ԵՐԵՎԱՆ, 6 փետրվարի. /Նովոստի–Արմենիա/. ՀՀ վարչապետ Նիկոլ Փաշինայնը չորեքշաբթի կառավարության նիստի ընթացքում հանձնարարեց հստակեցնել 500մլն դոլարի խոստացված ներդրումների հարցը։
Նա նշեց, որ 2018թ.–ին կառավարությունն ընդունել է բազմաթիվ որոշումներ սարքավորումներ և հումք ներկրող ընկերություններին հարկային և մաքսային արտոնություններ տրամադրելու մասին։
«Ընկերությունների խոստացած ներդրումները գերազանցել են 500մլն դոլարը, և անհրաժեշտ է հասկանալ, թե դրանցից որքան ծավալն է արդեն իրականացվել, ով չի կատարում իր պարտավորությունները և որքանով են կատարվել նոր աշխատատեղեր ստեղծելու ծրագրերը», – ասաց Փաշինյանը` չնշելով, թե ինչ թվով ընկերությունների մասին է խոսքը։
Загружается новость ... "Лево"
Նրա խոսքով, նման ստուգումները թույլ կտան վերլուծել նման արտոնությունների արդյունավետությունը` հասկանալու համար այդ գործիքի արդյունավետությունը։
«Մեր ունեցած տվյալներով, կան բազմաթիվ շեղումներ ծրագրերից։ Եթե դա համապատասխանում է իրականությանը, ապա ստացվում է, որ մենք տրամադրում ենք ոչ նպատակային հարկային արտոնություններ», – ասաց Փաշինյանը։
ՀՀ տնտեսական զարգացման և ներդրումների նախարար Տիգրան Խաչատրյանն իր հերթին նշեց, որ տվյալների խեղաթյուրումները կարող են կապված լինեն դրանց ստուգման ընթացակարգերի հետ։
«Այսօր մենք ընկերություններից հաշվետվություն ենք ստանում միայն տարին մեկ անգամ և համապատասխանաբար որոշ միջոցներ ուշանում են։ Հիմա մենք քննարկում ենք ստուգումների ձևաչափի փոփոխության և դրանց հաճախականության ավելացման հնարավորությունը, որպեսզի կառավարությունը կարողանա օպերատիվ և ժամանակին արձագանքել», – ասաց Խաչատրյանը։–0–
