոսկվայի Լենինգրադյան կայարանում Ամանորյա ներկայացման ժամանակ ուղևորներին ողջունում էր Ձմեռ Պապը` «Սապսան» խորհրդանիշ - խաղալիքի և մի շարք հեքիաթային հերոսների ուղեկցությամբ: Կազմակերպվել էր քաղցրավենիքի և ձեռագործ հուշանվերների տոնավաճառ, ինչպես նաև զվարճալի խաղային և մրցույթային ծրագիր մանուկների համար:

Հատուկ նվեր էր նախատեսված «Սապսան» գնացքի Մոսկվայի, Սանկտ-Պետերբուրգի և Նիժնի Նովգորոդի բոլոր երթուղիների ուղևորների համար. նրանք դարձան գերարագ «Սապսան» գնացքներում ցուցադրված «Սապսա՛ն, սիրում եմ քեզ» ֆիլմի պրեմիերայի առաջին հանդիսատեսները:

«Սապսա՛ն, սիրում եմ քեզ» ֆիլմը գեղարվեստական կինոնկար է` կազմված 5 կարճամետրաժ պատմություններից, որոնց հիմնական գործողությունը ծավալվում է «Սապսան» ռուսական առաջին գերարագ գնացքում, որն սկսած իր առաջին ուղևորությունից դարձել է 3 ռուսական մեգապոլիսների` Մոսկվայի, Սանկտ-Պետերբուրգի և Նիժնի Նովգորոդի  կյանքի անբաժան մասը:

Ֆիլմի նկարահանումների համար «Ռուսական երկաթուղիներ» ԲԲԸ-ն սկսնակ կինեմատոգրաֆիստների շրջանում ստեղծագործական մրցույթ էր հայտարարել: Մրցույթին ներկայացվել էր 181 հայտ, որից 125-ը սցենարների մրցույթի, իսկ 56-ը` նկարահանող խմբերի մրցույթի համար: «Սապսա՛ն, սիրում եմ քեզ»  մրցույթի ժյուրիի կազմում էին կինոյի և շոու-բիզնեսի այնպիսի հանրահայտ ներկայացուցիչներ, ինչպիսիք են` Ռուսաստանի ժողովրդական արտիստ, կինոռեժիսոր Ալեքսեյ Ուչիտելը, ռոք-երաժիշտ Եվգենի Մարգուլիսը, Ռուսաստանի ժողովրդական արտիստ, երգահան Դմիտրի Մալիկովը:

Մրցույթային հանձնաժողովն ընտրել էր 5 լավագույն սցենարներն ու նկարահանող խմբերը: Ֆիլմի նկարահանումներն իրականացվում էին Մոսկվայում, Սանկտ-Պետերբուրգում և Նիժնի Նովգորոդում և տևեցին շուրջ 2 ամիս:

Գերարագ «Սապսան» գնացքներն արտադրվել են գերմանական «Սիմենս» ընկերության կողմից և զարգացնում են առավելագույնը 250 կմ/ժ արագություն: «Սապսանը» ամբողջությամբ հարմարեցված է Ռուսաստանի կլիմային, իսկ անվանումը ստացել է բազեների ընտանիքի ամենաարագ թռչունի անունից: Գնացքի տեխնիկական բարձր չափանիշներից և ուղևորների հարմարավետությունն ապահովող ծառայությունների ամբողջական փաթեթից բացի «Սապսանը» նաև կահավորված է հաշմանդամ ուղևորների համար նախատեսված հատուկ նստատեղերով և հաշմանդամների սայլակների ամրացման հատուկ միջոցներով:

Գերարագ «Սապսան» գնացքների շահագործումով Մոսկվա – Սանկտ-Պետերբուրգ  Ճանապարհը կրճատվել է մինչև 3ժամ 45 րոպե: Մինչդեռ ինքնաթիռով Մոսկվայից Սանկտ-Պետերբուրգ ճանապարհորդության տևողությունը 5 ժամից ոչ պակաս է (հաշվի առնելով մինչև օդանավակայան, օդանավակայանից հետ ճանապարհը, գրանցումը և թռիչքը):

«Ռուսական երկաթուղիներ» ԲԲԸ-ն իր երկաթուղային ցանցի երկարությամբ  երկրորդն է աշխարհում` 85 500 կմ, որից 43 000 կմ ճանապարհն էլեկտրաֆիկացվել է: Կազմակերպությունը տարեկան փոխադրում է ավելի քան 1,1 մլրդ. ուղևորներ և 1,1 մլրդ. տոննա բեռ` անցնելով 11 ժամային գոտիներով:

«Ռուսական երկաթուղիներ» ԲԲԸ-ում աշխատում են ավելի քան 1 մլն. աշխատակիցներ: «Ռուսական երկաթուղիներ» ԲԲԸ-ն Ռուսաստանի արագ աճող տնտեսության կարևորագույն բաղադրիչներից մեկն է, որի ակտիվները գնահատվում են ավելի քան 88 մլրդ. ամերիկյան դոլար (31/12/2008թ – ի տվյալներով): Այն իր եկամուտով աշխարհում չորրորդ ընկերությունն է, որը 2008թ-ին գերազանցել է 41 մլրդ. ամերիկյան դոլարը  (МСФО-ի զեկույցի համաձայն): «Ռուսական երկաթուղիներ» ԲԲԸ-ի կառուցվածքը ներառում է 987 ձեռնարկություններ և 165 դուստր ընկերություններ:--0--

Loading...
Թեմատիկ նյութեր

Բաժնի այլ նյութեր
17:42
27 Ապրիլի 2017
ՊԵԿ. տոնավաճառներում իրականացված ստուգումները նախազգուշական բնույթ են կրել, ոչ ոք չի տուգանվել
Տոնավաճառներում ՊԵԿ-ի կողմից իրականացվող վերահսկողական աշխատանքները կրել են զուտ նախազգուշական բնույթ և մինչ օրս որևէ տնտեսվարող չի տուգանվել։
11:11
20 Ապրիլի 2017
Forbes. յոթ հայ ներառվել է Ռուսաստանի ամենահարուստ մարդկանց ցանկում
Forbes–ի ռուսական խմբագրությունը հինգշաբթի հրապարակել է Ռուսաստանի 200 ամենահարուստ ձեռներեցների 14–րդ վարկանիշը, որտեղ ներառվել է հայազգի 7 գործարար։
16:24
31 Մարտի 2017
Հայաստանում դեղագործական գործարան կբացվի
Հայաստանում կբացվի 1,5 մլն դոլար արժողությամբ «Թուֆենքչի գրուպ» գործարանը։
14:58
06 Մարտի 2017
Սամվել Կարապետյանը ներառվել է Bloomberg-ի աշխարհի 500 ամենահարուստ մարդկանց վարկանիշում
Ռուսաստանաբնակ հայ գործարար Սամվել Կարապետյանը ներառվել է Bloomberg գործակալության հրապարակած աշխարհի 500 միլիարդատերերի ցանկում:
15:32
28 Փետրվարի 2017
Հայաստանը 2016 թվականն ավարտել է ընդամենը 0.2%–ի տնտեսական աճով
Հայաստանի տնտեսական աճը Հայաստանում 2016 թվականին կազմել է 0.2 տոկոս։
11:18
16 Փետրվարի 2017
ՊԵԿ–ի ուշադրության կենտրոնում են հայտնվել սուպերմարկետները
Վերջերս ՊԵԿ-ի ուշադրության կենտրոնում են հայտնվել սուպերմարկետները, որտեղ գերատեսչությունը սկսել է ստուգումներ անցկացնել։
15:06
14 Փետրվարի 2017
Հայաստանի և Ֆրանսիայի նախագահները համատեղ ծրագրեր կքննարկեն
Հայաստանի և Ֆրանսիայի նախագահներ Սերժ Սարգսյանը և Ֆրանսուա Օլանդը մարտի 8-ին կքննարկեն համատեղ ծրագրերը։
12:20
27 Հունվարի 2017
Հարկային մարմինները կալանք են դրել «Աշտարակ կաթի» արտադրանքի վրա
Կաթնամթերքի արտադրությամբ զբաղվող «Աշտարակ կաթ» ընկերությունում առկա խնդիրները դեռ չեն լուծվել:
16:12
26 Հունվարի 2017
Forbes–ը ներառել է Սամվել Կարապետյանին ռուսական անշարժ գույքի «արքաների» ցանկում
Forbes–ը ռուսաստանաբնակ հայազգի ձեռներեց Սամվել Կարապետյանին ներառել է ՌԴ անշարժ գույքի շուկայի առաջատարների ցանկում։
17:52
24 Հունվարի 2017
Հայաստան ռուսական գազի մատակարարումը 2016 թ.-ին նվազել է 2,6 տոկոսով` կազմելով 1,87 մլրդ խորանարդ մետր
Հայաստան ռուսական գազի մատակարարումը 2016 թ.-ին նվազել է մինչև 1,87 մլրդ խորանարդ մետր` 2015 թ.-ի 1,92 մլրդ խորանարդ մետրի համեմատ:
21:03
23 Հունվարի 2017
Հայաստանը ժամանակավորապես արգելել է թռչնամթերքի ներկրումն Իրանի վեց նահանգներից
ՀՀ ԳՆ սննդամթերքի անվտանգության պետական ծառայությունը ժամանակավորապես արգելել է բոլոր տեսակի թռչնամթերքի ներկրումը երկիր Իրանի Իսլամական Հանրապետությունից:
13:15
21 Հունվարի 2017
Հայաստանում գործունեության մի շարք տեսակներ ազատվում են հարկերից
«Նովոստի–Արմենիա» գործակալությունը ներկայացնում է գործունեության այն տեսակները, ինչպես նաև այն պայմանները, որոնց դեպքում գործում են հարկային արտոնությունները։