486.21
-0.98
517.62
-1.72
8.15
+0.04
-7
Եղանակը Երևանում
Հայ
ՌԴ-ն և Հայաստանն ատոմային էներգետիկայի և ջերմաէներգետիկայի ոլորտում համագործակցության լավ հնարավորություններ ունեն. Մեդվեդև
17:31
24 Հոկտեմբերի 2011

ՌԴ նախագահ Դմիտրի Մեդվեդևը նշում է Ռուսաստանի և Հայաստանի միջև էներգետիկ ոլորտի, մասնավորապես, ատոմային և ջերմաէներգետիկայի ճյուղերի ներդրումային համագործակցության զարգացման հեռանկարները:

«Ռուսական ընկերությունները կայուն կերպով ապահովում են Հայաստանը բնական գազով, ակտիվ գործունեություն են իրականացնում էլեկտրաէներգիայի ոլորտում: Առաջիկայում ծրագրված է Հրազդանի ՋԷԿ-ի հինգերորդ էներգաբլոկի շահագործումը: Այդ նախագիծն էներգետիկ ոլորտի մեր համագործակցությունն ավելի բարձր մակարդակի դուրս կբերի»,- ասել է Մեդվեդևը՝ պատասխանելով լրագրողների հարցին Հայաստանի նախագահ Սերժ Սարգսյանի հետ ունեցած բանակցությունների ավարտին անցկացված մամուլի ասուլիսի ժամանակ, հաղորդում է ՌԻԱ Նովոստին:
ՌԴ նախագահը միաժամանակ ընդգծել է, որ «միայն էներգետիկայով սահմանափակվել պետք չէ»: Նա հիշեցրել է, որ Հայաստանում ռուսական ներդրումների ծավալը մոտենում է 3 միլիարդ դոլարի, և համոզմունք է հայտնել, որ այդ ցուցանիշները կաճեն:

Մասնավորապես, Մեդվեդևի խոսքով, Ռուսաստանում գիտեն, թե հայ գործընկերների համար որքան կարևոր են ենթակառուցվածքային նախագծերը, նախևառաջ, երկաթուղային տրանսպորտի ոլորտում: «Մենք քննարկեցինք նոր գաղափարներ բարդ իրավիճակից դուրս գալու նպատակով, որում այժմ հայտնվել է Հայաստանը (նրա տարածքով տրանսպորտային հոսքի տեսանկյունից)»,- ասել է պետության ղեկավարը:
«Հուսով եմ, որ Ռուսաստանի, Հայաստանի և երրորդ երկրների համատեղ ջանքերով մենք կկարողանանք այդ իրավիճակի փոփոխության հասնել»,- ավելացրել է նա:

Խոսելով Հայաստանի ատոմային էներգետիկայի զարգացման մասին՝ Մեդվեդևն ընդգծել է, որ «այդ ուղղությունը մեծածավալ ներդրումներ է պահանջում, դա էժան նախագիծ չէ, հատկապես, հաշվի առնելով այն բարձր պահանջները, որոնք այսօր ներկայացնում է ատոմային ոլորտը»: «Մենք շարունակում ենք քննարկել այդ նախագիծը, և, հույս ունեմ, որ կունենանք ատոմային ոլորտի համագործակցության օպտիմալ տարբերակներ»,- ասաց նա:

Նախագահը համատեղ ներդրումների հեռանկարային ուղղությունների թվում նշել է  նաև տեղեկատվական տեխնոլոգիաների զարգացումը, հիշեցնելով, որ Հայաստանն ավելի վաղ է սկսել լայնաշերտ ինտերնետի ներդրումը, քան ՌԴ-ն:
Սարգսյանն իր հերթին նշել է, որ Հայաստանում ռուս ներդրողներն իրենց հանգիստ են զգում, չի եղել ՌԴ-ի կապիտալի ներկայացուցիչների իրավունքների և շահերի խախտման և ոչ մի դեպք:

Նա հայտնել է, որ բանակցությունների արդյունքում կրկնակի հարկման վերացման միջկառավարական համաձայնագրին կից ստորագրված արձանագրությունը կօժանդակի Ռուսաստանի հայկական բիզնեսին: «ՌԴ-ում ապրում են բազմաթիվ հաջողակ հայ գործարարներ, ովքեր ցանկանում են ներդրումներ իրականացնել ոչ միայն հայրենիքում: Այս փաստաթուղթը կաջակցի նրանց»,- նշել է Սարգսյանը:
Մեդվեդևը հավաստիացրել է. «Մենք պատրաստ ենք աջակցել ռուս-հայկական նախագծերին, հատկապես, այն դեպքերում, երբ դրանց մասնակցում են սփյուռքահայ հաջողակ ներկայացուցիչներ»: -0-

Loading...
Թեմատիկ նյութեր
Բաժնի այլ նյութեր
12:25
17 Հունվարի 2017
Ռուսական վերնախավը խոշոր ներդրումով կաջակցի ՀՀ վարչապետին
Հայաստանի կառավարությունը հույս ունի, որ այս տարի «ռուսական ծագմամբ» առնվազն 300 միլիոն դոլարի ներդրում է իրականացվելու Հայաստանում:
19:43
13 Հունվարի 2017
ՀՀ վարչապետը վտանգ չի տեսնում Վրաստանի կողմից մայրուղային գազատարի վաճառքի հարցում
ՀՀ վարչապետ Կարեն Կարապետյանը վտանգ չի տեսնում Վրաստանի կողմից մայրուղային գազատարի վաճառքի հարցում։
15:11
13 Հունվարի 2017
Տնտեսական կապերն օգնում են ՀՀ վարչապետին հարաբերություններ հաստատել Ռուսաստանի հետ
Առկա տնտեսական կապերն օգնում են ՀՀ վարչապետ Կարեն Կարապետյանին ռուսական կողմի հետ հարաբերություններ հաստատելուն։
13:46
12 Հունվարի 2017
Հայաստանում թանկացել են ալյուրը և շաքարը
Հայաստանում Ամանորի տոներից հետո բարձրացել են ալյուրի և շաքարի գները։
14:04
11 Հունվարի 2017
Համաշխարհային բանկը բարելավել է 2016 թ.-ին Հայաստանի տնտեսական աճի կանխատեսումը, բայց վատացրել է 2017 թ.-ի սպասումները
Համաշխարհային բանկը Հայաստանի 2017 թ.-ի տնտեսական աճը կանխատեսում է 2,7 տոկոսի սահմանում:
20:45
28 Դեկտեմբերի 2016
Ռուսաստանի խոշոր սուպերմարկետներում կվաճառվի հայկական գինի և պանիր
Ռուսական խոշորագույն առևտրային ցանցերի տեսականին 2017 թ.–ից կհամալրվի հայկական գինիներով, պանրով և ձկնեղենով։
19:58
28 Դեկտեմբերի 2016
Նախարար. Լարսի անցակետի փակման դեպքում տնտեսվարողներին կտրամադրվի ավիափոխադրումների հնարավորություն
ՀՀ  տնտեսական զարգացման և ներդրումների նախարարությունը Լարսի անցակետի փակման դեպքում տնտեսվարողներին, որպես այլընտրանք, կտրամադրի ավիափոխադրումների հնարավորություն:
18:35
28 Դեկտեմբերի 2016
ՀՀ տնտեսական զարգացման նախարարը ներկայացրել է հայկական տնտեսության աճի կանխատեսումը
Հայաստանի տնտեսական աճը 2016 թ.-ի արդյունքներով կկազմի 0,5-0,6 տոկոս, չորեքշաբթի լրագրողներին ասաց ՀՀ տնտեսական զարգացման և ներդրումների նախարար Սուրեն Կարայանը` ամփոփելով տարվա արդյունքները:
14:36
21 Դեկտեմբերի 2016
Կարապետյանը սպասում է օտարերկրյա ներդրողների առաջարկներին
ՀՀ վարչապետ Կարեն Կարապետյանը չորեքշաբթի ընդունել է ՀՀ խոշոր օտարերկրյա ուղղակի ներդրումներ կատարող ձեռնարկությունների ներկայացուցիչներին:
17:42
20 Դեկտեմբերի 2016
Հայաստանում էլեկտրաէներգիայի սակագինը կնվազի
Հանրային ծառայությունները կարգավորող հանձնաժողովը դեկտեմբերի 23-ին կայանալիք նիստի ժամանակ նախատեսում է ուսումնասիրել և հաստատել Հայաստանում էլեկտրաեներգիայի նոր սակագները:
13:40
17 Դեկտեմբերի 2016
Եվրամիությունը Հայաստանին 16,2 մլն եվրո կտրամադրի՝ բյուջետային աջակցության շրջանակում
Եվրամիությունը զբաղվածության և հանրային ֆինանսների ոլորտների հետ կապված երկու հանաձայնագրերի շրջանակում Հայաստանին կտրամադրի 16,2 մլն եվրո:
14:21
14 Դեկտեմբերի 2016
Հայկական ատոմակայանը վերսկսել է էլեկտրաէներգիայի արտադրությունը
Հայաստանի ատոմային էլեկտրակայանը վերսկսել է էլեկտրաէներգիայի արտադրությունը: