481.93
+0.2
569.16
+0.19
8.37
-0.02
+9
Եղանակը Երևանում
Հայ
Չինաստանը ողջունում է Հայաստանի հետաքրքրությունը նոր «Մետաքսի ճանապարհ»-ի նկատմամբ
17:24
20 Նոյեմբերի 2015
ԵՐԵՎԱՆ, 20 նոյեմբերի. /Նովոստի–Արմենիա/. Չինաստանը ողջունում է Հայաստանի աջակցությունն ու հետաքրքրությունը «Մետաքսի ճանապարհ» տնտեսական գոտու ստեղծման նախաձեռնության նկատմամբ, ուրբաթ լրագրողներին հայտարարեց ՀՀ–ում Չինաստանի դեսպանատան քաղաքական հարցերով խորհրդական Լո Շի Սյունը Երևանում անցկացվող «Մետաքսի ճանապարհ XXI. հեռանկարներ և համագործակցություն» միջազգային համաժողովի շրջանակում։

Նրա խոսքով` Հայաստանի կարող է մասնակցել Մետաքսի ճանապարհի նախագծում ինչպես երկկողմ, այնպես էլ բազմակողմ ձևաչափում` որպես ԵՏՄ անդամ։

«Այս պահին մենք քննարկում ենք այդ հարցը։ Ամենակարևորն այն է, որ այս նախաձեռնության շրջանակում պահպանվում է թափանցիկության սկզբունքը։ Մենք անպայման ընդհանուր լեզու կգտնենք բանակցությունների ընթացքում, կպայմանավորվենք և կսկսենք աշխատել», – ասաց Շի Սյունը։

Նա նշեց, որ Չինաստանն ակտիվորեն առաջ է մղում «Մետաքսի ճանապարհ» տնտեսական գոտու և Եվրասիական տնտեսության միության համատեղ ձևավորումը, ջանքեր է գործադրում Չինաստանի և ԵՏՄ–ի և միջև առևտրային ընթացակարգերի դյուրացման համար` Ազատ առևտրի գոտի ստեղծելու նպատակով։  

«Շատ ուրախ ենք, որ հայկական կողմը դրական է գնահատում և աջակցում է «Մետաքսի ճանապարհ» տնտեսական գոտու համատեղ ստեղծման նախաձեռնությանը։ Դա նոր հնարավորություններ է բացում` երկկողմ փոխշահավետ համագործակցության համար։ Տարեսկզբին Հայաստանը միացավ ԵՏՄ–ին, ինչը թույլ է տալիս երկրին մուտք գործել 170 միլիոնանոց շուկա։ Այս հանգամանքը լրացուցիչ հնարավորություններ է ստեղծում` հայ–չինական ներդրումային համագործակցության համար», – նշեց Շի Սյունը։

Նա ավելացրեց, որ չինական կողմը պատրաստ է ակտիվորեն առաջ մղել ներդրումային համագործակցությունը Հայաստանի հետ այնպիսի ոլորտներում, ինչպիսիք են տրանսպորտային և էներգետիկ օբյեկտները, գունավոր մետաղը, շինարարական նյութերը, էլեկտրոնային և թեթև արդյունաբերությունը, զբոսաշրջության զարգացումը։

Խոսելով «Մետաքսի ճանապարհ» նախագծի համար Հայաստանի տարածքն օգտագործելու իրատեսության հարցին` նա նշեց, որ Մետաքսի ճանապարհը միայն ճանապարհ և մայրուղիներ չէ։

««Մետաքսի ճանապարհ» նախագծի իրականացման գործում շատ կարևոր է հարմարավետությունը, մենք չենք ստիպում երկրներին մասնակցել նախագծին», – ասաց նա` ավելացնելով, որ հիմա «Մետաքսի ճանապարհին» մասնակցելուն հավակնում են Արևելյան և Կենտրոնական Ասիայի, Եվրոպայի և Մերձավոր Արևելքի երկրները։

Նրա խոսքով` համաժողովը լավ հարթակ է «Մետաքսի ճանապարհ» տնտեսական գոտու համատեղ կառուցման հարցում կարծիքներ փոխանակելու համար։

«Հայաստանն ու Չինաստանը լավ հարաբերություններ ունեն, պահպանվում է քաղաքական երկխոսության բարձր մակարդակ, զարգանում են հումանիտար, առևտրատնտեսական կապերը։ Հայաստանը Չինաստանի համար փոխշահավետ գործընկեր է առևտրի, շփման, բարեկամության հարցերում։ Բարեկամությունն անգամ ավելի կարևոր է, քան առևտուրը։ Ինչ վերաբերում է «Մետաքսի ճանապարհին», մենք պատրաստ ենք քննարկել և համապատասխան որոշումներ ընդունել մեր հայ ընկերների հետ», – նշեց Շի Սյունը։

«Մետաքսի ճանապարհ XXI. հեռանկարներ և համագործակցություն» համաժողովը կազմակերպվել է  ՀՀ ԳԱԱ Արևելագիտության ինստիտուտի և Երևանի Բրյուսովի անվան պետական լեզվաբանական համալսարանի Կոնֆուցիոսի ինստիտուտի կողմից։

«Նոր Մետաքսի ճանապարհը» աննախադեպ ենթակառուցվածքային նախագիծ է, որի նախաձեռնողը Չինաստանն է։ Նախագծի իրականացումը կհանգեցնի նրան, որ Կենտրոնական Ասիայի և Կովկասի տարածքով չինական ապրանքները Եվրոպա կտեղափոխվեն ավելի արագ և էժան։

Այս նախագծի իրականացման համար Պեկինը հիմնադրել է Մետաքսի ճանապարհի 40 միլիարդ դոլար արժողությամբ հիմնադրամը, ինչպես նաև Ենթակառուցվածքային ներդրումների ասիական բանկը (100 մլրդ դոլար), որը սկսել է իր աշխատանքը 2015 թ.–ի հունիսի 29–ին։–0–


Loading...
Թեմատիկ նյութեր
Բաժնի այլ նյութեր
16:42
19 Հոկտեմբերի 2017
Հայաստանն ու Ռուսաստանը միջազգային ավտոհաղորդակցություն կհաստատեն
Հայաստանի կառավարությունը հավանություն է տվել Ռուսաստանի հետ միջազգային ավտոմոբիլային հաղորդակցության միջկառավարական համաձայնագրին։
14:40
18 Հոկտեմբերի 2017
Սուրեն Կարայան. 2017 թ.–ի առաջին կիսամյակում արտահանման աճ է գրանցվել ինչպես դեպի ԵՏՄ, այնպես էլ դեպի ԵՄ
ՀՀ տնտեսական զարգացման և ներդրումների նախարարն ամփոփեց 2017-ի առաջին կիսամյակի արդյունքները։
19:50
12 Հոկտեմբերի 2017
«Վնեշէկոնոմբանկ»-ը և Հայաստանն ընդլայնում են գործակցությունը
Հայաստանի հետ «Վնեշէկոնոմբանկ»–ի գործակցության ընդլայնման հարցերն են քննարկվել հինգշաբթի:
18:27
11 Հոկտեմբերի 2017
Գյուղատնտեսության նախարարը կոչ է արել գների փոփոխման պատճառով երկրում խուճապի մթնոլորտ չստեղծել
Հայաստանի գյուղատնտեսության նախարար Իգնատի Առաքելյանը մսամթերքի գներից դժգոհներին առաջարկել է, որ իրենք զբաղվեն դրա արտադրությամբ։

19:34
10 Հոկտեմբերի 2017
ՀՀ վարչապետ. իրանական գործընկերների հետ պայմանավորվել ենք «ռեստարտ» տալ մեր հարաբերություններին
ՀՀ վարչապետի խոսքով, իրանցի գործընկերների հետ համաձայնություն է ձեռք բերվել հարաբերությունների «ռեստարտի» մասին։
15:01
09 Հոկտեմբերի 2017
Մոսկովյան բորսան նախատեսում է հայկական դրամով առուվաճառք կազմակերպել
Մոսկվայի բորսան նախատեսում է հայկական դրամով առուվաճառք կազմակերպել։
13:54
09 Հոկտեմբերի 2017
ՎՏԲ-Հայաստան Բանկը և Mastercard-ը հայտարարել են #երբշահումես ակցիայի հաղթողներին
ՎՏԲ–Հայաստան Բանկը և Mastercard միջազգային վճարային համակարգը ամփոփեցին #երբշահումես համատեղ ակցիայի արդյունքները։
16:18
28 Սեպտեմբերի 2017
Հայաստանի կառավարությունը հավանություն տվեց 2018 թ. պետբյուժեի նախագծին. ծախսերը կավելանան
Հայաստանի կառավարությունը հինգշաբթի կայացած նիստում հավանություն է տվել 2018 թ.–ի պետբյուժեի նախագծին։  
13:06
28 Սեպտեմբերի 2017
ՀՀ–ում տնտեսական աճը 2018 թ.–ի արդյունքում նախատեսված է 4,5%–ի չափով. ֆինանսների նախարար
ՀՀ–ում տնտեսական աճը 2018 թ.–ի արդյունքում նախատեսված է 4,5%–ի չափով:
11:19
27 Սեպտեմբերի 2017
Հայաստանում նոր թանկացումներ են սպասվում. թանկանալու են առաջին անհրաժեշտության մի շարք ապրանքներ
Թանկանալու են առաջին անհրաժեշտության մի շարք ապրանքներ՝ կարագ, շաքարավազ, սուրճ, միս, կակաո և այլն։
18:21
26 Սեպտեմբերի 2017
ՀՀ տրանսպորտի նախարարությունը ներկայացրել է Վերին Լարսին այլընտրանքային տարբերակներ
Բանակցություններ են տարվում «Վերին Լարս» անցակետի անխափան աշխատանքն ապահովելու շուրջ։
10:51
26 Սեպտեմբերի 2017
Սամվել Ճզմաչյանը լքել է Հայաստանի բանկերի միության ղելավարի պաշտոնը
44–ամյա ստաժով բանկիր Սամվել Ճզմաչյանը լքել է Հայաստանի բանկերի միության նախագահի պաշտոնը: