535.52
7.56
476.48
+35
Եղանակը Երևանում
Հայ

Ինչպե՞ս ֆինանսական վերապատրաստող դառնալ Հայաստանում

17:22
01 Մարտի 2018
ԵՐԵՎԱՆ, 1 մարտի. /Նովոստի–Արմենիա/. Հայաստանի կենտրոնական բանկը և ՀՀ կրթության և գիտության նախարարությունը Կրթության ազգային ինստիտուտի և Գերմանական խնայբանկերի հիմնադրամի հետ գործակցությամբ, «Ֆինանսական կրթությունը դպրոցում» ծրագրի շրջանակում կիրականացնի ուսուցիչների վերապատրաստում ՀՀ բոլոր մարզերում և Երևանում:

Վերապատրաստումները կազմակերպվելու են հետևյալ առարկաների ուսուցիչների համար՝ «Ես և շրջակա աշխարհը» և «Մաթեմատիկա» (2-4-րդ դասարաններ), «Մաթեմատիկա» և «Հանրահաշիվ» (5-11-րդ դասարաններ), «Հասարակագիտություն» (8-11-րդ դասարաններ):

Այդ նպատակով հայտարարվում է վերապատրաստողների մրցույթ: Ընտրված թեկնածուները, վերապատրաստման դասընթացը (ToT) հաջողությամբ ավարտելուց հետո, պետք է իրականացնեն նշված դասընթացներն իրենց մարզի ուսուցիչների համար:

Загружается новость ... "Право"

Վերապատրաստողի հիմնական պարտավորությունները

Վերապատրաստողը պարտավորվում է պատշաճ կերպով և սահմանված ժամկետներում` օգոստոս և նոյեմբեր ամիսներին, համապատասխան առարկայական խմբերի ուսուցիչների համար իրականացնել դասընթացներ (յուրաքանչյուր խմբում՝ 30 ժամ):

Վերապատրաստողը պետք է պատրաստ լինի նմանատիպ դասընթացներ իրականացնելու նաև հաջորդող տարիների ընթացքում:

Հասանելի լինի վերապատրաստված ուսուցիչների համար` նրանց ուղղորդելու, մենթորություն իրականացնելու նպատակով։

Նա պետք է պարբերաբար մասնակցել կազմակերպվող սեմինարներին, հանդիպում-քննարկումներին, հետևել ծրագրի հետ կապված նորություններին և զբաղվել ինքնակրթությամբ:
Միաժամանակ վերապատրաստողները ծրագրի շրջանակում կատարվող աշխատանքը կարող են համատեղել հիմնական աշխատանքի հետ:

Թեկնածուներին ներկայացվող պահանջները

финансовая грамотность

Նշված ծրագրին մասնակցող թեկնածուները պետք է ունենան`

- վերը նշված առարկայական խմբերից որևէ մեկին վերաբերող բարձրագույն մասնագիտական կրթություն,

- վերապատրաստում իրականացնելու փորձ,

- ինտեգրված դասեր պլանավորելու կամ վարելու փորձառություն,

- մարզերում վերապատրաստում իրականացնելու հասանելիություն և ճկունություն,

- հաղորդակցման զարգացած հմտություններ,

- թիմում աշխատելու կարողություն,

- կազմակերպչական, արագ կողմնորոշվելու հմտություններ և նախաձեռնողականություն,

- համակարգչային գրագիտություն,

Միաժամանակ օտար լեզուների իմացությունը ցանկալի է:

Վերապատրաստողների վերապատրաստում (ToT)

финансовая грамотность

Երևանից և յուրաքանչյուր մարզից հայտադիմումի և հարցազրույզի արդյունքների հիման վրա ընտրված թեկնածուները կմասնակցեն վերապատրաստողների վերապատրաստման հատուկ դասընթացին (ToT), որը կանցկացվի հունիսի 18-30–ը։ Թեկնածուների համար մասնակցությունն անվճար է. տրանսպորտի, գիշերակացի և սննդի ծախսերը հոգում են կազմակերպիչները:

Ուսման ժամկետները

Վերապատրաստողների վերապատրաստումը (ToT) ծրագրված է 2018 թվականի հունիսին։ Համապատասխան առարկայական խմբերի ուսուցիչների համար դասընթացներ – օգոստոս և նոյեմբեր, 2018թ.՝ ըստ սահմանված ժամանակացույցի (յուրաքանչյուր խմբում՝ 30 ժամ):

Դիմելու կարգը և պայմանները

Վերապատրաստման դասընթացը հաջողությամբ ավարտած յուրաքանչյուր վերապատրաստողի հետ կկնքվի պայմանագիր, որի համաձայն նա գործարքային սկզբունքով կվարձատրվի իրականացրած դասընթացների համար:

Մրցույթին մասնակցելու համար պետք է մինչև մարտի 31-ը ներառյալ ուղարկել լրացված հայտադիմումը [email protected] էլ. hասցեով՝ նամակին կցելով նաև ինքնակենսագրությունը (CV):

Նյութը պատրաստվել է ԱՄԻ «Նովոստի–Արմենիա»–ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում։ -0-


Թեմատիկ նյութեր
Բաժնի այլ նյութեր
12:21
18 Հուլիսի 2019
Կրիպտոարժույթ. գայթակղիչ եկամու՞տ, թե՞ ֆինանսական սնանկության սպառնալիք
ՀՀ ԿԲ սպառողների իրավունքների պաշտպանության և ֆինանսական կրթության կենտրոնը ներկայացրել է հանրապետության բնակչության հետաքրքրությունների փոփոխությունը ֆինանսական կրթման տեսանկյունից։
12:56
11 Հուլիսի 2019
Ինչպես գումար խնայել արձակուրդի համար. 10 հոգեբանական հնարք
«Նովոստի–Արմենիա» գործակալությունը ներկայացնում է տեղեկատվություն տարածված հոգեբանական հնարքների մասին։
11:03
04 Հուլիսի 2019
Ինչպես ճիշտ պլանավորել արձակուրդային բյուջեն
Եկել է արձակուրդների ժամանակաշրջանը, և ամենաճիշտ ժամանակն է մտածել տարվա ամենագլխավոր հանգստի պլանավորման մասին:
10:40
27 Հունիսի 2019
Ի՞նչ կարող են անել դատական կատարածուները պարտքերի համար (ՎԻԴԵՈ)
Ներկայացնում ենք այն դեպքերը, որոնց պարագայում ԴԱՀԿ–ը կարող է բռնագանձել քաղաքացիների դրամական միջոցները։
10:15
20 Հունիսի 2019
Ի՞նչ անել եթե ձեր բանկային քարտն արգելափակվել է
«Նովոստի–Արմենիա» գործակալությունն ուսումնասիրել է իրավիճակը`ներկայացնելով խորհուրդներ քարտն աշխատանքային ռեժիմի վերադարձնելու համար։
10:27
13 Հունիսի 2019
Ինչպես խուսափել տարածված ֆինանսական սխալներից
«Նովոստի–Արմենիա» գործակալությունն ներկայացնում է առավել տարածված ֆինանսական սխալները:
11:42
10 Հունիսի 2019
Արմենուհի Մկրտչյանը պատմել է, թե ում և ինչու է հարկավոր ֆինանսական կրթությունը (ՎԻԴԵՈ)
ՀՀ ԿԲ Սպառողների իրավունքների պաշտպանության և ֆինանսական կրթման կենտրոնի ղեկավար Արմենուհի Մկրտչյանը խոսել է ֆինանսական կրթության անհրաժեշտության, դպրոցներում նման կրթության ներդրման օգտի և ստացված գիտելիքների գործնական կիրառման մասին։
11:14
04 Հունիսի 2019
Անվտանգության ֆինանսական բարձիկի ստեղծման 10 միջոց
Մարդկանց համար շատ կարևոր է զգալ, որ իրենք ֆինանսապես պաշտպանված են տարատեսակ չարդարացված հանգամանքների առաջացման դեպքում։
19:40
30 Մայիսի 2019
Ֆինանսներ հայերերն ձևով. ի՞նչ է հետաքրքրում հայերին ֆինանսական ոլորտում
Հայաստանի բնակիչների հետաքրքրությունները ֆինանսական կրթության տեսանկյունից փոխվել են:
11:53
29 Մայիսի 2019
Ինչպե՞ս դառնալ ունևոր. ֆինանսական հաջողության չգրված կանոնները
«Նովոստի–Արմենիա» գործակալությունն ուսումնասիրել է մի քանի կանոն, որոնց հետևում են ֆինանսապես հաջող մարդիկ և որոշել է ներկայացնել դրանք։
10:47
22 Մայիսի 2019
Սեփական եկամուտները գրագետ տնօրինելու 5 խորհուրդ և 4 ձև
Ներկայացնում ենք զանազան խորամանկություններ և հնարքներ, որոնք օգտագործելիս կարելի է ճիշտ տնօրինել սեփական դրամական միջոցները։
11:00
15 Մայիսի 2019
ԽԱՂ. Սարոյա՞ն, թե՞ Սևակ. որքա՞ն լավ եք ծանոթ հայկական նոր թղթադրամներին
Որքա՞ն լավ եք ծանոթ հայկական նոր թղթադրամներին, կկարողանա՞ք հատվածներով և անվանական արժեքով որոշել, թե հայ մեծերից ով է պատկերված թղթադրամի վրա։