478.42
-0.15
561.67
-0.12
8.1
+0.05
+34
Եղանակը Երևանում
Հայ
«Զվարթնոց» օդանավակայանը տարածաշրջանում լավագույնը կդառնա նոր տերմինալի գործարկումից հետո
18:10
18 Մայիսի 2011

Երևանի «Զվարթնոց» միջազգային օդանավակայանը նոր տերմինալի գործարկումից հետո լավագույնը կդառնա տարածաշրջանում ինչպես հաճախորդների սպասարկման մակարդակով, այնպես էլ գործածվող տեխնոլոգիաների տեսանկյունից, չորեքշաբթի լրագրողներին հայտնեց «Արմենիա-Միջազգային օդանավակայաններ» (օդանավակայանի շահագործողը) ընկերության գլխավոր մենեջերի տեղակալ Անդրանիկ Շխյանը։

Նոր տերմինալը նախատեսվում է գործարկել մինչև ընթացիկ տարվա ավարտը։
«Զվարթնոց» օդանավակայանը համապատասխանում է B կարգին, ինչը բավարարում է համաշխարհային ամենաբարձր պահանջներին»,- ասաց Շխյանը՝ նշելով, որ աշխարհում գործող օդանավակայաններից ոչ մեկն A կարգ չունի։

Ըստ նրա, օդանավակայանի արդիականացման նախագիծը գնահատվում է 244 միլիոն դոլար, որոնցից 84 միլիոնն ուղղվել է 2007 թվականի մայիսին գործարկված ժամանումների նոր սրահի կառուցմանը, իսկ նոր տերմինալի կառուցման համար արդեն ներդրվել է 160 միլիոն դոլար։ Ֆինանսավորումն իրականացվում է «Արմենիա-Միջազգային օդանավակայաններ» ՓԲԸ-ի միջոցներով։

Ինչպես նշեց Շխյանը, նոր տերմինալը թույլ կտա մեկ ժամում միաժամանակ ընդունել 10 չվերթ, ինչը կրկնակի ավելի է ներկայիս ցուցանիշից։ «Այսօր օդանավակայանը հնարավորություն ունի տարեկան սպասարկելու 1,6 մլն ուղևոր, իսկ նոր տերմինալը թույլ կտա ավելացնել այդ թիվը մինչև 3,5 միլիոն»,- ասաց նա՝ հավելելով, որ վերջին չորս տարիների ընթացքում ուղևորների թվի 8-10-տոկոսանոց աճ է նկատվել։

Շխյանի խոսքով, նոր տերմինալի ընդհանուր մակերեսը կկազմի 34 հազար քառակուսի մետր, ներկայիս գրանցման 24 հարթակների փոխարեն կգործեն 46-ը, հնարավորություն կլինի նաև ընդունելու տարանցիկ ուղևորների։
20 հազար քառակուսի մետր մակերեսով վճարովի երկհարկանի ավտոկայանատեղին կտեղավորի 600 ավտոմեքենա (ներկայիս 200-ի դիմաց), իսկ անվճար կայանատեղին հաշվարկված է 250 ավտոմեքենայի համար։
Տերմինալի շենքի դիզայնը մշակվել է «Արմենիա-Միջազգային օդանավակայաններ» ՓԲԸ-ի մասնագետների կողմից՝ հայկական եռագույնի գույների օգտագործմամբ, կտուրը նախատեսվում է ծածկել կանաչ գազոնով, որը հնարավոր կլինի տեսնել արդեն ինքնաթիռից։

Շխյանն ավելացրեց, որ շուտով կբացվի նաև սառեցման համալիրը, իսկ արդեն կառուցման փուլում գտնվող նախագահական VIP-շենքի բացման ժամկետներն առայժմ հայտնի չեն։ «Մենք չենք ցանկանում, որ «Զվարթնոցը» պարզապես օդանավակայան լինի, ցանկանում ենք տեսնել որպես առևտրային կենտրոն խանութներով և սրճարանով»,- ասաց Շխյանը։

Նա նկատեց, որ նոր տերմինալը 2011 թվականի հոկտեմբեր-նոյեմբերին շահագործման հանձնելուց հետո հին շենքը (որն ունի С կարգ) արդեն չի գործի որպես օդանավակայան, այլ կդառնա կառավարման վարչական կենտրոն։ -0-

Loading...
Թեմատիկ նյութեր
Բաժնի այլ նյութեր
16:02
21 Օգոստոսի 2017
Moody’s–ը հաստատել է Հայաստանի վարկանիշը B1 մակարդակում
Moody’s միջազգային վարկանշային գործակալությունը հաստատել է Հայաստանի վարկանիշը B1 մակարդակում:
14:39
11 Օգոստոսի 2017
Խախտումներ պապաղակի շուկայում. հետ են կանչվել որոշ արտադրողների խմբաքանակներ
Հայաստանի ԳՆ սննդամթերքի անվտանգության պետական ծառայությունը վերահսկողություն է իրականացնում պաղպաղակի շուկայում:
12:16
10 Օգոստոսի 2017
ՎՏԲ-Հայաստան Բանկի հաճախորդները կարող են նախապես հերթագրվել սպասարկման համար` EarlyOne բջջային հավելվածի միջոցով
ՎՏԲ-Հայաստան Բանկն առաջիններից է միացել EarlyOne հերթերի հեռավար կառավարման համակարգին:
20:42
09 Օգոստոսի 2017
Կարեն Կարապետյանն ագրոհատվածի լայնածավալ բարեփոխումներ է նախապատրաստել
Հայաստանի վարչապետ Կարեն Կարապետյանը խորհրդակցության ընթացքում ներկայացրեց գյուղատնտեսության բարեփոխմանն ուղղված ծավալուն ծրագիր:
13:32
01 Օգոստոսի 2017
ՎՏԲ-Հայաստան Բանկի հաճախորդները կկարողանան անվճար դրամային փոխանցումներ կատարել
Օգոստոսի 1-ից ՎՏԲ-Հայաստան Բանկի հաճախորդները UNISTREAM համակարգի միջոցով կարող են ուղարկել անվճար փոխանցումներ:
20:18
25 Հուլիսի 2017
ԱՄՆ–ն հավանություն է տվել 2018 թ.–ին Հայաստանին 6,2 մլն դոլարի օգնության տրամադրումը
ԱՄՆ–ն հավանություն է տվել 2018 թ.–ին Հայաստանին 6,2 մլն դոլարի օգնության տրամադրումը։
18:50
18 Հուլիսի 2017
Հայաստանը կարող է գազ և էլեկտրաէներգիա ստանալ ավելի շահավետ սակագնով` ԵՏՄ–ի շրջանակում
Հայաստանը կարող է գազ և էլեկտրաէներգիա ստանալ ավելի շահավետ` ԵՏՄ–ի ներքին սակագներով:
20:14
13 Հուլիսի 2017
Հայկական «ArCa» քարտերն արդեն սպասարկվում են Ռուսաստանում
2017 թվականի հուլիսից մեկնարկել է Ռուսաստանում «ArCa» հայկական քարտերի և Հայաստանում «МИР» ռուսաստանյան քարտերի սպասարկումը։
20:45
03 Հուլիսի 2017
Fitch–ը հաստատել է Հայաստանի վարկանիշը «B+» մակարդակում
Fitch Ratings միջազգային վարկանշային գործակալությունը հաստատել է Հայաստանի վարկանիշերը «В+» մակարդակում։
20:43
16 Հունիսի 2017
ՀՀ ֆինանսների նախարարն աշխատավարձի կեսը ծախսել է առցանց գնումների վրա
ՀՀ ֆինանսների նախարար Վարդան Արամյանն աշխատավարձի կեսը ծախսել է առցանց գնումների վրա:
17:42
27 Ապրիլի 2017
ՊԵԿ. տոնավաճառներում իրականացված ստուգումները նախազգուշական բնույթ են կրել, ոչ ոք չի տուգանվել
Տոնավաճառներում ՊԵԿ-ի կողմից իրականացվող վերահսկողական աշխատանքները կրել են զուտ նախազգուշական բնույթ և մինչ օրս որևէ տնտեսվարող չի տուգանվել։
11:11
20 Ապրիլի 2017
Forbes. յոթ հայ ներառվել է Ռուսաստանի ամենահարուստ մարդկանց ցանկում
Forbes–ի ռուսական խմբագրությունը հինգշաբթի հրապարակել է Ռուսաստանի 200 ամենահարուստ ձեռներեցների 14–րդ վարկանիշը, որտեղ ներառվել է հայազգի 7 գործարար։