484.37
+0.38
564.15
+0.69
8.28
-0.04
+12
Եղանակը Երևանում
Հայ
Գազի տարանցման դիտարկման մասին արձանագրությունը չի ստորագրվել Յուշչենկոյի դիրքորոշման պատճառով. «Գազպրոմ»
12:10
10 Հունվարի 2009

Ուկրաինան չի ստորագրել Ռուսաստանի կողմից առաջարկված հանրապետության տարածքով անցնող գազի տարանցման դիտարկման բազմակողմանի հանձնաժողովի ստեղծման մասին արձանագրությունը Ուկրաինայի նախագահ Վիկտոր Յուշչենկոյի դիրքորոշման պատճառով, շաբաթ օրը Առաջին ալիքի եթերում տեղեկացրել է «Գազպրոմի» պաշտոնական ներկայացուցիչ Սերգեյ Կուպրիյանովը։

«Մենք տեսնում ենք այդ հայտարարությունները (ուկրաինական կողմի), սակայն Ուկրաինայի տարածքով գազի տարանցման դիտարկման բազմակողմանի հանձնաժողովի ստեղծման մասին արձանագրությունն այդպես էլ չի ստորագրվել, և դա նշանակում է, որ, ըստ երևույթին, մեր գազի մատակարարմանը հերթական անգամ խանգարում է Ուկրաինայի նախագահի որոշումը կամ որոշման բացակայությունը», - ասել է նա։

Ավելի վաղ հաղորդվում էր, որ եվրոպացի դիտորդներն ուրբաթ ժամանել են Կիև և սկսել են դիտարկում անցկացնել։ Սակայն, ինչպես նշել է «Գազպրոմի» ներկայացուցիչը, մինչ բոլոր կողմերը չստորագրեն արձանագրությունը, այդ մասնագետները դիտորդի կարգավիճակ չեն ունենա։ Բացի այդ, դիտարկումը պետք է անցկացվի ոչ թե Կիևում, այլ ուկրաինական գազատրանսպորտային համակարգի մուտքերում և ելքերում, ինչպես նաև Ուկրաինայի ստորգետնյա գազապահեստներում։

Ուրբաթ Ուկրաինայի վարչապետ Յուլիա Տիմոշենկոն տեղեկացրել է, որ Ուկրաինան պատրաստ է ստորագրել Ռուսաստանի կողմից առաջարկված արձանագրությունը։ Ռուսական տարբերակը նախատեսում է Ուկրաինայի և Ռուսաստանի տարածքում երկու երկրների մասնագետների «հայելանման» ներկայությունը։

«Մենք կստորագրենք նման արձանագրություն», - ասել է Տիմոշենկոն՝ ԵՄ-ում նախագահող Չեխիայի կառավարության նախագահ Միրեկ Տոպոլանեկի հետ բանակցություններից հետո։ Ուրբաթ երեկոյան Ուկրաինայի նախագահի ընդունելությունների համար նախատեսված տանը տեղի է ունեցել Ուկրաինայի նախագահ Վիկտոր Յուշչենկոյի, Տիմոշենկոյի և Տոպոլանեկի հանդիպումը։

Տիմոշենկոն նշել է, որ ուկրաինական կողմը տրամադրված է փոխզիջման գնալ ՌԴ-ի հետ բանակցություններում, որպեսզի ստորագրի ռուսական գազի մատակարարման պայմանագրեր և վերացնի հակամարտությունը։ Նրա խոսքերով, մոտ ժամանակներում Ուկրաինա գազամատակարարման ուղղակի պայմանագրեր կստորագրվեն «Նաֆթոգազ Ուկրաինի» ազգային բաժնետիրական ընկերության և «Գազպրոմի» միջև։

Ռուսաստանը հայտարարել է, որ պատրաստ է վերականգնել Ուկրաինայի միջով դեպի Եվրոպա գազի՝ երկու օր առաջ հարկադիր դադարեցված մատակարարումները այն բանից հետո, երբ ՌԴ-ում և Ուկրաինայում աշխատանքի կանցնի դիտարկման միջազգային փորձագիտական հանձնաժողովը, որի կազմում կլինեն «Գազպրոմի», «Նաֆթոգազ Ուկրաինի» ընկերության, Ռուսաստանի և Ուկրաինայի էներգետիկայի նախարարությունների, Եվրոպայում ռուսական գազը ստացող ընկերությունների, ինչպես նաև անկախ դիտարկման կազմակերպության ներկայացուցիչները։

Ուկրաինական կողմը հրաժարվել է հանձնաժողովի նման կազմից՝ պնդելով, որ դիտարկումը պետք է կազմակերպեն միայն ուկրաինական կողմը և Եվրահանձնաժողովը։

«Գազպրոմը» ուկրաինական կողմից առաջարկված տարանցման դիտարկման համակարգն անընդունելի է համարում առանց հոլդինգի և ՌԴ էներգետիկայի նախարարության մասնակցության։-0-

Loading...
Թեմատիկ նյութեր
Բաժնի այլ նյութեր
17:21
31 Հոկտեմբերի 2017
ԵԶԲ–ն 100մլն դոլարի վարկ կտրամադրի «Հայաստանի էլեկտրական ցանցերի» գործունեության ընդլայնման համար
Եվրասիական զարգացման բանկի «Տաշիր» ընկերությունների խմբի և «Հայաստանի էլեկտրական ցանցեր» ՓԲԸ–ի միջև մտադրությունների համաձայնագիր է ստորագրվել։
13:15
31 Հոկտեմբերի 2017
Մոսկվայում բացվել է «Եվրասիական ինտեգրացիա» Միջազգային XII համաժողովը
Ուշադրության կենտրոնում է նաև միջպետական համագործակցության հարցը ԵՏՄ–ի շրջանակում։
12:15
31 Հոկտեմբերի 2017
ՎՏԲ–Հայաստան Բանկը Խնայողությունների միջազգային օրվա կապակցությամբ բարձրացնում է ավանդների տոկոսադրույքները
Խնայողությունների միջազգային օրվանն ընդառաջ ՎՏԲ-Հայաստան Բանկը պատրաստել է հատուկ առաջարկ ավանդատուների համար:
11:17
30 Հոկտեմբերի 2017
ՀՀ վարչապետը ներկայացրել է 2018 թ.–ի պետբյուջեի նպատակները
Երկուշաբթի խորհրդարանական հանձնաժողովներում մեկնարկել են ՀՀ 2018 թ.–ի պետական բյուջեի նախագծի քննարկումները։
13:07
26 Հոկտեմբերի 2017
ՀՀ կառավարությունը հավանություն տվեց ԵՏՄ Մաքսային օրենսգրքի մասին պայմանագրին
ՀՀ կառավարությունը հինգշաբթի նիստի ժամանակ հավանություն տվեց ԵՏՄ Մաքսային օրենսգրքի մասին պայմանագիրն ու ներկայացրեց այն ԱԺ–ի վավերացմանը։
16:42
19 Հոկտեմբերի 2017
Հայաստանն ու Ռուսաստանը միջազգային ավտոհաղորդակցություն կհաստատեն
Հայաստանի կառավարությունը հավանություն է տվել Ռուսաստանի հետ միջազգային ավտոմոբիլային հաղորդակցության միջկառավարական համաձայնագրին։
14:40
18 Հոկտեմբերի 2017
Սուրեն Կարայան. 2017 թ.–ի առաջին կիսամյակում արտահանման աճ է գրանցվել ինչպես դեպի ԵՏՄ, այնպես էլ դեպի ԵՄ
ՀՀ տնտեսական զարգացման և ներդրումների նախարարն ամփոփեց 2017-ի առաջին կիսամյակի արդյունքները։
19:50
12 Հոկտեմբերի 2017
«Վնեշէկոնոմբանկ»-ը և Հայաստանն ընդլայնում են գործակցությունը
Հայաստանի հետ «Վնեշէկոնոմբանկ»–ի գործակցության ընդլայնման հարցերն են քննարկվել հինգշաբթի:
18:27
11 Հոկտեմբերի 2017
Գյուղատնտեսության նախարարը կոչ է արել գների փոփոխման պատճառով երկրում խուճապի մթնոլորտ չստեղծել
Հայաստանի գյուղատնտեսության նախարար Իգնատի Առաքելյանը մսամթերքի գներից դժգոհներին առաջարկել է, որ իրենք զբաղվեն դրա արտադրությամբ։

19:34
10 Հոկտեմբերի 2017
ՀՀ վարչապետ. իրանական գործընկերների հետ պայմանավորվել ենք «ռեստարտ» տալ մեր հարաբերություններին
ՀՀ վարչապետի խոսքով, իրանցի գործընկերների հետ համաձայնություն է ձեռք բերվել հարաբերությունների «ռեստարտի» մասին։
15:01
09 Հոկտեմբերի 2017
Մոսկովյան բորսան նախատեսում է հայկական դրամով առուվաճառք կազմակերպել
Մոսկվայի բորսան նախատեսում է հայկական դրամով առուվաճառք կազմակերպել։
13:54
09 Հոկտեմբերի 2017
ՎՏԲ-Հայաստան Բանկը և Mastercard-ը հայտարարել են #երբշահումես ակցիայի հաղթողներին
ՎՏԲ–Հայաստան Բանկը և Mastercard միջազգային վճարային համակարգը ամփոփեցին #երբշահումես համատեղ ակցիայի արդյունքները։