486.33
+0.12
521.78
+4.16
8.19
+0.04
-6
Եղանակը Երևանում
Հայ
ՀԲ-ն աջակցում է Հայաստանին մրցունակության ու կայունության մեծացման հարցում
15:15
10 Դեկտեմբերի 2015
ԵՐԵՎԱՆ, 10 դեկտեմբերի. /Նովոստի-Արմենիա/.  Համաշխարահային բանկի գործադիր տնօրենների խորհուրդը հինգշաբթի  հաստատեց Հայաստանին Զարգացման քաղաքականության ֆինանսավորման երրորդ գործառնության (DPF-3) շրջանակում 50 միլիոն ԱՄՆ դոլար արժողությամբ վարկի տրամադրումը, հայտնեցին ՀԲ մամուլի ծառայությունից:

 «Այն կաջակցի հարկաբյուջետային, սոցիալական ու բնապահպանական կայունության ու մրցունակության բարելավմանը միտված ընդգրկուն բարեփոխումներին: Սա նախատեսված զարգացման քաղաքականության ֆինանսավորման չորս ծրագրերից երրորդն է, որը նպատակ ունի աջակցելու Հայաստանի կառավարությանն աշխատատեղերի ստեղծմանն ուղղված իր ռազմավարական նպատակի իրացման հարցում, ինչը հիմնական մարտահրավերն է երկրի զարգացման ճանապարհին»,-նշված է հաղորդագրությունում:
 
Ծրագիրը ներառում է երկու բաղադրիչ:

Առաջինը, հարկաբյուջետային տիրույթի ընդլայնումն է՝ բարելավելով հիմնական ոլորտների ֆինանսական ինքնաբավությունը, մեծացնելով սոցիալական պաշտպանության ծրագրերի նպատակայնությունը և ապահովելով սոցիալական ու բնապահպանական երաշխիքներ հանքարդյունաբերության ոլորտում, մի ոլորտ, որն ապահովում է Հայաստանի արտահանումների ավելի քան կեսը:

Երկրորդը, ուղղված է գործարար միջավայրի ամրապնդմանը, առևտրի ու կապերի դյուրացմանն ու վարկային ռեսուրսների հասանելիության ապահովմանը:

 «Ծրագիրը միտված է Հայաստանի մակրոտնտեսական կայունության և ճկունության ամրապնդմանը՝ առավել շեշտադրելով հիմնական ոլորտներում ֆինանսական ինքնաբավությունը և անորոշ արտաքին միջավայրի համատեքստում շարունակելով մրցունակության բարելավման ուղղությամբ ջանքերը, - ասում է Համաշխարհային բանկի Հայաստանի գրասենյակի տնորեն Լորա Բեյլին, - ծրագիրն աջակցում է այն բարեփոխումներին, որոնք առնչվում են բնակչության աղքատ խավի ու ստորին 40 տոկոսի շրջանում սոցիալական նպաստների բաշխմանը՝ պահպանելով պետական միջոցների ծավալներն ու կարգավորելով սոցիալական մյուս խնդիրները, ինչպես նաև մրցունակության ու գործարար միջավայրի բարելավման միջոցով մեծացնելով զբաղվածության հնարավորությունները»:

Ծրագիրն աջակցում է ՀՀ Կառավարության կողմից իրականացվող մի շարք բարեփոխումներին և դրանց շարքում մասնավորապես կարևորում է միասնական հարկային օրենսգրքի մշակումը՝ հարկման բազայի մեծացման, դրույքաչափերի ռացիոնալացման, հարկային քաղաքականության թափանցիկության բարելավման ու գործող օրենսդրության առկա բացերը շտկելու ճանապարհով:

Նոր հարկային օրենսգիրքը կշտկի ոլորտի խրթին, ոչ համակարգված ու հաճախ հակասական դրույթները, որոնք խոչնդոտում են հարկային պարտականությունների կամավոր ու պարտաճանաչ կատարմանը, խաթարում են հարկման հորիզոնական արդարացիությունը, որոնք անորոշություններ են ստեղծում տնտեսավարողների ու ֆիզիկական անձանց համար:

 «Նոր Հարկային օրենսգիրքը նպատակ ունի մեծացնել ներքին եկամուտների մոբիլիզացումը և աջակցել երկարաժամկետ աճին ու պետական պարտքի, ինչպես նաև պակասուրդի կայուն մակարդակի ապահովմանը: Բանկը կշարունակի աշխատել իշխանությունների հետ՝ ամրապնդելու կարևորագույն սոցիալական ծախսերի ապահովումը ու ենթակառուցվածքները, երաշխավորելու համար հարկային բարեփոխումների վերաբաշխման ու արդարացիության սկսզբունքը: Վերջինը կարող է կարգավորվել պրոգրեսիվ հարկման, նպատակային արդյունավետության մեծացման և պետական ծախսումների նպատակայնության բարելավման միջոցով, ինչը սոցիալապես անապահով ու աղքատ խմբերի համար կբարելավի հիմանական ծառայությունները,» ասաց Համաշխարհային բանկի ծրագրային թիմի ղեկավար Գոհար Գյուլումյանը:

 Ծրագրի ուշադրության կենտրոնում կլինի նաև սոցիալական ծառայությունների մասին նոր օրենքի գործարկումը, որը նպատակ ունի ապահովել այդ ծառայությունների համալիր և համարկված մատուցումը: Թափոնների վերամշակման մասով իրավական դաշտում փոփոխությունների կատարումը թույլ կտա բարելավել հանքարդյունաբերական թափոնների մշակումը և նվազեցնել բացասական ազդեցությունը շրջակա միջավայրի վրա:

Ծրագրի շրջանակում կլինեն նաև արդիականացման աշխատանքներ մաքսային ձևակերպումների ընթացակարգերում՝ փոստային ծառայությունների էլեկտրոնային առևտրի մասով, կներդրվի բիզնեսի ծանուցման սկզբունքը՝ վերանայելով լիցենզավորման ընթացիկ գործընթացը, ավիացիայի ոլորտում կբարելավվի իրավական ու ինստիտուցիոնալ դաշտը՝ մեծացնելով Հայաստանի կապն աշխարհի հետ, կմշակվի բանկերի նկատմամբ կոնսոլիդացված վերահսկողության իրավական ու կանոնակարգման դաշտը, ինչը կնպաստի ֆինանսական կայունությանն ու թափանցիկությանը, որն էլ կմեծացնի ներդրողների վստահությունը:

Զարգացման քաղաքականության ֆինանսավորման երրորդ ծրագրով տրամադրվում է 50 մլն ԱՄՆ դոլարին համարժեք վարկ ՎԶՄԲ-ից` փոփոխական տոկոսադրույքով, 14,5 տարվա արտոնյալ ժամանակաշրջանով և մարման 25 տարվա ժամկետով: 1992թ. Համաշխարհային բանկին, իսկ 1993թ. ՄԶԸ-ին միանալուց ի վեր այդ երկու կառույցների կողմից Հայաստանին ընդհանուր հաշվով տրամադրվել է 2,2 միլիարդ ԱՄՆ դոլարին համարժեք գումար:-0-


Loading...
Թեմատիկ նյութեր
Բաժնի այլ նյութեր
21:03
23 Հունվարի 2017
Հայաստանը ժամանակավորապես արգելել է թռչնամթերքի ներկրումն Իրանի վեց նահանգներից
ՀՀ ԳՆ սննդամթերքի անվտանգության պետական ծառայությունը ժամանակավորապես արգելել է բոլոր տեսակի թռչնամթերքի ներկրումը երկիր Իրանի Իսլամական Հանրապետությունից:
13:15
21 Հունվարի 2017
Հայաստանում գործունեության մի շարք տեսակներ ազատվում են հարկերից
«Նովոստի–Արմենիա» գործակալությունը ներկայացնում է գործունեության այն տեսակները, ինչպես նաև այն պայմանները, որոնց դեպքում գործում են հարկային արտոնությունները։
12:00
21 Հունվարի 2017
ԶԼՄ–ները հաղորդում են Երևանում երկու «SAS» սուպերմարկետների փակման մասին, ՊԵԿ–ը ներկայացնում է սուղ մեկնաբանություններ
«Նովոստի–Արմենիա» գործակալությունն այս հարցով դիմել է գերատեսչություն` պարզաբանում ստանալու նպատակով։

12:25
17 Հունվարի 2017
Ռուսական վերնախավը խոշոր ներդրումով կաջակցի ՀՀ վարչապետին
Հայաստանի կառավարությունը հույս ունի, որ այս տարի «ռուսական ծագմամբ» առնվազն 300 միլիոն դոլարի ներդրում է իրականացվելու Հայաստանում:
19:43
13 Հունվարի 2017
ՀՀ վարչապետը վտանգ չի տեսնում Վրաստանի կողմից մայրուղային գազատարի վաճառքի հարցում
ՀՀ վարչապետ Կարեն Կարապետյանը վտանգ չի տեսնում Վրաստանի կողմից մայրուղային գազատարի վաճառքի հարցում։
15:11
13 Հունվարի 2017
Տնտեսական կապերն օգնում են ՀՀ վարչապետին հարաբերություններ հաստատել Ռուսաստանի հետ
Առկա տնտեսական կապերն օգնում են ՀՀ վարչապետ Կարեն Կարապետյանին ռուսական կողմի հետ հարաբերություններ հաստատելուն։
13:46
12 Հունվարի 2017
Հայաստանում թանկացել են ալյուրը և շաքարը
Հայաստանում Ամանորի տոներից հետո բարձրացել են ալյուրի և շաքարի գները։
14:04
11 Հունվարի 2017
Համաշխարհային բանկը բարելավել է 2016 թ.-ին Հայաստանի տնտեսական աճի կանխատեսումը, բայց վատացրել է 2017 թ.-ի սպասումները
Համաշխարհային բանկը Հայաստանի 2017 թ.-ի տնտեսական աճը կանխատեսում է 2,7 տոկոսի սահմանում:
20:45
28 Դեկտեմբերի 2016
Ռուսաստանի խոշոր սուպերմարկետներում կվաճառվի հայկական գինի և պանիր
Ռուսական խոշորագույն առևտրային ցանցերի տեսականին 2017 թ.–ից կհամալրվի հայկական գինիներով, պանրով և ձկնեղենով։
19:58
28 Դեկտեմբերի 2016
Նախարար. Լարսի անցակետի փակման դեպքում տնտեսվարողներին կտրամադրվի ավիափոխադրումների հնարավորություն
ՀՀ  տնտեսական զարգացման և ներդրումների նախարարությունը Լարսի անցակետի փակման դեպքում տնտեսվարողներին, որպես այլընտրանք, կտրամադրի ավիափոխադրումների հնարավորություն:
18:35
28 Դեկտեմբերի 2016
ՀՀ տնտեսական զարգացման նախարարը ներկայացրել է հայկական տնտեսության աճի կանխատեսումը
Հայաստանի տնտեսական աճը 2016 թ.-ի արդյունքներով կկազմի 0,5-0,6 տոկոս, չորեքշաբթի լրագրողներին ասաց ՀՀ տնտեսական զարգացման և ներդրումների նախարար Սուրեն Կարայանը` ամփոփելով տարվա արդյունքները:
14:36
21 Դեկտեմբերի 2016
Կարապետյանը սպասում է օտարերկրյա ներդրողների առաջարկներին
ՀՀ վարչապետ Կարեն Կարապետյանը չորեքշաբթի ընդունել է ՀՀ խոշոր օտարերկրյա ուղղակի ներդրումներ կատարող ձեռնարկությունների ներկայացուցիչներին: