526.18
7.28
476.35
+22
Եղանակը Երևանում
Հայ

Ինչպես են կանայք և տղամարդիկ վերաբերվում փողին

11:45
02 Մայիսի 2019

ԵՐԵՎԱՆ, 2 մայիսի. /Նովոստի-Արմենիա/. Բազմաթիվ գործոններից է կախված այն, թե ինչպես են մարդիկ վերաբերվում փողին, այս հարցում մեծ դեր է խաղում մասնագիտությունը, աշխատանքը, ընտանեկան կարգավիճակը և ընտանիքում զբաղեցրած դիրքը, եկամուտների և ծախսերի մակարդակը, ինչպես նաև սեռը: 

Տղամարդիկ և կանայք տարբեր են իրենց բնույթով, և բնական է, որ տարբերվում են նաև ֆինանսների հարցում: Մեր` դինամիկ փոխվող աշխարհում արդեն հիմնովին ողողվել են փողի հետ շփման ավանդական մոդելները, երբ տղամարդն ընտանիքում միակ փող վաստակողն էր, իսկ կինն` ընտանեկան օջախի պահապանը։ 

Այսօր չկա ընտանեկան պարտականությունների հստակ սահմանում, ինչպես նախկինում էր, իսկ ժամանակակից հայ կանայք ֆինանսապես ավելի անկախ են: 90-ականների կատակլիզմներն անհետք չեն անցել: Երկրաշարժը, պատերազմը, բազմաթիվ ճգնաժամերը, փող վաստակելու նպատակով երկրից տղամարդկանց զանգվածային արտահոսքը հանգեցրեցին նրան, որ հայ կինն իր վրա վերցրեց ընտանեկան ողջ բեռը և բազմաթիվ ընտանիքներում կինը դարձավ «հաց վաստակող»։

Բազմաթիվ կանայք ընտանիքը պահելու համար սկսեցին բիզնեսով զբաղվել: Բնական է, որ այդ ամենը հանգեցրեց ֆինանսների նկատմամբ վերաբերմունքի փոփոխության: Ներկայումս հայ հասարակությունում գոյություն ունեն ընտանեկան բյուջեի կառավարման բազմաթիվ մոդելներ, այդուհանդերձ կան փողերի հետ վարվելու որոշակի հիմնարար տարբերակներ, որոնք կիրառում է երկրի բնակչության զգալի մասը: «՚Նովոստի-Արմենիա» գործակալությունն իր ընթերցողներին է ներկայացնում հոգեբանների և ֆինանսիստների կողմից բացահայտված որոշակի օրինաչափություններ` կապված այն հանգամանքի հետ, թե ինչպես են կանայք և տղամարդիկ վարվում ֆինանսների հետ։

1. Կանայք կարող են երկար ժամանակ փող կուտակել տան համար խոշոր գնում կատարելու նպատակով: Նրանք միջոցներ չեն խնայում իրենց տանը հարմարավետության և կոմֆորտ ստեղծելու, որակյալ սննդի, գեղեցիկ հագուստի, լավ հանգիստ կազմակերպելու համար:

1 кошелек мужчина и женщина деньги

Տղամարդկանց համար առաջնային է բիզնեսի զարգացումն ու կարողության բազմապատկումը: Նրանց համար շատ կարևոր են գնումները, որոնք կընդգծեն իրենք կարգավիճակը՝ թանկարժեք ավտոմեքենա, տարբեր տեխնիկական նորույթներ և աքսեսուարներ, ինչպես նաև բանկային հաշիվ:

Ի դեպ, եթե կինն ունի իր սեփական բիզնեսը, նա տղամարդու նման նույնպես ոչ քիչ գումար և ուշադրություն է հատկացնում դրա զարգացմանը, և այդ հարցում ֆինանսներին վերաբերվում է տղամարդու պես:

2. Կանայք շատ զգույշ են փողերի ներդրման հարցում և չցանկանալով ռիսկի գնալ` հաճախ ստանում են ավելի փոքր, սակայն կայուն եկամուտ՝ հաջողությամբ ընտրելով ներդրումային օբյեկտ: Ամուսնացած կանայք սովորել են ֆինանսական հարցերում հույսը դնել ամուսինների վրա և չմտածել ապագայի մասին: Նման կախվածությունը տղամարդուց կարող է հանգեցնել նրան, որ գումար վաստակողին կորցնելու դեպքում կանայք երեխաների հետ մնում են առանց ապրուստի միջոցի: Միաժամանակ կինը կարող է լինել շատ տնտեսող և պրակտիկ ծախսերի հարցում, սակայն դա այն դեպքում, եթե միայն նա է պատասխանատու ընտանիքի խնամքի համար:

2 кошелек мужчина и женщина деньги

Տղամարդիկ ավելի հակված են ռիսկի, ինչի արդյունքում կարող են ավելի մեծ եկամուտ ստանալ, սակայն կարող են նաև կորցնել բոլոր ներդրումները: 

3. Կանայք իրենց վաստակած գումարն ընկալում են շատ առարկայական և պրակտիկ։ Նրանց համար փողը հավասարազոր է ցանկալի իրերի որոշակի հավաքածուին։ 

3 кошелек мужчина и женщина деньги

Տղամարդիկ փողն ընկալում են որպես գործիք մրցակիցների հետ համեմատվելու համար «ով է ավելի զիլ» սկզբունքով։ 

4. Գործատուի հետ բանակցություններում կանայք սովորաբար նվազեցնում են ցանկալի աշխատավարձը։ Նրանք կարծում են, որ ղեկավարն ինքը պետք է ըստ արժանվույն գնահատի իրենց աշխատանքը։

4 кошелек мужчина и женщина деньги

Տղամարդիկ, հակառակը, որպես կանոն, կանանց համեմատ 30-40%–ով ավելի բարձր են նշում ակնկալվող աշխատավարձը, և դա հավասար ունակությունների դեպքում։

5. Կինը, որի ամուսինն ընտանիքում տնօրինում է ֆինանսները և ժամանակ առ ժամանակ նրան գումար է տալիս ընտանեկան ծախսերի համար, իրեն նեղացած է զգում։ Նման կնոջ մոտ ժամանակի ընթացքում կուտակվում է դժգոհության զգացում։ Նա չի կարողանում ռացիոնալ կերպով ծախսել այդ միջոցները` իրեն թույլ տալով չմտածված գնումներ։

5 кошелек мужчина и женщина деньги

Իսկ եթե ամուսինը կնոջն է տալիս վաստակած գումար` իրեն թողնելով միայն գրպանի ծախսի համար անհրաժեշտ գումար, ապա կինն ավելի պատասխանատու է մոտենում ընտանեկան ծախսերին, ավելորդ ծախսեր թույլ չի տալիս և խորհրդակցում է ամուսնու հետ այս կամ այն գնում կատարելիս։ 

6. Եթե ընտանիքում հիմնական գումարը վաստակում է կինը, ապա հսկայական ծանրաբեռնվածության պատճառով նա կարող է ենթարկվել պոռթկումների, ինչի հետևանքով կարող է խոշոր գումար ծախսել։ 

6 кошелек мужчина и женщина деньги

Հոգնածության պատճառով նման պոռթկումների կարող են ենթարկվել նաև տղամարդիկ` կասկածելի հաճույքներ, թանկարժեք ռեստորաններ, ճամփորդություններ և այլն։ 

7. Շատ է տարբերվում նաև տղամարդկանց և կանանց վերաբերմունքն անսպասելի եկամուտների նկատմամբ։ Կինն ամենայն հավանականությամբ կկազմակերպի ընտանեկան տոն կամ նվերներ կգնի մտերիմների համար։ 

7 кошелек мужчина и женщина деньги

Տղամարդն ամենայն հավանականությամբ կծախսի այդ գումարը ներդրումների վրա, ընդ որում ոչ միշտ հաջող։ 

8. Կանայք տղամարդկանցից ավելի քիչ են լավատես և հակված են չափազանցնել ֆինանսական սպառնալիքները։ Նրանք սկսում են մտահոգվել լուրջ հիմքերի բացակայության դեպքում։ 

8 кошелек мужчина и женщина деньги

Տղամարդիկ, հակառակը, հաճախ չափից ավելի լավ են ներկայացնում ընտանիքի ֆինանսական դրությունն ու մտահոգության պատճառ չեն տեսնում մինչև չեն հայտնվում սնանկացման եզրին։

Ընդ որում...

Բազմաթիվ ուսումնասիրություններ ցույց են տվել, որ կանայք ինտուիտիվ կերպով ընտրում են այնպիսի կողակցի, ով ունի ամբողջովին հակառակ վերաբերմունք ֆինանսների նկատմամբ։ Ժամանակի ընթացքում այդ հակադրությունների պատճառով սկսում են փչանալ հարաբերությունները։ Լավ է, որ նման իրավիճակները կարելի է հարթել` բարձրացնելով սեփական ֆինանսական կրթության մակարդակը։–0–

Նյութը պատրաստվել է ԱՄԻ «Նովոստի–Արմենիա»–ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում:


Թեմատիկ նյութեր
Բաժնի այլ նյութեր
16:02
10 Սեպտեմբերի 2019
Վերաֆինանսավորման տոկոսադրույք. ի՞նչ է դա և ինչի՞ վրա է ազդում
Պատմում ենք, թե ինչ է վերաֆինանսավորման տոկոսադրույքը, և ինչպես են դրա փոփոխություններն ազդում մեզ վրա։
17:10
06 Սեպտեմբերի 2019
Սեփական խնայողությունները պահելու և բազմապատկելու չորս ձև
Առաջարկում ենք գումարը պահելու և բազմապատկելու առավել օպտիմալ ձևեր։
14:53
04 Սեպտեմբերի 2019
Կարևոր օրենքների հնգյակ, որոնք կարող էիք բաց թողնել այս ամառ
Ներկայացնում ենք կարևոր օրենքների հնգյակ, որոնք կարող էիք բաց թողնել այս ամառ։
12:26
29 Օգոստոսի 2019
Ֆինանսապես գրագետ աշուն. Հայաստանում կանցկացվեն խաղեր, մրցումներ, վարպետության դասեր
Համաշխարհային պրակտիկան ցույց է տալիս, որ հաճախ հաճախորդի դժգոհությունը ֆինանսական համակարգից պայմանավորված է նրան ֆինանսական գրագիտության ցածր մակարդակով:
11:00
22 Օգոստոսի 2019
Անձնական ֆինանսները կառավարելու անվճար մոբայլ հավելվածների թոփ 8
«Նովոստի-Արմենիա» գործակաությունը ծանոթացնում է իր ընթերցողին բջջային որոշ հավելվածների հետ, որոնք կօգնեն ընտանեկան բյուջեի հարցում:
15:09
19 Օգոստոսի 2019
ԹԵՍՏ. որքա՞ն արդյունավետ եք կառավարում անձնական ֆինանսները
Ուզու՞մ եք իմանալ, թե որքան արդյունավետ եք կառավարում անձնական ֆինանսները։ «Նովոստի–Արմենիա» գործակալության թեստը կօգնի Ձեզ այդ հարցում։
10:51
07 Օգոստոսի 2019
Ֆինանսական բարեկեցության 10 հիմնական սկզբունքները
Ներկայացնում ենք մի շարք սկզբունքներ, որոնց հետևելով` կարելի է կյանքն ավելի լավը դարձնել։
11:24
01 Օգոստոսի 2019
Հինգ ֆինանսական բջջային հավելվածներ ճամփորդների համար
Պատրաստվելով արձակուրդի` թեթևացրեք տարատեսակ ֆրինանսական հարցերի լուծումը ճամփորդության ժամանակ։ Այդ հարցում ձեզ կօգնեն մի քանի օգտակար ֆինանսական անվճար հավելվածներ։
11:06
25 Հուլիսի 2019
Հիփոթեք երիտասարդների և չամուսնացածների համար. ինչպե՞ս ստանալ
Երիտասարդ, աշխատող և չամուսնացած մարդկանց համար հիփոթեքը դեռևս մնում է անհասանելի։ Կարո՞ղ են նրանք հիփոթեք վերցնել և ի՞նչ պայմաններով. այս թեմայի շուրջ զրուցել ենք «Ազգային հիփոթեքային ընկերություն» ՎԿ–ի (ԱՀԸ) գործադիր տնօրեն Էդմոնդ Վարդումյանի հետ։
12:21
18 Հուլիսի 2019
Կրիպտոարժույթ. գայթակղիչ եկամու՞տ, թե՞ ֆինանսական սնանկության սպառնալիք
ՀՀ ԿԲ սպառողների իրավունքների պաշտպանության և ֆինանսական կրթության կենտրոնը ներկայացրել է հանրապետության բնակչության հետաքրքրությունների փոփոխությունը ֆինանսական կրթման տեսանկյունից։
12:56
11 Հուլիսի 2019
Ինչպես գումար խնայել արձակուրդի համար. 10 հոգեբանական հնարք
«Նովոստի–Արմենիա» գործակալությունը ներկայացնում է տեղեկատվություն տարածված հոգեբանական հնարքների մասին։
11:03
04 Հուլիսի 2019
Ինչպես ճիշտ պլանավորել արձակուրդային բյուջեն
Եկել է արձակուրդների ժամանակաշրջանը, և ամենաճիշտ ժամանակն է մտածել տարվա ամենագլխավոր հանգստի պլանավորման մասին: