ԵՐԵՎԱՆ, 28 օգոստոսի. /Նովոստի–Արմենիա/. Վորոնեժի միջազգային օդանավակայանը վերսկսում է ուղիղ ավիահաղորդակցությունը Երևանի հետ նոր գործընկերոջ` Armenia Aircompany ավիաընկերության հետ («Արմենիա» ավիաընկերություն), «ՌԻԱ Վորոնեժին» հաղորդել են օդանավակայանի մամուլի ծառայությունից։
Հայկական կողմը կսկսի չվերթերը 2016 թ.–ի հոկտեմբերի 14–ից։
Վորոնեժ–Երևան–Վորոնեժ կանոնավոր չվերթերը կիրականացվեն Boeing 737-500 օդանավով երեքշաբթի և ուրբաթ օրերին։
Armenia Aircompany ստեղծվել է 2015 թ.–ին, հայկական ավիաշուկայում սկսել է գործել 2016 թ.–ի ապրիլի 21–ից։ Ընկերությունը հանրապետության միակ փոխադրողն է, որը չվերթեր է իրականացնում դեպի ԱՊՀ և եվրոպական երկրներ։
Ավելի վաղ Վորոնեժի օդանավակայանի ղեկավարությունը բազմաթիվ անգամ փորձել էավիահաղորդակցություն հաստատել Վորոնեժի և Երևանի միջև։
Վերջին անգամ Վորոնեժը Երևանի հետ ուղիղ ավիահաղորդակցություն է իրականացրել 2016 թ.–ի մարտի 17–ին «Գրոզնի ավիա» չեչենական ընկերության միջոցով։ Սակայն մի քանի ամիս անց թռիչքները դադարեցվել են փոխադրողի նախաձեռնությամբ։–0–