484.53
+0.08
528.09
+0.81
8.57
-0.08
+11
Եղանակը Երևանում
Հայ
ԱԺ–ն ընդունեց 2016 թ.–ի պետբյուջեն
14:35
09 Դեկտեմբերի 2015
ԵՐԵՎԱՆ, 9 դեկտեմբերի./Նովոստի–Արմենիա/. ՀՀ ԱԺ–ն չորեքշաբթի նիստի ժամանակ 97 «կողմ», 12 «ոչ» ձայներով ընդունեց 2016 թ.–ի պետյբուջեն, երեք պատգամավոր ձեռնպահ մնաց։ Երկրի հիմնական ֆինանսական փաստաթղթի օգտին քվեարկեցին ՀՀԿ և ԲՀԿ խմբակցությունները։

Ինչպես փաստաթղթի վերջնական տարբերակը ներկայացնելիս նշեց ՀՀ ֆինանսների փոխնախարար Պավել Սաֆարյանը, խորհրդարանում կազմակերպված քննարկումներից և պատգամավորների առաջարկներից հետո եկամուտներն առաջարկվում է ավելացնել 15 մլրդ դրամով, իսկ ծախսերը` 14,3 մլրդ դրամով։

«Սոցիալական–մշակութային և գիտական ոլորտում նախատեսված լրացուցիչ ծախսերը կազմել են մոտ 9,4 մլրդ դրամ, տնտեսական ոլորտում` մոտ 2,7 մլրդ դրամ, այլ ոլորտներում` շուրջ 2,2 մլրդ դրամ», – ասաց Սաֆարյանը։

Նա նաև նշեց, որ բյոջեում հաշվարկային փոխարժեքը ամրագրված է նոյեմբերի 2–ի տվյալներով` 1 դոլարի դիմաց 473,4 դրամ, իսկ եվրոյի փոխարժեքը` 520,83 դրամ։

«Փոփոխությունների արդյունքում ծախսերի մասը կկազմի 1 տրիլիոն 377 մլրդ դրամ (ծախսեր/ՀՆԱ հարաբերակցությունը` 25,3 տոկոս), իսկ եկամուտների մասը` 1 տրիլիոն 186,3 մլրդ դրամ (եկամուտներ/ՀՆԱ հարաբերակցությունը` 21,8 տոկոս)` 197 մլրդ դրամ պակասուրդի դեպքում (պակասուրդ/ՀՆԱ հարաբերակցությունը` 3,5 տոկոս)», – ասաց Սաֆարյանը։

Նրա խոսքով, պետբյուջեի նախագծի համաձայն, հարկերն ու տուրքերը եկամտի մասում կկազմեն 1 տրիլիոն 129 մլրդ դրամ։

Պետբյուջեում ՀՆԱ–ի իրական աճը 2016 թ.–ին նախատեսված է 2,2 տոկոսի չափով, ՀՆԱ–ի դեֆլյատորը` 4 տոկոսի չափով, 12–ամսյա գնաճը` 4 տոկոսի չափով (±1,5%), իսկ պետբյուջեի պակասուրդը` ՀՆԱ–ի 3,5 տոկոսի չափով։

Ինչ վերաբերում է պետական պարտքին, ապա այն, 2016 թ.–ի արդյունքում, կկազմի 5,569 մլրդ դոլար, որից 86,6 տոկոսը բաժին է հասնում արտաքին պարտքին։

«Չնայած բյուջեի ողջ «համեստությանը», դրա կատարումը կլինի բավականին բարդ, սակայն թույլ կտա նոր ազդակ հաղորդել երկրի տնտեսության հետագա զարգացմանը», – եզրափակեց Սաֆարյանը։

Ինչպես նշեց ՀՅԴ–ի ներկայացուցիչ Աղվան Վարդանյանը, հաշվի առնելով այն, որ բյուջեում ներկայացված են աննախադեպ համեստ ցուցանիշներ արտադրողականության կտրուկ ավելացման անհրաժեշտության պայմաններում, խմբակցությունը չի մասնակցի քվեարկությանը։

Քվեարկության ավարտից հետո ՀՀ վարչապետ Հովիկ Աբրահամյանը նշեց, որ կառավարությունն ամբողջությամբ կկատարի պետբյուջեով նախատեսված` իրեն վերապահված պարտավորությունները։ -0- 

Loading...
Թեմատիկ նյութեր

Բաժնի այլ նյութեր
11:11
20 Ապրիլի 2017
Forbes. յոթ հայ ներառվել է Ռուսաստանի ամենահարուստ մարդկանց ցանկում
Forbes–ի ռուսական խմբագրությունը հինգշաբթի հրապարակել է Ռուսաստանի 200 ամենահարուստ ձեռներեցների 14–րդ վարկանիշը, որտեղ ներառվել է հայազգի 7 գործարար։
16:24
31 Մարտի 2017
Հայաստանում դեղագործական գործարան կբացվի
Հայաստանում կբացվի 1,5 մլն դոլար արժողությամբ «Թուֆենքչի գրուպ» գործարանը։
14:58
06 Մարտի 2017
Սամվել Կարապետյանը ներառվել է Bloomberg-ի աշխարհի 500 ամենահարուստ մարդկանց վարկանիշում
Ռուսաստանաբնակ հայ գործարար Սամվել Կարապետյանը ներառվել է Bloomberg գործակալության հրապարակած աշխարհի 500 միլիարդատերերի ցանկում:
15:32
28 Փետրվարի 2017
Հայաստանը 2016 թվականն ավարտել է ընդամենը 0.2%–ի տնտեսական աճով
Հայաստանի տնտեսական աճը Հայաստանում 2016 թվականին կազմել է 0.2 տոկոս։
11:18
16 Փետրվարի 2017
ՊԵԿ–ի ուշադրության կենտրոնում են հայտնվել սուպերմարկետները
Վերջերս ՊԵԿ-ի ուշադրության կենտրոնում են հայտնվել սուպերմարկետները, որտեղ գերատեսչությունը սկսել է ստուգումներ անցկացնել։
15:06
14 Փետրվարի 2017
Հայաստանի և Ֆրանսիայի նախագահները համատեղ ծրագրեր կքննարկեն
Հայաստանի և Ֆրանսիայի նախագահներ Սերժ Սարգսյանը և Ֆրանսուա Օլանդը մարտի 8-ին կքննարկեն համատեղ ծրագրերը։
12:20
27 Հունվարի 2017
Հարկային մարմինները կալանք են դրել «Աշտարակ կաթի» արտադրանքի վրա
Կաթնամթերքի արտադրությամբ զբաղվող «Աշտարակ կաթ» ընկերությունում առկա խնդիրները դեռ չեն լուծվել:
16:12
26 Հունվարի 2017
Forbes–ը ներառել է Սամվել Կարապետյանին ռուսական անշարժ գույքի «արքաների» ցանկում
Forbes–ը ռուսաստանաբնակ հայազգի ձեռներեց Սամվել Կարապետյանին ներառել է ՌԴ անշարժ գույքի շուկայի առաջատարների ցանկում։
17:52
24 Հունվարի 2017
Հայաստան ռուսական գազի մատակարարումը 2016 թ.-ին նվազել է 2,6 տոկոսով` կազմելով 1,87 մլրդ խորանարդ մետր
Հայաստան ռուսական գազի մատակարարումը 2016 թ.-ին նվազել է մինչև 1,87 մլրդ խորանարդ մետր` 2015 թ.-ի 1,92 մլրդ խորանարդ մետրի համեմատ:
21:03
23 Հունվարի 2017
Հայաստանը ժամանակավորապես արգելել է թռչնամթերքի ներկրումն Իրանի վեց նահանգներից
ՀՀ ԳՆ սննդամթերքի անվտանգության պետական ծառայությունը ժամանակավորապես արգելել է բոլոր տեսակի թռչնամթերքի ներկրումը երկիր Իրանի Իսլամական Հանրապետությունից:
13:15
21 Հունվարի 2017
Հայաստանում գործունեության մի շարք տեսակներ ազատվում են հարկերից
«Նովոստի–Արմենիա» գործակալությունը ներկայացնում է գործունեության այն տեսակները, ինչպես նաև այն պայմանները, որոնց դեպքում գործում են հարկային արտոնությունները։
12:00
21 Հունվարի 2017
ԶԼՄ–ները հաղորդում են Երևանում երկու «SAS» սուպերմարկետների փակման մասին, ՊԵԿ–ը ներկայացնում է սուղ մեկնաբանություններ
«Նովոստի–Արմենիա» գործակալությունն այս հարցով դիմել է գերատեսչություն` պարզաբանում ստանալու նպատակով։